10/23/2021
Today from Hiiraan Online:  _
Wararka Maanta- Jimco, Sept 10, 2021
Xogeeyaha Kulmiye "Hogaanka xisbiga Waddani waxa ka muuqda shaki aamin sanaantooda qadiyada Somaliland"
 

Jimco, September, 10, 2021 (HOL) - Xogeeyaha guud ee xisbiga talada Somaliland haya ee Kulmiye Ibraahin Axmed Raabi, ayaa ku eedeeyay madaxda sare ee xisbiga mucaarad ka ah ee Waddani in anay si buuxda u aaminsanayn qadiyada madaxbannaanida Somaliland.

Xogeeyaha oo warbaahinta kula hadlay magaalada Hargaysa, ayaa ku andacooday in marka la eego hadalada madaxda xisbiga Waddani warbaahinta ka sheegaan ay u egtahay in hogaanka xisbigaas anay ka dhab ahayn aaminsanaantooda qadiyada Somaliland.

"Arrinta qaranimada iyo madaxbannaanida Somaliland Somaliland waxay ugu jirtaa meel adag, xisbiga Kulmiye hadaanu nahay waxay arrintaasi nagaga taala meel adag, hadaba waxa ayaan daro ah in markasta oo ay qadiyada Somaliland noqoto ay hogaanka xisbiga Waddani ka muuqato shaki aamin sanaantooda arrintaa" ayuu yidhi xogeeyuhu.

"Waxa ka muuqata in anay marnaba liqsanayn madaxbannaanida Somaliland, waxa kuu muujinaysa hadalada soo noq noqday ee hogaanku markasta warbaahinta lasoo taaganyahay, qadiyada Somaliland ciyaar ku may iman, cid lagama baryin, dhiig bay ku timiday, tacab ayay ku timid, samir ayay ku timid" ayuu hadalkiisa ku daray xogeeyuhu.

Xogeeye Raabi ayaa si gaara guddoomiyaha xisbiga Waddani Cabdiraxman Maxammed Cabdillaahi (Cirro) ugu eedeeyay in aanu aaminsanayn qadiyada madaxbannaanida Somaliland, isagoo xusay in guddoomiye Cirro aanu badana kasoo qayb galin xafladaha maalinta xoriyada Somaliland ee 18 May.

"Waxa ayaan daro ah in guddoomiyaha xisbiga Waddani uu boqolaal jeer warbaahinta isla soo taagay in aanu aaminsanayn munaasibada 18 May, markasta oo la qabanayo xuska 18 May guddoomiyaha xisbiga Waddani kama soo qayb galo" ayuu yidhi xogeeyuhu.

Xisbiga Kulmiye ayaa marar kala duwan sannadihii lasoo dhaafay madaxda xisbiga Waddani ku eedeeyay in anay daacad ka ahyn qadiyada madaxbannaanida Somaliland.



Abdilahi Abdirahman Mahamed, Hiiraan Online
[email protected]












Click here
9/10/2021 12:16 PM EST
Jimco, September, 10, 2021 (HOL) - Kulan degdeg oo ay maanta isugu yimaadeen golaha midowga musharraxiinta madaxweynaha, waxay ku dhawaaqeen in ay si buuxda u garab istaagan yihiin raysal wasaare Rooble.

9/10/2021 12:06 PM EST
Jimco, September, 10, 2021 (HOL) - Guddoomiyihii hore ee maxkamadda Sare ee dalka, Abukaate Caydiid Ilka Xanaf ayaa sheegay in raysal wasaare rooble uu sharciyan ku saxan yahay magacaabida iyo dhaarinta xubinta kamid ah golihiisa wasiiradda.

9/10/2021 9:42 AM EST
Jimco, September, 10, 2021 (HOL) - Guddoomiyaha xisbiga mucaaradka Somaliland ee Waddani Cabdiraxman Maxamed Cabdillaahi (Cirro), ayaa ku dhawaaqay in uu markale u tar tamayo jagada guddoomiyaha xisbiga, doorashada qabsoomi doonta shirwaynaha xisbiga ee la qaban doono 30-31 October.

9/10/2021 6:53 AM EST
Jimco, September, 10, 2021 (HOL) - Heshiis Horudhac ah ayaa laga gaaray dagaal muddooyinkii dambe Maleyshiyo beeleed ku dhex marayay deegaanka Kabxanley ee gobolka Hiiraan.

9/10/2021 4:27 AM EST
Jimco, September, 10, 2021 (HOL) - Puntland ayaa soo bandhigtay qaar katirsan dagaalamayaashii Alshabaab ee weeraray xabsiga magaalada Boosaaso iyo qaar kamid ah maxaabiistii Alshabab ee lasoo qabtay markii ay xabsiga ka fakadeen.

9/10/2021 2:19 AM EST
Jimco, September, 10, 2021 (HOL) - Madaxweynaha dowlad goboleedka Puntland Siciid Cabdullaahi Deni, oo Gaalacyo ku sugan, ayaa ku guddoonsiiyay abaalmarino Ciidamadii iyo Masuuliyiintii kale ee ka qayb qaatay nabadgelyada Gobolka Mudug.

9/10/2021 1:41 AM EST
Jimco, September, 10, 2021 (HOL) - Madaxweynayaasha dowlad goboleedyada Galmudug iyo Koonfur galbeed ayaa Muqdisho u tagay sidii ay waan waan uga dhex bilaabi lahaayeen madaxweyne Farmaajo iyo raysal wasaare Rooble oo khilaafkoodu meel adag uu gaaray.