1/24/2022
Today from Hiiraan Online:  _
Wararka Maanta- Arbaco, Oct 27, 2021
Ciidamada Ahlu Sunna Waljameeca oo isaga baxay degmada Guriceel ee gobolka Galgaduud
 

Arbaco, October, 27, 2021 (HOL) - Ciidamadii Ahlu Sunna Waljameeca ee afartii maalmood ee lasoo dhaafay degmada Guriceel kula dhex dagaalamaayay ciidamada dowladda iyo kuwa maamulka Galmudug ayaa aroornimadii hore ee saakay isaga baxay degmada Guriceel ee gobolka Galgaduud.

Kabixitaanka ciidanka Ahlu Sunna ee degmada Guriceel ayaa timid kadib markii wadahadalo ay fududeeyeen ganacsato iyo siyaasiyiin kasoo jeeda deegaanka ay la yeesheen labada dhinac taasoo ugu dambeyn surta galisay in ciidankii Ahlu Sunna ay isaga baxaan goobahii ay kaga sugnayeen degmada, islamarkaana  ciidamada dowladda iyo kuwa Galmudug si buuxda ula wareegaan gacan ku heynta degmada Guriceel.

Ciidamadii Ahlu Sunna ee isaga baxay degmada Guriceel ayaa la sheegay iney gaareen deegaanka lagu magacaabo Godwiil oo ku yaala Waqooyiga magaalada Guriceel ee gobolka Galgaduud.

Wararka waxay intaasi ku darayaan in ciidanka Ahlu Sunna ay uga tageen Fariisinkoodii dagaalka ee dhismaha Jaamacadda laba gaari oo gaashaaman oo Ahlu sunna ay horay ugu qabsatay dagaalkii ka dhacay deegaanka Bohol.

Gabagabadii waxaa saakay fariisamhii dagaalka Ahlu Sunna ee degmada Guriceel lagu arkayaa ciidamada dowladda iyo kuwa maamulka Galmudug, kadib dagaal afar maalmood oo xiriir ah ku dhexmaraayay xaafadaha degmadaasi ciidamada dowlada iyo kuwa Galmudug oo is kaashanaya iyo kuwa Ahlu Sunna Waljameeca oo ugu dambeyn aroornimadii hore ee saaka si nabdoon uga baxay fariisamahoodii dagaalka.



Jamaal Cali Cabdi, Hiiraan Online
[email protected]












Click here
10/27/2021 10:47 AM EST
Arbaco, October, 27, 2021 (HOL) - Cabdimaalik Muuse Coldoon ayaa maanta Maxkamada Gobolka Maroodijeex la hor geeyay kadib muddo 2 bilood iyo 16 cisho ah oo uu ku jiray xabsiga Madheera, waxaana la sheegay in loo akhriyay dacwadaha loo haysto, oo ay ugu horayso eedo ay soo gudbisay Jaamacada Barwaaqo.

10/27/2021 7:15 AM EST
Arbaco, October, 27, 2021 (HOL) - Raysal wasaaraha dalka Canada Justin Trudeau ayaa ku dhawaaqay golahiisa wasiirada oo ka kooban 38 wasiir oo kala bar ay dumar yihiin.

10/27/2021 6:55 AM EST
Arbaco, October, 27, 2021 (HOL) - Warbixin ay soo saartay hay’ad fadhigeedu yahay magaalada London ee dalka Ingiriiska, ayaa lagu sheegay in Soomaalida ku nool caasimadda dalka Turkiga ee Ankara ay dhawaanahan booliisku bartilmaameed ka dhigteen, taasoo ay ku sheegeen inay tahay olole lagu dhibaataynayo.

10/27/2021 3:20 AM EST
Arbaco, October, 27, 2021 (HOL) - Madaxtooyada Soomaaliya ayaa ka jawaabtay eedayn uu madaxweynaha Puntland u jeediyay madaxweyne Farmaajo, taasoo ku saabsanayd, in madaxweynaha Soomaaliya uusan ka hambalyayn doorashadii “qof iyo cod” ee ka dhacday Qardho, Eyl iyo Ufayn.

10/27/2021 2:59 AM EST
Arbaco, October, 27, 2021 (HOL) - War saxafadeed kasoo baxay Saaxiibada Beesha Caalamka ayaa waxay ku sheegeen iney ka walaacsan yihiin dagaalada ka socda degmada Guriceel ee gobolka Galgaduud.

10/27/2021 2:51 AM EST
Arbaco, October, 27, 2021 (HOL) - Abaaro daran oo dad iyo duunyaba saamaysay ayaa laga soo sheegayaa inay ka jirto qaybo kamid ah gobollada uu ka kooban yahay dowlad degaanka Soomaalidu.

10/27/2021 2:10 AM EST
Arbaco, October, 27, 2021 (HOL) - Ciidanka laanta Socdaalka ee gobolka Togdheer ee Somaliland, ayaa ku dhawaaqay in ay tarxiilayaan dadka kasoo jeeda, maamulka Koonfur-galbeed iyo deegaanada Waajid iyo Xudur ee Soomaaliya.

10/27/2021 1:59 AM EST
Arbaco, October, 27, 2021 (HOL) - Madaxda Khaatumo ayaa shir laba cisho uga socday magaalada Buuhoodle ee gobolka Togdheer, kaga dhawaaqay in ay ka baxeen hishiiskii ay hore ula galeen xukuumada Somaliland xiligii madaxweyne Siilaanyo.