1/20/2022
Today from Hiiraan Online:  _
Wararka Maanta- Khamiis, Oct 28, 2021
Puntland oo iska fogeysay in ay ku lug leedahay colaada Guriceel ka jirta ayna hub siisay Ahlusunna Waljamaaca
 

Khamiis, October, 28, 2021 (HOL) - Maamul goboleedka Puntland ayaa iska fogeeyay inuu wax lug ah ku leeyahay colaadda ka jirta magaalada Guriceel ee u dhaxaysa mamulka Galmudug iyo urur diimeedka Ahlusunna Waljamaaca.

Guddoomiyaha gobolka Mudug, Cabdiladiif Muuse Nuur oo shir jaraaid ku qabtay Gaalkacyo, ayaa sheegay in aanay waxba ka jirin wararka sheegaya in Puntland kaalmo u fidisay ururka Ahlusunna Waljamaaca.

Guddoomiyaha ayaa arrintaas ku tilmaamay dacaayad raqiis ah oo lagu doonayo in colaad iyo nacayb looga dhex abuuro Puntand iyo Galmudug.

“Waa Borobogaando meel kale kasoo maaxatay oo lasoo dhexmarsiiyay Galmudug. Puntland waxay ogtahay in burburka Galmudug uu yahay naafonimada Puntland" ayuu yiri guddoomiye Sanyare.

Guddoomiye Sanyare wuxuu sheegay inay Puntland  ka xun tahay wax ka dhacaya Guriceel, wuxuuna ugu baaqay Galmudug inay xal ka gaaraan colaadda dhexdooda ka jirta, iyadoo aan cid kale fara galin.

Madaxweynaha Galmudug, ayaa labo maalin ka hor sheegay in colaadda Guriceel ay ku lug leeyihiin Soomaali iyo ajaanib, isagoo sheegay inay soo bandhigidoonaan caddeymo rasmi ah.

Warar aan weli si dhab ah loo xaqiijin ayaa sheegayay in ciiddanka Galmudug ay qabteen hub laga keenay dhinaca Puntland oo loo siday magaalada Guriceel si loogu taageero Ahlusunna Waljamaaca.

Abdisalan Nur Dirie, Hiiraan Online












Click here
10/28/2021 1:13 PM EST
Khamiis, October, 28, 2021 (HOL) - Guddoomiyaha barlamaanka Koonfur Galbeed, Cali Siciid Faqi, ayaa been abuur ku tilmaamay warar laga faafiyay oo uu sheegay in muslinimadiisa shaki lagu galiyay.

10/28/2021 12:55 PM EST
Khamiis, October, 28, 2021 (HOL) - Siyaasi Maxamuud Xaashi Cabdi, oo maanta laga saaray xisbiga Kulmiye oo uu hore uga tirsana, ayaa talaabada xisbiga lagaga saaray ku macneeyay talo xumo, waraysi uu BBC Somali siiyay.

10/28/2021 12:32 PM EST
Khamiis, October, 28, 2021 (HOL) - Madaxweynaha Galmudug Axmed Cabdi Kaariye ayaa galabta gaaray magaalada Guriceel, halkaas oo maalmihii ugu dambeeyay uu dagaallo culus ku dhexmarayay ciiddamada maamulka Galmudug iyo kuwa Ahlusunna.

10/28/2021 9:42 AM EST
Khamiis, October, 28, 2021 (HOL) - Wareegto uusoo saaray xisbiga talada Somaliland haya ee Kulmiye, ayaa xisbiga lagaga caydhiyay siyaasiga Maxamuud Xaashi Cabdi, oo isaga oo ka tirsan xisbiga hadana xil guddoomiyenimo u doontay xisbiga mucaaradka ah ee Waddani.

10/28/2021 9:12 AM EST
Khamiis, October, 28, 2021 (HOL) - Ciidanka Booliiska Somaliland qaybta saldhiga xaafada New Hargaysa ee magaalada Hargaysa, ayaa gacanta ku dhigay laba nin oo hab casri ah dadka ugala baxa lacagta ugu jirta telefoonada gacanta, kuwaasi oo lacag dhan $7000 ka dhacay dirawal tagsiile ah oo ka shaqeeya Hargaysa.

10/28/2021 7:59 AM EST
Khamiis, October, 28, 2021 (HOL) - Ururada mucaaradka Puntland ayaa sameystay is-bahaysi ay ku doonayaan in ay kula wareegaan talada saddexda degmo ee dhawaan ay ka dhaceen doorashooyinka golayaasha deegaanka ee lasoo horumariyay.

10/28/2021 7:49 AM EST
Khamiis, October, 28, 2021 (HOL) - Hoggaamiyaha Ahlu Sunna Waljameeca Sheekh Maxamed Shaakir Cali Xasan ayaa markii ugu horeysay ka hadlay tan iyo markii ay isaga baxeen degmada Guriceel sababahii ay uga baxeen, kadib afar maalmood oo xariir ah ay ka dhex dagaalamayeen ciidankiisa gudaha magaalada Guriceel ee gobolka Galgaduud.

10/28/2021 3:31 AM EST
Khamiis, October, 28, 2021 (HOL) - Howlgalka Ciidamada Midowga Afrika ee AMISOM ayaa markii ugu horeysay ka jawaab celiyay eedeyn dhawaan kaga timid hogaanka sare ee Ahlu Sunna Waljameeca, taasoo aheyd in ciidamada AMISOM ay ka qeyb qaateen dagaaladii dhawaan ka dhacay degmada Guriceel ee gobolka Galgaduud.

10/28/2021 1:31 AM EST
Khamiis, October, 28, 2021 (HOL) - Madaxweynaha Soomaaliya Maxamed Cabdullaahi Farmaajo ayaa sheegay inuu joojiyey heshiis kasta oo ku saabsan kala wareejinta, iibka, kireynta dhulka danta-guud, inta laga soo dhammeystirayo xeerarka iyo shuruucda Baarlamaan ee hageysa.