10/22/2021
Today from Hiiraan Online:  _
Wararka Maanta- Arbaco, Oct 13, 2021
Ingiriiska oo malaayiin dollar ku maalgalinaya Dekedda Berbera
 

Arbaco, October, 13, 2021 (HOL) - Shirkada lagu magacaabo CDC ee maalgalinta u qaabilsan dowlada Ingiriiska, ayaa ku dhawaaqday in ay 320  milyan oo dollar ku maalgalinayso 3 dekedood oo ay ku jirto  Dekedda Berbera.

Shirkada ayaa sheegtay in ay lacagtan ku maal galinayso  dekedaha kala ah Dekeda Dakar ee Senegal, Dekedda Sokhna ee Masar iyo Dekedda Berbera, sida ay xogeeyaha arrimaha dibada Ingiriiska Lis Truss ku baahisay Twitter keeda.

Agaasimaha maalgashiga ee Shirda CDC Richard Charlton, oo waraysi fogaan arag ah siiyay muuqbaahiyaha MMTV isaga oo ku sugan magaalada Dubai, ayaa sheegay in ay shirkada dekedaha ee DPworld oo horay maalgalin malaayiin dollar ah ku samaysay dekeda Berbera ay kala shaqaynayaan maal galin  cusub oo Dekkeda Berbera ay ku samaynayaan.

"Maalgashigan aanu maanta shaacinaynaa waa ada shaqayn aanu shirkada DPworld kala yeelanayno sidii aanu maalgashi ugu samayn lahayn qaarada Afrika, waxaana aanu maalgashi ku samaynaynaa Dekedda Dekar ee dalka Senegal, Dekedda Sokhna ee Masar iyo Dekedda Berbera ee Somaliland" ayuu yidhi Charlton.

Charlton ayaa sheegay in maalgalintan kadib uu sare u kici doono wax soo saarka Dekedda Berbera isla markaana, ay door la xaadle ka ciyaari doonto koboca dhaqaalaha Somaliland  ayna shaqo abuur u samayn doonto in ka badan hal milyan oo shacabka Somaliland ah.

"Waxaanu DPworld ka caawinaynaa balaadhinta Dekedda Berbera, loojistikada, marinka Berbera Corridor iyo horumarinta iyo derder-galinta howlaha Dekedda Berbera, waxaana aanu aaminsanahay in marka la gaadho sannadka 2035 in dekedu abuuri doonto dhaq dhaqaaq ganacsi oo u dhigma 6% koboca dhaqaalaha Somaliland iyo 1.6 milyan oo shacabka Somaliland ka mid ahi ay ka faa'iidaysan doonaan shaqa abuur kaasi"  ayuu yidhi Charlton.

Charlton ayaa sheegay in shirkadu ay 400 oo milyan oo dollar oo kale ay ku maalgalin doonto horumarinta dekedaha Afrika marka ay maalgalintani dhamaato.



Abdilahi Abdirahman Mohamed, Hiiraan Online
[email protected]












Click here
10/13/2021 12:40 PM EST
Arbaco, October, 13, 2021 (HOL) - Raysal wasaarahii hore ee Soomaaliya Cumar Cabdirashiid Cali Sharmaake ayaa ka hadlay heshiiskii isfahamka ee MOU oo ay Xukuumaddiisii la gashay dowladda Kenya sanadkii 2009-kii ayaa sheegay in madaxweynahii xiligaas Sheekh Shariif Sheekh Axmed inuu wax ka ogaa heshiiskaasi.

10/13/2021 11:14 AM EST
Arbaco, October, 13, 2021 (HOL) - Meel u dhaw degaanka Horuhowd oo ka tirsan degmada Shabeelley ee dowlad degaanka Soomaalida Itoobiya ayaa waxaa ka dhacday dhacdo aad u xanuun badnayd kaddib markii 4 wiil oo walaalo ahaa ay ku wada geeriyoodeen ceel biyood afka ka banaanaa oo la dumay.

10/13/2021 11:01 AM EST
Arbaco, October, 13, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble ayaa kulan kula yeeshay aalada Fogaan Araga, wafdigii dowladda Soomaaliya uga qeyb galay dhageysiga go'aan ka gaaristii kiiska dacwada Badda ee Maxkamada Aduunka ICJ.

10/13/2021 9:37 AM EST
Arbaco, October, 13, 2021 (HOL) - Wasaarada arrimaha gudaha ee Somaliland ayaa hakisay qabashada fadhiyada aan caadiga ahayn ee golayaasha deegaanada Somaliland, waxaana lagu eedeeyay in ay bilaabeen mooshino deg deg ah oo xilalka lagaga qaadayo mayarada.

10/13/2021 7:42 AM EST
Arbaco, October, 13, 2021 (HOL) - Dadka ku dhaqan magaalada Ceerigaabo ee kasoo jeeda gobolada koonfur galbeed ee Soomaaliya ayaa bilaabay in ay albaabada u laaban goobahooda ganacsiga, iyagoo isku diyaarinaya amar lagusoo rogay oo ah in ka baxaan Somaliland.

10/13/2021 6:16 AM EST
Arbaco, October, 13, 2021 (HOL) - Warar dheeraad ah ayaa kasoo baxaya qarax khasaare xoogan geystay oo lala beegsaday ciidamo ka tirsan Militariga dalka Kenya oo ku socdaalayay deegaano ka tirsan gobolka Lamu.

10/13/2021 2:29 AM EST
Arbaco, October, 13, 2021 (HOL) - Madaxweynaha Soomaaliya Maxamed Cabdullaahi Farmaajo ayaa ku boorriyay Kenya inay “ixtiraamto sharciga caalamiga ah” ka dib markii maxkamadda ugu sarreysa ee Qaramada Midoobay ay Soomaaliya u xukuntay inta badan bad-weynta gaaska hodanka ku ah ee Hindiya.

10/13/2021 2:16 AM EST
Arbaco, October, 13, 2021 (HOL) - Madaxweynaha maamul goboleedka Jubbaland Axmed Maxamed Islaam, Axmed Madoobe ayaa sheegay in abaaro iyo xanuuno aan la garanaynin ay ka jiraan qeybo kamid ah deegaanada Jubaland ay dhibaato ba’an ku hayaan xoolo dhaqatada iyo beeraleeyda Jubaland, taasoo qatar ku ah nolosha dad badan oo kamid ah bulshada ku dhaqan deegaanada maamulka Jubbaland.

10/13/2021 2:00 AM EST
Arbaco, October, 13, 2021 (HOL) - Madaxweynaha dalka Kenya Uhuru Kenyatta ayaa rajo xumo ka muujiyay xukun ay maxkamadda caalamiga ah ee ICJ ka soo saartay muranka badda ee u dhexeeya Kenya iyo Soomaaliya.