1/18/2022
Today from Hiiraan Online:  _
Wararka Maanta- Jimco, Nov 26, 2021
Faahfaahino kasoo baxaya dagaalo ka dhacay deegaano ka tirsan gobolka Jubbada Hoose
 

Jimco, November, 26, 2021 (HOL) - Warar dheeraad ah ayaa kasoo baxaya dagaal xoogan oo gobolka Jubbada Hoose ku dhexmaray ciidamada maamulka Jubbaland iyo kuwa Al-shabaab.

Dagaalka ayaa ka dhacay deegaanada Yoontoow iyo Cabadalla Bitoole oo ka mid ah deegaanada hoos yimaada degmada Kismaayo ee xarunta gobolka Jubbada Hoose.

Dagaalka ayaa bilaawday kadib markii dagaalyahano ka tirsan Al-shabaab ay weerar xoogan ku qaadeen Saldhigyada ciidamada Jubbaland ay ku leeyihiin deegaanada Yoontoow iyo Cabdalla Bitoole, waxaana dadka deegaanadaasi ay warbaahinta u sheegeen in dagaalka uu ahaa mid xoogan oo la isku adeegsaday hubka noocyadiisa kala duwan.

Lama oga khasaaraha rasmiga ah ee ka dhashay dagaalka ka dhacay deegaanada Yoontoow iyo Cabdalle Bitoole ee gobolka Jubbada Hoose ee u dhaxeeyay Al-shabaab iyo ciidanka Jubbaland.

Saraakiil ka tirsan ciidamada maamulka Jubbaland oo ka hadlay dagaalka waxay sheegeen inay iska difaaceen weerarkii kaga yimid dhinaca Al-Shabaab, isla mar ahaantaana ay u geysteen khasaare xoogan.

Dagaalamayaasha Al-shabaab ayaa inta badan weeraro joogto ah ku qaada Saldhigyada ciidamada maamulka Jubbaland iyo kuwa Kenya ay ku leeyihiin deegaanada dowlad goboleedka Jubbaland.

Jamaal Cali Cabdi, Hiiraan Online
[email protected]












Click here
11/26/2021 12:53 PM EST
Jimco, November, 26, 2021 (HOL) - Ciidamada dowladda Itoobiya ayaa maanta duqaymo dhanka cirka ah waxay ka gaysteen magaalada Maqale ee caasimadda degaanka Tigray, sida ilo xogagaal ahi sheegayaan.

11/26/2021 12:46 PM EST
Jimco, November, 26, 2021 (HOL) - Ra'iisal wasaare Abiyi Axmed oo markii u horeysay kasoo muuqday Warbaahinta, tan iyo markii u go'aansaday inuu tago furimaha hore ee dagaalka, ayaa ka warbixiyay wakhti xaadirkan halka uu xaalku marayo.

11/26/2021 7:16 AM EST
Jimco, November, 26, 2021 (HOL) - Beesha Caalamka ayaa war saxafadeed kasoo saartay walaaca iyo cabashada laga muujinaayo doorashooyinka Golaha Shacabka, iyagoona dalbaday in doorashada ay noqoto mid daahfuran oo ay ku kalsoonaan karaan dhamaan daneeyayaasha doorashada iyo shacabka Soomaaliyeed.

11/26/2021 7:12 AM EST
Jimco, November, 26, 2021 (HOL) - Boqor Cismaan Aw Maxamuud Buurmadow, ayaa lacag dhan 120 kun oo dollar guddoonsiiyay dadkii ay xukuumada Somaliland kasoo tarxiishay gobolada Sool iyo Sanaag, isagoo u balan qaaday in ay heli doonaan wixii hanti ka maqan iyo deeqo kale.

11/26/2021 7:09 AM EST
Jimco, November, 26, 2021 (HOL) - Wasiirka Wasaaradda Amniga maamulka Puntland Cabdisamad Maxamed Galan oo ku sugan magaalada Boosaaso ee xarunta gobolka Bari ayaa sheegay iney ka go'an tahay dhaqan galinta wareegtadii uu madaxweynaha Puntland xilka kaga qaaday taliyahii ciidanka PSF.

11/26/2021 1:35 AM EST
Jimco, November, 26, 2021 (HOL) - Guddiga hirgelinta doorashooyinka maamulka Koonfur Galbeed ayaa ku dhawaaqay qabashada sadax kursi oo ka mid ah kuraasta Golaha Shacabka Baarlamaanka Fedaraalka Soomaaliya ee deegaan doorashadoodu tahay Koonfur Galbeed Soomaaliya.

11/26/2021 1:12 AM EST
Jimco, November, 26, 2021 (HOL) - Iyadoo maalmahii lasoo dhaafay ay soo kordheysay cabashada laga muujinaayo habka ay ku socoto doorashada Golaha Shacabka, ayaa waxaa arintaasi ka hadlay guddiga xalinta khilaafaadka oo ku baaqay in Musharaxiinta wixii tabasho ah ay qabaan ay usoo gudbiyaan guddiga.