1/18/2022
Today from Hiiraan Online:  _
Wararka Maanta- Jimco, Nov 26, 2021
Boqor Buurmadow oo la kulmay bulshadii ay Somaliland ka raaftay dhulkeeda
 

Jimco, November, 26, 2021 (HOL) - Boqor Cismaan Aw Maxamuud Buurmadow, ayaa lacag dhan 120 kun oo dollar guddoonsiiyay dadkii ay xukuumada Somaliland kasoo tarxiishay gobolada Sool iyo Sanaag, isagoo u balan qaaday in ay heli doonaan wixii hanti ka maqan iyo deeqo kale.

Boqorka ayaa sheegay in uu Baydhabo u yimid si uu dadka reer Koonfur-galbeed uga xaal mariyo tarxiilkii ay xukuumada Somaliland kaga soo saartay ciideeda oo ay muddo badan ku dhaqnaayeen.

"Waxan idiinku imid in anaan gobonimadii Soomaali nagu baratay aan ilaaliyo, Muuse Biixi Cabdi waa madaxweynahaygii, boqorkiisi baan ahay, wasiirka arrimaha guduhu waa xaafadayda, jananka bilayska adeerkiis ayaan ahay, intaba haday dhaawac idiin gaysteen in aan dhayo oo aan ka daba imaado ayaan u imid" ayuu yidhi.

Boqorka ayaa sheegay in marka uu soo noqdo uu la kulmi doono madaxda Somaliland, isla markaana uu kala hadli doono sidii xukuumadu ay garowshiyo uga bixin lahayd wixii dhibaato ah ee soo gaadhay dadka la tarxiilay intii hawlgalku socday.

"Dowladii iyo xukuumadii waan u tagi doonaa dhaawicii iyo cam camadii la idiin gaystay in ay cawad bixiso xukuumadu, in aan xukuumadii ku noqdo oo aan yidhaa dadkii wixii aad u gaysateen keena, waxa kale oo aan balan qaadaya in wixii hanti ma guurta ah aad ka timaadeen aan cidna dhibaato gaadhsiin" ayuu yidhi boqorku.

Boqorka ayaa dadka reer Baydhabo ka codsaday in ay u duceeyaan madaxda Somaliland ee howlgalka ku lugta lahayd "U duceeya odayaasha jajanka iyo wasiirka arrimaha gudaha ishiina in uu Alle ka reebo, odaygoodi ayaan ahay oo wan u damqanayaa in ay wax gaadhaan".

Xukuumada Somaliland ayaa wali wada howlgal ay gobolada qaarkood kaga saarayso dadka reer Koonfur-galbeed Soomaaliya, oo ay xukuumadu ku eedaysay in ay ku lug lahaayeen falal amaan daro oo ka dhacay gudaha Somaliland.

Abdilahi Geel-maal, Hiiraan Online
[email protected]













Click here
11/26/2021 12:53 PM EST
Jimco, November, 26, 2021 (HOL) - Ciidamada dowladda Itoobiya ayaa maanta duqaymo dhanka cirka ah waxay ka gaysteen magaalada Maqale ee caasimadda degaanka Tigray, sida ilo xogagaal ahi sheegayaan.

11/26/2021 12:46 PM EST
Jimco, November, 26, 2021 (HOL) - Ra'iisal wasaare Abiyi Axmed oo markii u horeysay kasoo muuqday Warbaahinta, tan iyo markii u go'aansaday inuu tago furimaha hore ee dagaalka, ayaa ka warbixiyay wakhti xaadirkan halka uu xaalku marayo.

11/26/2021 7:16 AM EST
Jimco, November, 26, 2021 (HOL) - Beesha Caalamka ayaa war saxafadeed kasoo saartay walaaca iyo cabashada laga muujinaayo doorashooyinka Golaha Shacabka, iyagoona dalbaday in doorashada ay noqoto mid daahfuran oo ay ku kalsoonaan karaan dhamaan daneeyayaasha doorashada iyo shacabka Soomaaliyeed.

11/26/2021 7:09 AM EST
Jimco, November, 26, 2021 (HOL) - Wasiirka Wasaaradda Amniga maamulka Puntland Cabdisamad Maxamed Galan oo ku sugan magaalada Boosaaso ee xarunta gobolka Bari ayaa sheegay iney ka go'an tahay dhaqan galinta wareegtadii uu madaxweynaha Puntland xilka kaga qaaday taliyahii ciidanka PSF.

11/26/2021 5:33 AM EST
Jimco, November, 26, 2021 (HOL) - Warar dheeraad ah ayaa kasoo baxaya dagaal xoogan oo gobolka Jubbada Hoose ku dhexmaray ciidamada maamulka Jubbaland iyo kuwa Al-shabaab.

11/26/2021 1:35 AM EST
Jimco, November, 26, 2021 (HOL) - Guddiga hirgelinta doorashooyinka maamulka Koonfur Galbeed ayaa ku dhawaaqay qabashada sadax kursi oo ka mid ah kuraasta Golaha Shacabka Baarlamaanka Fedaraalka Soomaaliya ee deegaan doorashadoodu tahay Koonfur Galbeed Soomaaliya.

11/26/2021 1:12 AM EST
Jimco, November, 26, 2021 (HOL) - Iyadoo maalmahii lasoo dhaafay ay soo kordheysay cabashada laga muujinaayo habka ay ku socoto doorashada Golaha Shacabka, ayaa waxaa arintaasi ka hadlay guddiga xalinta khilaafaadka oo ku baaqay in Musharaxiinta wixii tabasho ah ay qabaan ay usoo gudbiyaan guddiga.