1/24/2022
Today from Hiiraan Online:  _
Wararka Maanta- Isniin, Oct 4 , 2021
Madaxweyne Farmajao iyo wafdi uu hoggaaminayo oo gaaray magaaada Addis Ababa


Isniin, October, 4, 2021 (HOL) - Madaxweyne Farmaajo iyo wafdi uu hoggaaminayo ayaa gaaray magaalada Addis Ababa oo ay uga qeyb geli doonaan caleemasaarka dhismaha Xukuumadda cusub ee Jamhuuriyadda Federaalka Itoobiya.

"Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo iyo wafdi uu hoggaaminayo ayaa gaaray magaalada Addis Ababa oo ay uga qeyb geli doonaan munaasabadda caleemasaarka dhismaha Xukuumadda cusub ee Jamhuuriyadda Federaalka Itoobiya" ayuu yidhi Afhayeenka Madaxtooyada Cabdirashiid Maxamed Xaashi.

Madaxweyne Farmaajo ayaa ka mid ah Madaxda dalalka Afrika iyo Caalamka ee lagu maamuusay ka qeyb galka munaasabaddan, iyada oo la adkeynayo xiriirka iyo daris wanaagga ee ka dhexeeya Labada dal.

Madaxtooyada Soomaaliya ayaa sheegtay, in madaxweynaha iyo diblumaasiyiin ku wehelisa safarka ay kulan doceedyo la qaadan doona wufuudda ka qeyb galaya munaasabaddan, si loo xoojiyo xiriirka Soomaaliya kala dhaxeeya caalamka.

Wasiirrada Qorshaynta, Gaashaandhigga iyo Agaasime Ku xigeenka Guud ee Madaxtooyada Soomaaliya, ayaa safarka ku wehliya Madaxweyne Farmaajo.

Abdiweli M. Sheikh, Hiiraan Online















Click here
10/4/2021 3:46 PM EST
Isniin, October, 4, 2021 (HOL) - Adeegyada baraha bulshada ee Facebook, WhatsApp iyo Instagram ayaa muddo saacado ah hawada ka maqan, kadib markii ay cilado soo wajaheen.

10/4/2021 12:39 PM EST
Isniin, October, 4, 2021 (HOL) - Madaxweynaha Koonfur Galbeed, Cabdi Casiis Lafta-gareen, ayaa u magacaabay guddi ku meel-gaar ah muwaadiniinta Soomaaliyeed ee ka soo jeeda Koonfur –galbeed, kuwaas oo si sharci -darro ah iyo xoog ah ee Somaliland ugasoo saartay magaalada Laascaanood.

10/4/2021 12:17 PM EST
Isniin, October, 4, 2021 (HOL) - Waxaa goordhaw magaalada Jowhar ee xarunta gobolka Sh/dhexe lagu soo gabagabeeyay doorashada laba kursi oo ka harsaneyd sideeda kursi ee kuraasta Aqalka sare Senatarada ku matalaya Hirshabeelle Baarlamaanka Fedaraalka Soomaaliya.

10/4/2021 9:48 AM EST
Isniin, October, 4, 2021 (HOL) - Saraakiisha ugu saraysa ciidamada Somaliland oo warbaahinta kula hadlay magaalada Laascaanood, ayaa sheegay in howgalka lagu masaafurinayo dadka kasoo jeeda maamulka Koonfur Galbeed ee Soomaaliya, uu yahay howlgal lagu sugayo amniga magaalada Laascaanood.

10/4/2021 8:11 AM EST
Isniin, October, 4, 2021 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, ayaa ka horyimid habka ay xukuumada Somaliland u tarxiishay dadka kasoo jeeda maamulka Koonfur Galbeed ee Soomaaliya, ee ku dhaqnaa magaalada Laascaanood.

10/4/2021 7:54 AM EST
Axad, October, 3, 2021 (HOL) - Qaar kamid ah odayaasha degmada Laascaanood, oo warbaahinta la hadlayay ayaa sheegay in aan lagala tashan masaafurinta dadka reer Koonfur Galbeed, isla markaana, anay ku qanacsanayn habka loo maamulay tarxiilka bulshadaa.

10/4/2021 7:10 AM EST
Isniin, October, 4, 2021 (HOL) - Raysal wasaaraha Xukuumadda Fedaraalka Soomaaliya Maxamed iyo Wafdi uu hogaaminaayo ayaa goordhaw u duulay magaalada Doha ee dalka Qatar, kadib casuumaad rasmi ah oo uu ka helay Raysal wasaaaraha Amiirka dalka Qatar Sheekh Tamim Bin Xamad Al Thani.

10/4/2021 5:51 AM EST
Isniin, October, 4, 2021 (HOL) - Wasiirka haweenka iyo xuquuqul insaanka dowladda federalka Soomaaliya, Xaniifa Xaabsade, ayaa magaalada Muqdisho ku daahfurtay olole loogu magac daray 'GACALO GABADHEYDAAY' oo ah wacyi galin loogu talo galay joojinta gudniinka gabdhaha.

10/4/2021 3:00 AM EST
Isniin, October, 4, 2021 (HOL) - Puntland ayaa dib u dajin kumeel gaar ah u sameysay boqolaal qoys oo ay Soomaliland kasoo tarxiishay magaalada Laascaanood ee gobolka Sool.

10/4/2021 2:03 AM EST
Isniin, October, 4, 2021 (HOL) - Waxaa maanta lagu wadaa in lagu soo gabagabeeyo doorashada kuraasta Aqalka sare ee Baarlamaanka Fedaraalka Soomaaliya Senatarada ku matalaya Hirshabeelle oo labadii kursi ee ugu dambeysay sideeda kursi ee Hirshabeelle doorashadooda maanta dhici doonto magaalada Jowhar.

10/4/2021 1:32 AM EST
Isniin, October, 4, 2021 (HOL) - Madaxaweynaha Soomaaliya Maxamed Cabdullaahi Farmaajo iyo wafdi uu hoggaaminaayo ayaa goordhaw u duulay magaalada Adis Ababa ee dalka Itoobiya.