1/24/2022
Today from Hiiraan Online:  _
Wararka Maanta- Axad, Oct 24, 2021
Ugu yaraan 2 qof oo ku dhimatay qarax ka dhacay magaalada Kampala ee caasimadda dalka Uganda
 

Axad, October, 24, 2021 (HOL) - Ugu yaraan labo qof ayaa ku dhintay tiro kalena way ku dhaawacmeen ka dib markii uu qarax Sabtidii xalay ka dhacay maqaayad caan ah oo ku taalla duleedka caasimadda Uganda ee Kampala.

Sida uu Boolisku sheegay, qaraxu wuxuu ka dhacay abaarihii 9 -kii fiidnimo ee xilliga bandowga, goob wax lagu cuno oo lagu magacaabo Digida oo ku taal kaniisadda Komamboga.

Boolisku wali ma sheegin sababta dhabta ah ee qaraxa.

Madaxweynaha Uganda Yoweri Museveni ayaa qaraxa ka dhacay caasimadda Kampala ku tilmaamay fal argagixiso, wuxuuna wacad ku maray in la ugaarsan doono kuwa ka mas’uulka ahaa.

Ingiriiska ayaa 15 kii bishaan Octobar ka digay in argagaxisadu ay weerar ka geysan karto Uganda, laakiin booliisku waxay sheegeen inaan loo baahnayn in sare loo qaado heerka halista.

Afhayeenka booliiska Uganda Fred Enanga ayaa xaqiijiyay jiritaanka unugyo katirsan kooxaha argigixisada oo ku sugan dalka Uganda, isagoo intaas ku daray inay socdaan dadaallo lagu burburinayo.

Bayaan ay soo saartay dowladda UK waxay ugu baaqday muwaadiniinteeda inay aad uga taxadaraan ammaankooda, gaar ahaan meelaha dadku ku badan yihiin sida hoteellada, xarumaha gaadiidka iyo maqaayadaha.

Ugu yaraan 35,000 oo dalxiisayaal ka socda UK ayaa booqda Uganda sanad walba. Imaatinka dalxiisayaasha sanadlaha ah ee Uganda ayaa sii kordhayay in ka badan 1.5 milyan ka hor cudurka faafa ee coronavirus.

Abdiweli M. Sheikh, Hiiraan Online












Click here
10/24/2021 6:50 PM EST
London, UK (HOL) - Ciyaaryahanka u dhashay dalka Masar ee Mohmaed Salah una safta kooxda Liverpool ayaa maanta jabiyey saddex rikoor oo ay horay u haysteen cayaartooy kala duwan.

10/24/2021 2:24 PM EST
Axad, October, 24, 2021 (HOL) - Maxkamada Gobolka Saaxiil ee Somaliland, ayaa xukun $20,000 oo ganaaxa ku riday laba markab oo nooca taaga loo yaqaano ee maraakiibta soo xidha ah, oo laga leeyahay dalka Togo, kadib markii lagu helay danbi ah in ay biyaha Somaliland si sharci daro ah kusoo galeen.

10/24/2021 2:13 PM EST
Axad, October, 24, 2021 (HOL) - Xaaladda magaalada Guriceel ayaa deggen caawa kadib markii shalay iyo saakay ay ka dagaallo culus ku dhexmareen ciiddamada Galmudug iyo kuwa dowladda federalka oo dhinac ah iyo ciiddanka Ahlusunna Wajaamaca.

10/24/2021 9:57 AM EST
Axad, October, 24, 2021 (HOL) - Golaha Kacdoonka gobolka Hiiraan iyo Odayaasha dhaqanka gobolka Hiiraan ayaa si isku mid ah uga jawaab celiyay hadal shalay kasoo yeeray madaxweyne ku xigeenka Hirshabeelle Yuusuf Axmed Hagar Dabageed, kaasoo sheegay in magaalada Baledweyne uu imaanayo madaxweynaha Hirshabeelle Cali Cabdullaahi Xuseen Guudlaawe.

10/24/2021 7:13 AM EST
Axad, October, 24, 2021 (HOL) - Xisbiga Waddani, ayaa xukuumada Somaliland ku eedeyay in ay u dhintay safarada shirkadaha qaarkood sida Flydubai, Airarabia iyo Daallo, si loo naas nuujiyo shirkado kale oo qoyska madaxweyne Biixi wakiil kayahay.

10/24/2021 4:29 AM EST
Axad, October, 24, 2021 (HOL) - Dagaalamayaasha Al-shabaab ayaa goob fagaare ah oo ku taala deegaanka Booco oo ka tirsan gobolka Hiiraan waxay ku toogteen nin ay sheegeen inuu fara xumeeyay canug yar oo ka mid ahaa dadka deegaanka.

10/24/2021 4:15 AM EST
Axad, October, 24, 2021 (HOL) - Maamulka degmada Guriceel ee Galmudug ayaa sheegay inay si buuxda ula wareegeen gacan ku haynta magaalada Guriceel, ka dib dagaal xooggan oo halkaas ilaa shalay ku dhexmarayay ururka Ahlu Sunna iyo ciidamada dowladda.

10/24/2021 2:35 AM EST
Axad, October, 24, 2021 (HOL) - Doorashooyinkii ugu horreeyay oo qof iyo cod ah oo golayaasha deegaanka ah, ayay Puntland markii ugu horraysay qabanaysaa, 23 sano kadib aas aaskeedii.

10/24/2021 2:07 AM EST
Axad, October, 24, 2021 (HOL) - Wararka ka imaanaya magaalada Guriceel ayaa sheegaya in mar kale saakay halkaas uu ka bilowday dagaal u dhaxeeya ciidamada Galmudug iyo kuwa Ahlusunna Waljamaaca.