1/21/2022
Today from Hiiraan Online:  _
Wararka Maanta- Isniin, Oct 25, 2021
Dagaal Maalintii sadaxaad galay goordhaw dib uga qarxay degmada Guriceel ee gobolka Galgaduud
 

Isniin, October, 25, 2021 (HOL) - Wararka ka imaanaya degmada Guriceel ee gobolka Galgaduud ayaa sheegaya in Saakay markale uu dib uga bilaawday dagaal xoogan oo u dhaxeeya ciidamada dowladda iyo kuwa Galmudug oo dhinac ah iyo ciidamada Ahlu Sunna Waljameeca.

Dagaalka ayaa lasoo warinayaa inuu xoogiisa ka socdo dhinaca bari ee magaalada, kaasoo la isku adeegsanaayo hubka noocyadiisa kala duwan.

Qaar ka mid ah dadka deegaanka ayaa inoo xaqiijiyay inuu dagaalka yahay mid aad u xogan oo waliba la isku adeegsanaayo hubka culculus iyo kan darandooriga u dhaca,  islamarkaana ay dareemayaan cabsi xooggani.

Wali lama xaqiijin khasaaraha rasmiga ah ee ka dhashay dagaalka goordhaw oo saakay ah dib uga qarxay degmada Guriceel, waxaana sidoo kale adag in la helo xogta rasmiga ah ee dhimashada iyo dhaawaca dagaalka, maaddama wali uu dagaalku socdo.

Degmada Guriceel ee gobolka galgaduud ayaa wajaheysa maalintii sadexaad oo dagaal ah, waxaana Magaalada ka go’an adeegyada bulshada muhiimka u ahaa, sida Korontada, Biyaha, Caafimaadka oo aanan aheyn kuwo  shaqeynayn, taaso oo keentay in dadka deegaanku ay wajahaan xaalad adag oo dhanka nolosha ah oo ka dhashay dagaalada socda maalintii sadaxaad.

Jamaal Cali Cabdi, Hiiraan Online
[email protected]












Click here
10/25/2021 3:27 PM EST
Isniin, October, 25, 2021 (HOL) - Qaramada Midoobay ayaa Baaq kasoo saartay xaaladda Bini’aadamnimada ee soo cusboonaatay magaalada Guriceel ee Dowlad Goboleedka Galmudug.

10/25/2021 10:15 AM EST
Isniin, October, 25, 2021 (HOL) - Ciidamada Booliiska Somaliland ee gobolka Sanaag, ayaa bilaabay howlgalo ay ku qab qabanayaan dadka aan Somaliland u dhalan ee gobolka ku dhaqan, khaasatan dadka kasoo jeeda maamulka Koonfur-galbeed ee Soomaaliya, iyadoo ay shalay ku ekayd mudadii ay xukuumada Somaliland u qabatay in dadkaasi gobolka kaga baxaan.

10/25/2021 7:58 AM EST
Isniin, October, 25, 2021 (HOL) - Raysal wasaraha dowladda federalka Soomaaliya, Maxamed Xuseen Rooble, ayaa Puntland iyo shacabkeeda ugu hambalyeeyay doorashada golayaasha deegaanka ee ka bilaabatay magaalooyinka Qardho, Eyl iyo Ufeyn.

10/25/2021 7:50 AM EST
Isniin, October, 25, 2021 (HOL) - Banaanbaxaan maanta ka dhacay magaalada Muqdisho ayaa ahaa mid looga soo horjeedo dagaalka ka socda degmada Guriceel ee gobolka Galgaduud ee u dhaxeeya ciidamada dowladda iyo kuwa Galmudug oo dhinac ah iyo ciidamada Ahlu Sunna Waljameeca oo maalintii sadaxaad galay.

10/25/2021 5:57 AM EST
Isniin, October, 25, 2021 (HOL) - Madaxweynihii hore ee maamulka Galmudug iyo wasiirkii hore ee arrimaha gudaha iyo amniga Soomaaliya, Cabdikariin Xuseen Guuleed, ayaa bogaadiyay doorashooyinka golayaasha deegaanka ee ka socda deegaannada Puntland.

10/25/2021 4:51 AM EST
Isniin, October, 25, 2021 (HOL) - Wasaaraddaha Gar-gaarka iyo maareynta masiibooyinka heer federaal, heer dowlad goboleed iyo gobolka Banaadir ayaa ka shiray xaaladaha bini’aadannimo ee ka taagan qeybo ka mid ah Soomaaliya.

10/25/2021 2:53 AM EST
Isniin, October, 25, 2021 (HOL) - Wararka ka imaanaya wadanka Suudaan ayaa sheegaya in raysal wasaarahii dalkaasi Cabdalla Xamduuk la galiyay xabsi guri saakay oo isniin sida uu baahiyay Tv-ga Alxadath ee dalkaasi.

10/25/2021 2:13 AM EST
Isniin, October, 25, 2021 (HOL) - Puntlland, waxaa saaka waaberigii ka billowday doorashooyin dadweynuhu ay codkoodu wax ku dooranayaan markii ugu horraysay 53 sano kadib, sida uu sheegay guddiga doorashooyinka Puntland.