10/26/2021
Today from Hiiraan Online:  _
Wararka Maanta- Arbaco, Sept 1 , 2021
Faahfaahino kasoo baxaya dagaal ka dhacay degmada Buurhakaba ee gobolka Baay
 

Arbaco, September 1, 2021 (HOL) - Wararka ka imaanaya degmada Buurhakaba ee gobolka Baay ayaa sheegaya in halkaasi uu dagaal ku dhexmaray ciidamada dowladda Soomaaliya kuwa maamulka Koofur Galbeed oo iskaashanaya iyo kuwa Al-shabaab.

Dagaalka ayaa yimid kadib markii dagaalamayaasha Al-shabaab ay weerar ku qaadeen Saldhig ciidamada maamulka Koofur Galbeed ku leeyihiin Xerada loo yaqaano Shiinaha.

Dadka deegaanka Buurhakaba ayaa warbaahinta u sheegay in dagaalka uu ahaa mid xoogan oo la isku adeegsaday hubka noocyadiisa kala duwan, islamarkaana uu ka dhashay dagaalka khasaare isugu jira dhimasho iyo dhaawac soo kala gaaray labada dhinac oo aanan la xaqiijin karin.

Saraakiil ka tirsan ciidamada maamulka Koonfur Galbeed ayaa sheegay in ay iska difaaceen weerarkii kaga yimid Al-Shabaab, isla markaana ay khasaaro xoogan gaarsiiyeen kooxdii soo weerartay.

Dagaalka kadib waxaa la sheegay in ciidamada dowlad goboleedka Koonfur Galbeed ay sameeyeen howlgalo ka dhan ah Al-Shaabab, inkastoo aysan sheegin saraakiisha ciidamada waxyaabaha ay kuso qabqabteen howlgalkaasi dagaalka kadib ay sameeyeen.

Jamaal Cali Cabdi, Hiiraan Online
[email protected]












Click here
9/1/2021 3:12 PM EST
Arbaco, September 1, 2021 (HOL) - Hanti-dhowrka guud ee Soomaaliya, ayaa ku eedeeyay wasiirka warfaafinta Soomaaliya, inuu si cad ugu xad gudbay nidaamka dowliga ah islamarkaana uu sifo sharci darro ah ku bixiyay qeybo kamid ah dhulka tiyaatarka qaranka.

9/1/2021 9:32 AM EST
Arbaco, September 1, 2021 (HOL) - Raysal wasaaraha Soomaaliya, Maxamed Xuseen Rooble ayaa sheegay in ay doorashada u qorsheeyeen in ay ku bixi doonto 26 malyan oo dollar, isagoo sheegay in dhaqaalahaas ay ka cabsi qabaan inuu ku yaraado.

9/1/2021 9:22 AM EST
Arbaco, September 1, 2021 (HOL) - Waxaa maanta ka dhacay qaybo kamid ah Gobolka Sitti ee deegaanka Soomaalida Itoobiya banaanbaxyo nabadeed oo ay shacabku ku cabirayeen dareenkooda ku aadan arrinta galbeedka Sitti.

9/1/2021 8:16 AM EST
Arbaco, September 1, 2021 (HOL) - Puntland ayaa sheegtay in ay ka qeyb galayso dagaalka ururka Alshabab looga xorraynayo deegaannada kuyaalla koonfurta gobolka Mudug, iyadoo halkaas ay gaareen cutubyo katirsan ciiddamadeeda Puntland iyo saraakiil ciiddan.

9/1/2021 7:57 AM EST
Arbaco, September 1, 2021 (HOL) - Safiirka Ingiriiska ee Soomaaliya Kate Foster oo wareysi siinaysay warbaahinta dibedda ayaa sheegtay inuusan jiridoonin qorshe degdeg ah oo loogu talagalay in Amisom uga baxdo Soomaaliya.

9/1/2021 7:33 AM EST
Arbaco, September, 1, 2021 (HOL) - Faadumo Rooble Xuseen, oo ah hooyada dhashay Cabdimaalik Muuse Coldoon, oo warbaahinta kula hadashay magaalada Hargaysa, ayaa sheegtay in ay la'adahay wiilkeedi, oo sida ay sheegtay xalay xili danbe laga soo qaaday xabsiga Madheera.

9/1/2021 6:37 AM EST
Arbaco, September 1, 2021 (HOL) - Dowladda Maraykanka ayaa sheegtay in ka bixitankooda Afghanistan uusan ka dhignayn in ay faraha kala baxayaan dagaalka ay kula jiraan kooxaha argigixisada ee dalkaas ku sugan.

9/1/2021 2:55 AM EST
Arbaco, September 1, 2021 (HOL) - Wararka naga soo gaaraya deegaanka Shaw ee katirsan gobolka Hiiraan ayaa sheegaya in Maxkamada Al-shabaab ay xukun dil ah ku fulisay haweeney ay sheegeen iney ka tirsaneyd ciidanka maamul goboleedka Hirshabeelle.

9/1/2021 2:38 AM EST
Arbaco, September 1, 2021 (HOL) - Raysal wasaaraha Xukuumadda Fedaraalka Soomaaliya ayaa ka hadlay hanaanka loo soo xulayo liiska Musharaxiinta Xildhibaanada labada Aqal ee Baarlamaaka Soomaaliya ee kasoo jeeda gobolada Waqooyi ee Somaliland.