10/22/2021
Today from Hiiraan Online:  _
Wararka Maanta- Khamiis, Oct 14, 2021
Barakac aad u xoogan oo ka socda degmada Guriceel kadib dagaalo laga cabsi qabo iney qarxaan
 

Khamiis, October, 14, 2021 (HOL) - Wararka naga soo gaaraya degmada Guriceel ee gobolka Galgaduud ayaa sheegaya in halkaasi saacadahii ugu dambeeyay uu ka jiray barakac aad u xoogan oo ay sameynayaan dadka ku dhaqnaa xaafadaha magaaladaasi.

Barakaca dadka deganaa Guriceel ayaa yimid kadib markii ay soo wajahday cabsi xoogan oo ay ka qabaan in magaalada uu ka dhaco dagaal u dhaxeeya ciidamada Ahlu Sunna iyo kuwa Galmudug oo kaashanaya ciidanka dowladda Soomaaliya.

Goobjoogayaal ku sugan Guriceel ayaa warbaahinta u xaqiijiyay in qoysaskii ugu badnaa ay ka barakaceen degmada saacadahii ugu dambeyay, kadib markii ay ka war heleen dhaqdhaqaaqyo dagaal oo laga dareemayo Guriceel iyo nawaaxigeeda.

Ciidamada Ahlu Sunna ee ku sugna deegaanka Ceeldheer oo ah deegaan u dhaxeeya magaalooyinka Dhuusamareeb iyo Guriceel ayaa la sheegay iney isaga baxeen deegaankaasi, lama oga sababta rasmiga ah ee ka dambeysa iney ciidamada Ahlu suna isaga baxaan deegaankaas oo ay todobaad ka hor la wareegeen.

Ciidamada Ahlu suna ayaa muddo laga joogo laba todobaad waxay gacanta ku dhigeen degmada Guriceel oo ay horay ugu talinayeen maamulka Galmudug, waxaa haatan markale la dareemaya dhaqdhaqaaqyo xoogan oo ay wadaan ciidamada Galmudug oo ay ku doonayaan iney dib ula wareegaan Guriceel.

Jamaal Cali Cabdi, Hiiraan Online
[email protected]












Click here
10/14/2021 1:32 PM EST
Khamiis, October, 14, 2021 (HOL) - Mid kamid ah Qareenada u dooddayay badda Soomaaliya ayaa beeniyay warar warbaahintu tebinaysay oo ku saabsan, in Kenya loo xukumay dhul baddeedka qaniga ku ah shidaalka iyo Saliidda.

10/14/2021 11:54 AM EST
Khamiis, October, 14, 2021 (HOL) - Maamulka gobolka Saaxil ee Somaliland, ayaa ku dhawaaqay in ay gobolka ka saarayaan, dadka kasoo jeeda maamulka Koonfur-galbeed ee Soomaaliya.

10/14/2021 10:41 AM EST
Khamiis, October, 14, 2021 (HOL) - Madaxweynaha dowladda Federaalka Soomaaliya Maxamed Cabdullaahi Farmaajo ayaa shacabka Soomaaliyeed la wadaagay farriin ku aaddan Xuska Shuhadada qaraxii 14-ka Oktoobar 2017-kii ka dhacay Isgoyska Soobe ee magaalada Muqdisho, kaasoo ay ku dhinteen boqolaal shacab Soomaaliyeed ah, isagoona Alle uga baryey in uu naxariistiisa janno ku abaal mariyo dadkii ku dhintay weerarkaas.

10/14/2021 6:17 AM EST
Khamiis, October, 14, 2021 (HOL) - Dowladda Maraykanka ayaa carrabka ku adkaysay in loo baahan yahay in la dhameystiro doorashooyinka Soomaaliya, isla markaana si degdeg ah loo dhameeyo khilaafka Farmaajo iyo Rooble.

10/14/2021 4:24 AM EST
Khamiis, October, 14, 2021 (HOL) - Wasiiru dowlaha arrimaha dibadda Soomaaliya Bilaal Maxamed Cusmaan, ayaa sheegay dowladda Kenya in aysan wax dan ah ugu jirin inuu xumaado xiriirka kala dhaxeeya Soomaaliya.

10/14/2021 3:18 AM EST
Khamiis, October, 14, 2021 (HOL) - Kooxo hubeysan oo ah burcad u dhalatay dalka Koofur Afrika ayaa Xalay ganacsade Soomaaliyeed waxay ku dileen deegaanka lagu magacaabo Tempisa oo ka tirsan gobolka Limpopo.

10/14/2021 1:51 AM EST
Khamiis, October, 14, 2021 (HOL) - Sannad -guuradii afaraad ayay maanta ku beegan tahay markii uu dhacay qaraxii 14 -kii Oktoobar 2017, qaraxaas oo ahaa qarixii ugu dhimashada badnaa uguna burburka badnaa ee ka dhaca Soomaaliya gaar ahaan magaalada Muqdisho.