10/22/2021
Today from Hiiraan Online:  _
Wararka Maanta- Arbaco, Oct 13, 2021
Xukuumada Somaliland oo amar kasoo saartay fadhiyada aan caadiga ahayn ee golayaasha deegaanka
 

Arbaco, October, 13, 2021 (HOL) - Wasaarada arrimaha gudaha ee Somaliland ayaa hakisay qabashada fadhiyada aan caadiga ahayn ee golayaasha deegaanada Somaliland, waxaana lagu eedeeyay in ay bilaabeen mooshino deg deg ah oo xilalka lagaga qaadayo mayarada.

"Iyagoo golayaasha deegaanka ee Somaliland ay shaqaynayeen muddo yar, ayaa hadana waxa soo baxday in galayaasha deegaanka qaarkood ay bilaabeen in ay si fowdo ah u abaabulaan mooshin lagu qabanayo kalfadhi aan caadi ahayn" ayaa lagu yidhi qoraal kasoo baxay wasaarada arrimaha gudaha.

Amarka wasaarada arrimaha gudaha ayaa soo baxay xili qaar kamid ah xubnaha golaha deegaanka ee degmada Gabilay, ay abaabulayaan mooshin lagu doonayo in xilka lagaga qaado duqa magaalada Gabilay, kadib, markii ay ku eedeeyeen musuq maasuq.

Hoos ka akhriso amarka wasaarada:-


Abdilahi Abdirahman Mohamed, Hiiraan Online
[email protected]












Click here
10/13/2021 12:40 PM EST
Arbaco, October, 13, 2021 (HOL) - Raysal wasaarahii hore ee Soomaaliya Cumar Cabdirashiid Cali Sharmaake ayaa ka hadlay heshiiskii isfahamka ee MOU oo ay Xukuumaddiisii la gashay dowladda Kenya sanadkii 2009-kii ayaa sheegay in madaxweynahii xiligaas Sheekh Shariif Sheekh Axmed inuu wax ka ogaa heshiiskaasi.

10/13/2021 11:14 AM EST
Arbaco, October, 13, 2021 (HOL) - Meel u dhaw degaanka Horuhowd oo ka tirsan degmada Shabeelley ee dowlad degaanka Soomaalida Itoobiya ayaa waxaa ka dhacday dhacdo aad u xanuun badnayd kaddib markii 4 wiil oo walaalo ahaa ay ku wada geeriyoodeen ceel biyood afka ka banaanaa oo la dumay.

10/13/2021 11:01 AM EST
Arbaco, October, 13, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble ayaa kulan kula yeeshay aalada Fogaan Araga, wafdigii dowladda Soomaaliya uga qeyb galay dhageysiga go'aan ka gaaristii kiiska dacwada Badda ee Maxkamada Aduunka ICJ.

10/13/2021 7:42 AM EST
Arbaco, October, 13, 2021 (HOL) - Dadka ku dhaqan magaalada Ceerigaabo ee kasoo jeeda gobolada koonfur galbeed ee Soomaaliya ayaa bilaabay in ay albaabada u laaban goobahooda ganacsiga, iyagoo isku diyaarinaya amar lagusoo rogay oo ah in ka baxaan Somaliland.

10/13/2021 6:16 AM EST
Arbaco, October, 13, 2021 (HOL) - Warar dheeraad ah ayaa kasoo baxaya qarax khasaare xoogan geystay oo lala beegsaday ciidamo ka tirsan Militariga dalka Kenya oo ku socdaalayay deegaano ka tirsan gobolka Lamu.

10/13/2021 4:56 AM EST
Arbaco, October, 13, 2021 (HOL) - Shirkada lagu magacaabo CDC ee maalgalinta u qaabilsan dowlada Ingiriiska, ayaa ku dhawaaqday in ay 320 milyan oo dollar ku maalgalinayso 3 dekedood oo ay ku jirto Dekedda Berbera.

10/13/2021 2:29 AM EST
Arbaco, October, 13, 2021 (HOL) - Madaxweynaha Soomaaliya Maxamed Cabdullaahi Farmaajo ayaa ku boorriyay Kenya inay “ixtiraamto sharciga caalamiga ah” ka dib markii maxkamadda ugu sarreysa ee Qaramada Midoobay ay Soomaaliya u xukuntay inta badan bad-weynta gaaska hodanka ku ah ee Hindiya.

10/13/2021 2:16 AM EST
Arbaco, October, 13, 2021 (HOL) - Madaxweynaha maamul goboleedka Jubbaland Axmed Maxamed Islaam, Axmed Madoobe ayaa sheegay in abaaro iyo xanuuno aan la garanaynin ay ka jiraan qeybo kamid ah deegaanada Jubaland ay dhibaato ba’an ku hayaan xoolo dhaqatada iyo beeraleeyda Jubaland, taasoo qatar ku ah nolosha dad badan oo kamid ah bulshada ku dhaqan deegaanada maamulka Jubbaland.

10/13/2021 2:00 AM EST
Arbaco, October, 13, 2021 (HOL) - Madaxweynaha dalka Kenya Uhuru Kenyatta ayaa rajo xumo ka muujiyay xukun ay maxkamadda caalamiga ah ee ICJ ka soo saartay muranka badda ee u dhexeeya Kenya iyo Soomaaliya.