10/23/2021
Today from Hiiraan Online:  _
Wararka Maanta- Sabti, Sept 11, 2021
Qoyska Ikraan Tahliil Faarax oo sheegay in aysan wax gorgortan ah ka galidoonin kiiska gabadhooda
 

Sabti, September, 11, 2021 (HOL) - Dr. Tahliil Faarax oo ah Aabaha dhalay Ikraan Tahliil Faarax, ayaa wax aan la aqbali karin ku tilmaamay in dilka gabadhiisa loo saariyo kooxda Alshabaab, wuxuuna sheegay in gabadhiisa ay ku maqan tahay gacanta NISA.

Dr. Tahliil ayaa madaxweyne Farmaajo ku eedeeyay in uu hortaagan yahay sidii ay qoyskooda ku heli lahaayeen caddaalad islamarkaana uu difaacayo madaxda NISA ee ku eedaysan in lug ku leeyihiin kiiska gabadhiisa.

“Waxaa run ahaantii la yaab leh in madaxweynihii dalka oo muddo labo bilood iyo ka badan ka aamusnaa maqnaashaha gabadhayda, dhegahana ka furaystay oohinta Ikraan hooyadeed, qoyskeeda iyo qeylo dhaanta bulshada ka imaanaysay, uu ficilkii ugu horreeyay uu qaaday uu noqday hor istaaga caddaalad u raadinta Ikraan,”ayuu yiri Aabbe Tahliil Faarax.

Aabbe Tahliil ayaa u sheegay madaxweyne Farmaajo inuusan marnaba isku dayin inuu hor istaago caddaalada gabadhiisa, wuxuuna ugu baaqay inuu guto masuuliyadda qaran ee ka saaran kiiska gabadhiisa.

Wuxuu si cad u sheegay in aysan marnaba qoyska reer Tahliil wax gorgortan ah ka galidoonin caddaalad u helista gabadhooda ayna ku qanci karaan oo kaliya in gabadhooda nolol iyo geeri meel loogu sheego.

“Waxaan halkaan ka caddaynaynaa Aniga iyo hooyada gabadha Qaali Maxamuud, in aanan diyaar u ahayn in kiiska Ikraan lagu dhameeyo xeer Soomaali iyo wada hadal. Diyaar uma nihin in aan qaadano Di’yo, xataa haddii ay bilyanis tahay. Waxaan rabnaa in loo ciqaabo shakhsiyaadka ay ku caddaato in ay lug ku leeyihiin kiiska gabadheenna kraan,” ayuu hadalkiisa sii raaciyay.

Si kastaba ha ahaatee, Qoyska Ikraan Tahliil ayaa dhawaan dacwad ka gudbiyay taliyihii nabad sugida ee NISA, Fahad Yaasiin, ku xigeenkiisii Kulane Jiis iyo taliyaha nabad sugida gobolka Banaadir, Yaasiin Faray, waxayna ku eedeeyeen inay ku lug leeyihiin afduubka loo geystay Ikraan.

  

Abdiweli M. Sheikh, Hiiraan Online












Click here
9/11/2021 3:45 PM EST
Sabti, September, 11, 2021 (HOL) - Guddoomiyaha xisbiga UCID ee gobolka Awdal Cabdirashiid Ibraahin Isaaq, ayaa cambaareyay xadhiga qaar kamid ah isuduwayaasha gobolka, oo uu sheegay in badhasaabka gobolku uu xabsiga dhigay kadib markii ay ka habsameen shir lagu qaban qaabinayay soo dhawaynta madaxweyne Biixi oo gobolka ku wajahan.

9/11/2021 2:05 PM EST
Sabti, September, 11, 2021 (HOL) - Dabley aan haybtooda la aqoonsan ayaa rasaas ku diley Cabdirisaaq Axmed Cilmi "Cabdirisaaq Cardoofe" oo ka mid ahaa xildhibaanada golaha degaanka Degmada Laascaanood ee dhowaanta la doortay.

9/11/2021 9:16 AM EST
Sabti, September, 11, 2021 (HOL) - Madaxweynaha Somaliland Muuse Biixi Cabdi, ayaa xilka qaadis, isku badal iyo magacaabis ku sameeyay qaar kamid ah badhasaabada gobolada Somaliland iyo hay'adaha qaar kood.

9/11/2021 9:07 AM EST
Sabti, September, 11, 2021 (HOL) - Wasiirka arrimaha gudaha Somaliland Maxamed Kaahin Axmed ayaa wax laga xumaado ku tilmamay in xisbiga Waddani wasiir Koore ku tilmaamo shakhsi Somaliland ku jooga guno, wasiirka ayaa sidoo kale ka jawabay waraysi uu bixiyay guddoomiyaha wakiilada Somaliland mudo kahor.

9/11/2021 8:16 AM EST
Sabti, September, 11, 2021 (HOL) - Madaxweynayaasha Galmudug iyo Koonfur Galbeed Axmed Qoor-qoor iyo Cabdicasiis lafta-gareen ayaa ku guulaystay in ay wadahadal iskugu keenaan Madaxweyne Farmaajo iyo Ra'iisulwasaare Rooble oo uu ka dhex taagan yahay khilaaf ka dhashay Kiiska Ikraan Tahliil Faarax.

9/11/2021 7:31 AM EST
Sabti, September, 11, 2021 (HOL) - Wafdi katirsan booliiska dowladda federalka Soomaaliya iyo kuwa AMISOM ayaa kormeer ku tagay magaalada Garbahaareey ee gobolka Gedo oo kamid ah magaalooyinka lagu qabanayo doorashooyinka aqalka hoose.

9/11/2021 6:38 AM EST
Sabti, September, 11, 2021 (HOL) - Wasiirka Warfaafinta Somaliland Saleebaan Yuusuf Cali Koore, ayaa xisbiga Waddani ku eedeeyay in uu gaf ka galay dadka daga bariga Somaliland kadib markii xogeeyaha guud ee xisbigaasi sheegay in wasiir Koore uu Somaliland kula joogo gunno ama laaluush.

9/11/2021 1:55 AM EST
Sabti, September, 11, 2021 (HOL) - Warar lagu kalsoonaan karo oo soo baxaya ayaa sheegaya iney socdaan kulamo lagu doonayo in lagu dhex dhexaadiyo madaxweyne Farmaajo iyo Raysal wasaare Rooble.

9/11/2021 1:37 AM EST
Sabti, September, 11, 2021 (HOL) - Cabdiwahaab Sheekh Cabdisamad, oo ah aqoonyahan Soomaaliyeed oo caan ka ah Kenya, kana faallooda arrimaha siyaasadda ee Bariga/Geeska Afrika ayaa laga afduubay bartamaha Nairobi, Kenya 8 -dii Sep 2021.

9/11/2021 1:29 AM EST
Sabti, September, 11, 2021 (HOL) - Wararka ka imaanaya deegaanka Goola Goole oo dhinaca Waqooyi kaga beegan degmada Guriceel ee gobolka Galgaduud 75-KM ayaa sheegaya in halkaasi sadax ruux ay ku geeriyoodeen kadib markuu kusoo dumay Ceel biyood ay qodayeen.