1/18/2022
Today from Hiiraan Online:  _
Wararka Maanta- Sabti, Nov 27, 2021
Afar kursi oo ka mid ah kuraasta Golaha Shacabka oo maanta lagu kala doortay Baydhabo iyo Dhuusamareeb


Sabti, November, 27, 2021 (HOL) - Magaalooyinka Baydhabo iyo Dhuusamareeb ee maamulada Koonfur Galbeed iyo Galmudug ayaa maanta waxaa lagu qabtay doorashada kuraas ka mid ah Golaha Shacabka, waxaana Baydhabo lagu doortay ilaa sadax kursi halka Dhuusamareeb lagu doortay hal kursi.

Doorashada ka dhacday Baydhabo waxaa maanta kursiga koowaad ku guuleystay guddoomiyaha Golaha Shacabka waqtigooda dhamaaday Maxamed Mursal Sheekh Cabdiraxmaan oo helay codad gaaraya 88 cod, waxaana kula tartamay kursiga tirsigiisu yahay HOP 182  Feysal Ibraahin Xasan.

Doorashada kursiga labaad ee doorashada maanta ka dhacday Baydhabo waxaa ku tartamay laba Musharax oo kala ah Zakariye Maxamed Cabdi iyo Aadan Maxamed Nuur Saransoor oo afartii sanno ee lasoo dhaafay ahaa Xildhibaan ku fadhiyey kursiga tirsigiisu yahay HOP 170, waxaana kuso baxay doorashada kursiga Aadan Saransoor oo helay codad gaaraya 82, halka musharaxii kale Zakariye Maxamed uu helay 12 cod, waxaana halaaway 7 cod.

Kursiga saddexaad ee maanta magaalada Baydhabo lagu doortay oo tirsigiisu yahay HOP 171, waxaa ku guuleysatay Fowsiya Maxamed Sheekh oo afartii sano ee lasoo dhaafay ku fadhisay, waxayna heshay Codad gaaraya 84 Cod, halka Khadiijo Maxamed Ibraahin oo la tartameysay ay heshay 13 cod.

Doorashada hal kursi ee maanta ka dhacday magaalada Dhuusamareeb ee Caasimadda maamulka Galmudug waxaa kusoo baxay Cabdishakuur Cali Mire oo helay 85 Cod, isagoona ku fadhiyey afartii sano ee la soo dhaafay kursiga tirsigiisu yahay HOP 54, waxuuna kaga guuleystay musharaxiin dhowr ahaa.

Cabdishakuur Cali Mire, ayaa helay 85 cod, Cabdulahi Cali Cabdi, 5Cod Cabdirisaaq Cali jaamc, 1Cod Cabdirisaaq Mohamed Cabdi, 0Cod,  Cabdi Hafid Sacdi Jaamac, 1Cod Waxaa halaabay  9Cod.

Jamaal Cali Cabdi, Hiiraan Online
[email protected]












Click here
11/27/2021 3:54 PM EST
Sabti, November, 27, 2021 (HOL) - Guddiga doorashada heer dowlad goboleed ee koonfur galbeed ayaa sharci darro ku tilmaamay go’aan kasoo baxay guddiga heer federalka ee doorashooyinka, go’aankaas oo ahaa in la hakiyo doorashada kursiga 103 ee uu guddoomiye Jawaari dacwad kasoo gudbiyay.

11/27/2021 3:09 PM EST
Sabti, November, 27, 2021 (HOL) - Ra’iisul Wasaaraha Soomaaliya Maxamed Xuseen Rooble oo guddoomiyay shirka guddiga gurmadka abaaraha ayaa ku dhawaaqay in Xukuumaddu ay hal Milyan oo Doollar oo hordhac ah u qoondeysay gurmadka abaaraha.

11/27/2021 9:04 AM EST
Sabti, November, 27, 2021 (HOL) - Madaxweynaha dowladda Fedaraalka Soomaaliya Maxamed Cabdullaahi Farmaajo ayaa maanta magacaabay Agaasimaha guud ee Madaxtooyada Soomaaliya.

11/27/2021 5:58 AM EST
Sabti, November, 27, 2021 (HOL) - Guddiga hirgalinta doorashada heer federal ayaa hakiyay doorashada kursiga tirsigiisu yahay 103, kursigaas oo la sheegay in laga reebay tartankiisa guddoomiyihii hore ee barlamaanka Soomaaliya Prof. Jawaari.

11/27/2021 5:36 AM EST
Sabti, November, 27, 2021 (HOL) - Isimada dhaqanka ee Puntland ayaa kulan ay maanta ku yeesheen magaalada Bosaso waxay ku baaqeen in wada hadal lagu dhameeyo khilaafka ka dhashay xil ka qaadista lagu sameeyay agasimaha taliska ciiddanka PSF.

11/27/2021 5:31 AM EST
Sabti, November, 27, 2021 (HOL) - Madaxweynaha Dowlada Deegaanka Soomaalida Mustafe Muxumed Cumar (Cagjar) iyo wafti uu hogaaminayo, oo safar dhinaca dhulka ah Somaliland kusoo gaadhay, ayaa sheegay in uu u socda sidii Somaliland iyo deegaankiisu iskaga kaashan lahaayeen ka gudbista dhibaatooyinka ka jira Geeska Afrika ka jira.

11/27/2021 3:47 AM EST
Sabti, November, 27, 2021 (HOL) - Taliska ciiddanka PSF oo soo saaray qoraal kooban ayaa sheegay in aysan wax amar ka qaadan doonin kuwa ay sheegeen in ay cadowga la shaqeynayeen, iyaguna ay ka difaacayeen.

11/27/2021 12:36 AM EST
Sabti, November, 27, 2021 (HOL) - Waxaa maanta lagu wadaa in doorashada afar kursi oo ka mid kuraasta Golaha Shacabka Baarlamaanka Fedaraalka Soomaaliya lagu kala doorto magaalooyonka Baydhabo iyo Dhuusamareeb ee maamulada Galmudug iyo Koonfur Galbeed.

11/27/2021 12:33 AM EST
Sabti, November, 27, 2021 (HOL) - Saraakiil katirsan ciiddanka amniga Puntand ee loo yaqaan PSF (Puntland Security forces), ayaa ku eedeeyay madaxweyne Deni inuu wado qorshe siyaasadeed oo lagu burburinayo ciiddankooda.

11/27/2021 12:30 AM EST
Sabti, November, 27, 2021 (HOL) - Baarlamaanka Midowga Yurub ayaa ku tilmaamay sharciga Soomaaliya ee saxaafadda mid xadidaya madax bannaanida warbaahinta, isla markaana horseedaya in la dhibaateeyo saxafiyiinta Soomaaliyeed.

11/27/2021 12:24 AM EST
Sabti, November, 27, 2021 (HOL) - Madaxweynaha dowladda federalka Soomaaliya Maxamed Cabdullaahi Farmaajo ayaa ku baaqay in gurmad degdeg ah lala gaaro dadka Soomaaliyeed ee waxyeelladu ka soo gaartay abaaraha.