10/26/2021
Today from Hiiraan Online:  _
Wararka Maanta- Arbaco, Sept 1 , 2021
Cabdimaalik Muuse Coldoon hooyadii oo sheegtay in ay la'adahay wiilkeedii
 

Arbaco, September, 1, 2021 (HOL) - Faadumo Rooble Xuseen, oo ah hooyada dhashay Cabdimaalik Muuse Coldoon, oo warbaahinta kula hadashay magaalada Hargaysa, ayaa sheegtay in ay la'adahay wiilkeedi, oo sida ay sheegtay xalay xili danbe laga soo qaaday xabsiga Madheera.

"Inankayga xalay ayaa laga soo qaaday Madheera, ilaa saakana waanu wareegaynay, meel alaale iyo meel uu joogo iyo meel uu ku suganyahay toona ma hayno, lanoomana soo sheegin oo lama odhan maxkamad baanu keenaynaa, sidaasina caddaalad maaha" ayay tidhi hooyo Faadumo.

Faadumo ayaa sheegtay in ay meelkasta oo ay islahayd waala gaynayaa, ay kasoo raadisay sida maxkamadaha, isbitaalada iyo xarumaha ciidanka, ee danbi baadhista, hase yeeshee anay wali ka warkahayn meesha lagu hayo.

"Maxkamadii lama keenin C.I.D lama keenin dhakhtar lama keenin oo wuu liitay, meel ala meel aanu u raacno ayaanu lanahay wakhtigaasanu taaganahay, madaxweyne  waxan ahay islaan inankeedi Burco laga soo afduubtay oo la yidhi ma arki kartid" ayay tidhi Hooyo Faadumo.

Hadaba xildhibaan Axmed Khaliif oo ka tirsan golaha wakiilada Somaliland, ayaa sheegay in taliyaha Ciidanka Asluubta Somaliland oo uu la hadlay uu u sheegay in Coldoon saaka la keenay mid kamid ah isbitalada Hargaysa oo lagaga daweeyay lug uu ka cabanayay isla markaana dib loogu celiyay xabsiga Madheera.



Abdilahi Abdirahman Mahamed, Hiiraan Online
[email protected]














Click here
9/1/2021 3:12 PM EST
Arbaco, September 1, 2021 (HOL) - Hanti-dhowrka guud ee Soomaaliya, ayaa ku eedeeyay wasiirka warfaafinta Soomaaliya, inuu si cad ugu xad gudbay nidaamka dowliga ah islamarkaana uu sifo sharci darro ah ku bixiyay qeybo kamid ah dhulka tiyaatarka qaranka.

9/1/2021 9:32 AM EST
Arbaco, September 1, 2021 (HOL) - Raysal wasaaraha Soomaaliya, Maxamed Xuseen Rooble ayaa sheegay in ay doorashada u qorsheeyeen in ay ku bixi doonto 26 malyan oo dollar, isagoo sheegay in dhaqaalahaas ay ka cabsi qabaan inuu ku yaraado.

9/1/2021 9:22 AM EST
Arbaco, September 1, 2021 (HOL) - Waxaa maanta ka dhacay qaybo kamid ah Gobolka Sitti ee deegaanka Soomaalida Itoobiya banaanbaxyo nabadeed oo ay shacabku ku cabirayeen dareenkooda ku aadan arrinta galbeedka Sitti.

9/1/2021 8:16 AM EST
Arbaco, September 1, 2021 (HOL) - Puntland ayaa sheegtay in ay ka qeyb galayso dagaalka ururka Alshabab looga xorraynayo deegaannada kuyaalla koonfurta gobolka Mudug, iyadoo halkaas ay gaareen cutubyo katirsan ciiddamadeeda Puntland iyo saraakiil ciiddan.

9/1/2021 7:57 AM EST
Arbaco, September 1, 2021 (HOL) - Safiirka Ingiriiska ee Soomaaliya Kate Foster oo wareysi siinaysay warbaahinta dibedda ayaa sheegtay inuusan jiridoonin qorshe degdeg ah oo loogu talagalay in Amisom uga baxdo Soomaaliya.

9/1/2021 6:37 AM EST
Arbaco, September 1, 2021 (HOL) - Dowladda Maraykanka ayaa sheegtay in ka bixitankooda Afghanistan uusan ka dhignayn in ay faraha kala baxayaan dagaalka ay kula jiraan kooxaha argigixisada ee dalkaas ku sugan.

9/1/2021 4:10 AM EST
Arbaco, September 1, 2021 (HOL) - Wararka ka imaanaya degmada Buurhakaba ee gobolka Baay ayaa sheegaya in halkaasi uu dagaal ku dhexmaray ciidamada dowladda Soomaaliya kuwa maamulka Koofur Galbeed oo iskaashanaya iyo kuwa Al-shabaab.

9/1/2021 2:55 AM EST
Arbaco, September 1, 2021 (HOL) - Wararka naga soo gaaraya deegaanka Shaw ee katirsan gobolka Hiiraan ayaa sheegaya in Maxkamada Al-shabaab ay xukun dil ah ku fulisay haweeney ay sheegeen iney ka tirsaneyd ciidanka maamul goboleedka Hirshabeelle.

9/1/2021 2:38 AM EST
Arbaco, September 1, 2021 (HOL) - Raysal wasaaraha Xukuumadda Fedaraalka Soomaaliya ayaa ka hadlay hanaanka loo soo xulayo liiska Musharaxiinta Xildhibaanada labada Aqal ee Baarlamaaka Soomaaliya ee kasoo jeeda gobolada Waqooyi ee Somaliland.