10/22/2021
Today from Hiiraan Online:  _
Wararka Maanta- Sabti, Oct 9 , 2021
Boqortooyada Sacuudiga oo safiir cusub usoo magacawday Soomaaliya
 

Sabti, October, 9, 2021 (HOL) - Boqortooyada Sacuudi Carabiya ayaa Axmed Bin Maxamed Al-Muwallad usoo magacawday safiirka cusub ee Jamhuuriyadda Federaalka Soomaaliya.

Boqorka Sacuudiga Salmaan Bin Cabdulcasiis Al-Sacuud ayaa hab fogaan arag ah u dhaariyay safiirka cusub ee Sucuudiga u fadhiya Soomaaliya, Axmed Bin Maxamed Al-Muwallad.

Xafladda dhaarinta oo kooban ayaa waxaa ka qeybgalay Dhaxal Sugaha Boqortooyada Maxamed Bin Salmaan, Wasiirka Arrimaha Dibadda, Amiir Faisal bin Farhan bin Abdullah, Wasiir ku xigeenka Arrimaha Dibadda, Walid bin Abdul Karim Al-Khuraji iyo Khaled bin Faisal Al-Sahli, Kaaliyaha Xoghayaha Arrimaha Dibadda ee Mareykanka iyo sidoo kale saraakiil ka tirsan dowladda.

Dhowaan ayay ahayd markii Danjiraha Soomaaliya ee Sacuudiga Saalim Macow Xaaji, uu waraaqihiisa aqoonsiga ka guddoomay Boqorka Sacuudiga Salmaan Bin Cabdicasiis.

Danjire Saalim Macow ayaa uga mahadceliyey dowladda Sacuudiga soo dhoweynta ay u sameysay, wuxuuna sheegay inay wax weyn ka tari doonto horumarka iyo wada shaqeynta labada dowladood.

Ergayga cusub ayaa la filayaa inuu dhawaan soo gaaro caasimadda Muqdisho, waxaana la filayaa in Sacuudi si rasmi ah sannadkan u furto safaaraddii uu ku lahaa Soomaaliya.

Abdiweli M. Sheikh, Hiiraan Online












Click here
10/9/2021 9:17 AM EST
Sabti, October, 9, 2021 (HOL) - Guddoomiyaha xisbiga UCID ee Somaliland Faysal Cali Waraabe, ayaa siyaasiyiinta reer Muqdisho ku eedeeyay in raafka Laascaanood ay ka dhigteen barnaamij ay kursiga ku gaadhaan, waxaanu sheegay in dadkii 1960 iyo kahor Somaliland dagaana kaliya ay muwaadiniin yihiin.

10/9/2021 8:58 AM EST
Sabti, October, 9, 2021 (HOL) - Maamulka koonfur galbeed ayaa maanta Gaalkacyo ka qaaday 78 qof oo ka kooban 21 qoys, kuwaas oo kamid ahaa dadkii lagasoo barakaciyay magaalada Laascaanood.

10/9/2021 7:50 AM EST
Sabti, October, 9, 2021 (HOL) - Guddoomiyaha maamulka gobolka Banaadir ahna duqa magaalada Muqdisho Cumar Maxamuud Maxamed ayaa maanta xariga ka jaray wado laami ah oo isku xirta Isgoyska Baar Ubax iyo Warshada Taraqa iyo Sigaarka ee magaalada Muqdisho.

10/9/2021 6:30 AM EST
Sabti, October, 9, 2021 (HOL) - Xildhibaan Maxamed Abiib oo ka tirsan Golaha Wakiilada Somaliland, ayaa wax laga xumaado ku tilmaamay, tarxiilka ay xukuumada Somaliland gobolka Sool kaga saaraysa dadka aan u dhalan Somaliland.

10/9/2021 6:09 AM EST
Sabti, October, 9, 2021 (HOL) - Madaxweynaha Jubaland Axmed Maxamed Islaam, ayaa Xarunta Madaxtooyada ku qaabilay taliyaha Howlgalka Maraykanka ee Soomaaliya Kornayl Thomas Sarrouf iyo sarakiil kale.

10/9/2021 4:27 AM EST
Sabti, October, 9, 2021 (HOL) - Saraakiisha ciidanka xoogga dalka qeybta 60-aad ee ka howlgala deegaanada maamulka Koofur Galbeed ayaa soo bandhigay sarkaal ka tirsanaa Al-shabaab oo isku soo dhiibay.

10/9/2021 2:16 AM EST
Sabti, October, 9, 2021 (HOL) - Dowlad goboleedka Koonfur Galbeed ayaa shaaca ka qaaday iney wadaan qorshe ay diyaarado ugu soo qaadayaan dadkii dhawaan Somaliland kasoo masaafurisay magaalada Laascaanood ee gobolka Sool.