12/7/2021
Today from Hiiraan Online:  _
Wararka Maanta- Khamiis, Nov 25, 2021
Golaha midowga musharraxiinta oo ku eedeeyay raysal wasaare Rooble inuu ka leexday dariiqii doorasho hufan
 

Khamiis, November, 25, 2021 (HOL) - Golaha midowga Musharraxiinta ayaa kasoo horjeestay sida haatan ay ku socdaan doorashooyinka Soomaaliya, iyagoo sheegay in ay ka dhalan karto burbur baahsan oo dalka ku habsada.

Shir jaraa’id oo ay qabteen golaha musharraxiinta ayay ku sheegeen in raysal wasaare Rooble uu ka leexday dariiqii saxda ahaa ee la rabay in doorasho hufan lagu qabto, marka loo eego qaabka doorashadu ku socoto.

“Waxaan si dhameystiran ugu qanacsannahay sida ay hadda wax ku socdaan, inay kaliya ka dhalan karto burbur baahsan oo dalka Soomaaliya ku habsada,” ayuu yiri afhayeenka guddiga doorashada, Daahir Maxamuud Geelle.

Afhayeenka musharraxiinta wuxuu sheegay in ay Muqdisho ku qabanayaan kulamo iyo wadatashiyo loogasoo horjeedo wuxuu ugu yeeray boobka doorashada lagu hayo, wuxuuna sheegay in ay shacabka ka doonayaan in lagu taageero mowiqfkooda.

Golaha midowga musharraxiinta waxay ku eedeeyeen dowladda hadda jirta inay boob aan waligiis soo marin Soomaaliya ku hayso hannaanka doorashada, taasoo ay sheegeen in ay horseedayso in dalku u laabto hannaan aad u fool xumo.

Hadalka golaha musharraxiinta ayaa kusoo beegmaya, iyadoo shalay guddiga heer federal ee doorashooyinka uu sheegay in ay baaritaan ku sameynayaan boobka ka dhanka ah doorashada.

Abdiweli M. Sheikh, Hiiraan Online












Click here
11/25/2021 10:00 AM EST
Khamiis, November, 25, 2021 (HOL) - Guddoomiyahii hore ee Baarlamaanka Soomaaliya Maxamed Sheekh Cismaan Jawaari ayaa goordhaw shaaciyay in laga hor istaagay inuu isku diiwaan geliyo kursiga tirsigiisu yahay HOP 103 oo deegaan doorashadiisa tahay magaalada Baydhabo.

11/25/2021 6:38 AM EST
Khamiis, November, 25, 2021 (HOL) - Boqor Cismaan Aw Maxamuud Buurmadow ayaa gaadhay magaalada Baydhabo ee caasimada maamulka Koonfurgalbeed ee Soomaaliya, si uu raali gali uga bixiyo tarxiilkii ay xukuumada Somaliland ciideeda kaga saartay dadka reer Koonfur-galdeed.

11/25/2021 6:32 AM EST
Khamiis, November, 25, 2021 (HOL) - Afhayeenka xisbiga talada Somaliland haya ee Kulmiye Cabdinaasir Muxumed Xasan Buuni, ayaa beeniyay warar baraha bulshada lagu baahiyay oo sheegayay in guddoomiye ku xigeenka 1aad ee xisbiga Kulmiye Maxamed Kaahin Axmed uu ku amray in aanu warbaahinta la hadal amar la'aan.

11/25/2021 4:45 AM EST
Khamiis, November, 25, 2021 (HOL) - Taliyihii kumeel gaarka ahaa ee hay’adda nabad sugida Kornayl Yaasiin Cabdullaahi Maxamuud yaasiin fareey ayaa noqday xildhibaan katirsan golaha shacabka, kadib markii uu ku guulaystay doorasho goor dhowayd ka dhacday magaalada Dhuusamareeb.

11/25/2021 2:43 AM EST
Khamiis, November, 25, 2021 (HOL) - Dagaalamayaasha Al-shabaab ayaa sheegtay masuuliyadda weerar Ismiidaamin ah oo subaxnimadii hore ee saakay ka dhacay degmada Hodan ee magaalada Muqdisho.

11/25/2021 1:57 AM EST
Khamiis, November, 25, 2021 (HOL) - Faahfaahin dheeraad ah ayaa kasoo baxaysa weerar ismiidaamin ah oo saakay Muqdisho lagula eegtay kolonyo katirsanayd gaadiidka ilaalida UN-ka, kuwaas oo marayay waddada xiriirisa Tarabuunka iyo km4.

11/25/2021 12:51 AM EST
Khamiis, November, 25, 2021 (HOL) - Guddiga heer federal ee hirgalinta doorashooyinka dadban ee Soomaaliya, ayaa shaaciyay in ay baaritaanno ku sameynayaan dhammaan cabashooyin ka dhashay doorashada labada aqal ee ah in ay madaxda dalku faro galin ku hayaan doorashada.

11/25/2021 12:44 AM EST
Khamiis, November, 25, 2021 (HOL) - Waxaa maanta markale lagu wadaa in magaalada Dhuusamareeb ee Caasimadda maamulka Galmudug iney ka dhacdo doorashada laba kursi oo ka mid ah kuraasta Golaha Shacabka Baarlamaanka Fedaraalka Soomaaliya.

11/25/2021 12:35 AM EST
Khamiis, November, 25, 2021 (HOL) - Ra’iisul wasaaraha Soomaaliya, Maxamed Xuseen Rooble ayaa bogaadiyay guddiyada Doorashooyinka heer Federal, Guddiyada Doorashooyinka Somaliland, Galmudug iyo Koofur Galbeed oo si rasmi ah u bilaabay doorashooyinka golaha Shacabka ee Baarlamaanka Federaalka Soomaaliya.

11/25/2021 12:30 AM EST
Khamiis, November, 25, 2021 (HOL) - Wararka ka imaanaya dalka Itoobiya ayaa sheegaya in la dilay 12 kamid ah kooxda TPLF, 6 kamid ah 12kaas waxay ahaayeen hoggaamin sare, ku waasi oo hoggaaminayey ciidanka kooxdaTPLF, sida uu sheegay Wasiirka warfaafinta Itoobiya oo warbaahinta la hadlay.

11/25/2021 12:29 AM EST
Khamiis, November, 25, 2021 (HOL) - Boqolaal dadwayne ah ayaa suuqa Hargaysa ku dhex eryaday inan (gabadh) dhalinyaro ah oo iyada oo xidhan shaadh iyo surwaal suuqa ku dhexmarasay xalay cawaysinkii.