1/20/2022
Today from Hiiraan Online:  _
Wararka Maanta- Talaado, Oct 26, 2021
Faysal Cali Waraabe "Adduunka saxiibo kama samaysan karno kii inoo yimaadana ma xajisan karno"
 

Talaado, October, 26, 2021 (HOL) - Guddoomiyaha xisbiga UCID ee Somaliland Faysal Cali Waraabe, ayaa cambaareeyay, talaabada ay xukuumada Somaliland ku dhintay safarada shirkadaha diyaarada ka howlgala madaarka Cigaal ee Hargaysa.

Faysal ayaa sheegay in waddanka Imaraatka Carabtu yahay, waddan xidhiidhka iyo maalgashiga Somaliland u badheedhay isla markaana ay mudnayd in lasoo dhaweeyo shirkada Flydubai, isagoo xukuumada ku eedeeyay in anay saxibo samaysan karin kuwa uyimadana anay xajisan karin.

"Inagu adduunkiina saxib kama samaysan karno, kii inoo yimaadana ma xajisan karno, Flydubai waxay kasoo jeeda waddanka inoo badheedhay ee nus bilyanka ina galiyay, marka laga yimaado Itoobiya waa tii ugu horaysay ee khadka inoo furtay, waala joojiyay 2 sanno ayay inaga maqnayd hada la fasaxay, 3 duulimaad baa la siiyay, waxa la yidhi 2 ayaanu kaaga dhignay" ayuu yidhi Faysal.

Faysal ayaa sheegay in xukuumada Somaliland anay waxba ka galin hadii diyaaraduhu ku khasaarayaan safaradooda iyo hadii ay ku faa'iidayaan, isla markaana hadii safaradu yaraadan uu tigidhka diyaaraduhu qaaliyoobi doono taasi oo umada Somaliland anay xamili karin.

"Diyaaraduhu haday khasaarayaan iyo hadii kale adiga waxba kaama galin, haday 2 qof sido oo ay timaado cashuur baad ka qaadaysa, yaa ku yidhi adiga waa jilaale ka yaree, iyaguna way ka sareen sistem kiiba, markii iyada iyo Airabia inaga tageen tigidhku $1000 kabadan ayuu inagu tagay' lakin, marka tartan jiro wuu inoo jabayaa" ayuu yidhi Faysal.

Xukuumada Somaliland ayaa dhintay safarada ay madaarka Cigaal ku yimaadaan diyaaradaha Flydubai, Airabia iyo Daallo, halka diyaarada Ethiopian Airline oo maalintii 2 jeer timaada Hargaysa aan iyada jadwalkeeda waxba laga badalin.

Abdilahi Abdirahman Mohamed, Hiiraan Online
[email protected]












Click here
10/26/2021 1:31 PM EST
Talaado, October, 26, 2021 (HOL) - Guddiga kumeel gaarka ah ee doorashada Puntland ayaa ku dhawaaqay natiijada doorashadii "qof iyo cod" ee ka dhacday degmada Ufayn ee gobolka Bari taasoo ay ku tartamayeen ururada siyaasada.

10/26/2021 11:58 AM EST
Talaado, October, 26, 2021 (HOL) - Guddiga kumeel gaarka ah ee doorashada Puntland ayaa ku dhawaaqay natiijada doorashadii "qof iyo cod" ee ka dhacday degmada Eyl, taasoo ay ku tartamayeen ururada siyaasada.

10/26/2021 8:52 AM EST
Talaado, October, 26, 2021 (HOL) - Madaxweynaha Galmudug Axmed Cabdikaariye Qoorqoor, ayaa sheegay in dagaalka Guriceel ka socda uu yahay mid Galmudug ku difaacayso jiritaankeeda isla markaana wuxuu ku eedeeyay garabka Ahlusunna Waljamaaca in ay diideen in ay tabashadooda si nabad ah u sheegtaan.

10/26/2021 7:55 AM EST
Talaado, October, 26, 2021 (HOL) - Guddiga doorashada Puntland ayaa ku dhawaaqay natiijada doorashadii ka dhacday magaalada Qardho ee xarunta gobolka Karkaar iyo ururada ku guulaystay kuraasta xildhibaannada golaha deegaanka.

10/26/2021 4:40 AM EST
Talaado, October, 26, 2021 (HOL) - Wakiillo ka socda Qaramada Midoobay ayaa booqday Qardho si ay u muujiyaan sida ay u garab taagan yihiin geeddi socodka doorashada ‘hal qof iyo hal cod’ ee ka socota saddex degmo oo ka tirsan Puntland.

10/26/2021 3:41 AM EST
Talaado, October, 26, 2021 (HOL) - Dagaalka u dhexeeya ciidamada dowladda Soomaaliya iyo kuwa Ahlu-Sunnah Wal-jamaaca ee ka socda magaalada Guriceel, ayaa saddexdii maalmood ee lasoo dhaafay lagu dilay 120-qof, sida uu sheegay sarkaal sare oo ka tirsan ASWJ.

10/26/2021 3:06 AM EST
Talaado, October, 26, 2021 (HOL) - Guddiga doorashooyinka Puntland ayaa shaaciyay qaar kamid ah natiijoyinka goobaha codbixinta ee doorashada golayaasha deegaanka saddex degmo oo katirsan Puntland.

10/26/2021 3:00 AM EST
Talaado, October, 26, 2021 (HOL) - Warar dheeeraad ah ayaa kasoo baxaya dagaal khasaare kala duwan geystay oo xalay Al-shabaab iyo ciidamada dowladda ku dhexmaray degmada Afgooye ee gobolka Sh/hoose.

10/26/2021 2:13 AM EST
Talaado, October, 26, 2021 (HOL) - Wararka ka imaanaya degmada Guriceel ee gobolka Galgaduud ayaa sheegaya in Saakay xaalada magaalada ay tahay mid degan, kadib dagaalo qaraar oo sadax maalin ee lasoo dhaafay ku dhexmaraayay gudaha degmadaasi ciidamo ka tirsan dowladda iyo kuwa Galmudug oo is garabsanaya iyo kuwa Ahlu Sunna Waljameeca.

10/26/2021 2:03 AM EST
Talaado, October, 26, 2021 (HOL) - Xukuumadaha Somaliland iyo Kenya ayaa qorshaynaya in ay yeeshaan xidhiidh ganacsi oo dhexmara, iyadoo Kenya ay danaynayso in ay Somaliland suuq uga hesho qaadka Miraa oo suuqii hore ee Soomaaliya laga xayiray.