12/7/2021
Today from Hiiraan Online:  _
Wararka Maanta- Talaado, Nov 23, 2021
Garyaqaanka guud ee Soomaaliya: Raysal wasaaruhu wax shaqo ah kuma lahan dacwada kiiska Ikraan

Talaado, November, 23, 2021 (HOL) - Garyaqaanka guud ee dowladda Soomaaliya Cismaan Cilmi Guuleed “Biikilo" ayaa Ra'iisul wasaaraha ka fogeeyay inuu wax shaqo ah ku leeyahay qaadida dacwada kiiska Ikraan Tahliil Faarax.

Garyaqaanka ayaa u muuqday mid ka jawaabayay kadib markii rag siyaasiyiin ah oo uu kamid yahay Cabdiraxmaan Cabdishakuur ay ku eedeeyeen raysal wasaare Rooble in uu kasoo bixi waayay ballanqaadkiisii ahaa in ay caddaalad heli doonaan qoyska Ikraan.

Waxay shaki galiyeen kalsoonida lagu qabo in raysal wasaaruhu daacad ka yahay kiiska Ikraan, kadib markii maalmo ka hor guddiga baarista kiiskan ay soo saareen warbixin ku saabsanayd in masuuliyiintii hay'adda NISA ee lagu eedeeyay kiiskan, aysan wax lug ah ku lahayn.

“Raysal wasaaruhu wuxuu ka shaqeynayay in maxkamaddaha loo madax bannaaneeyo kiiska Ikraan. Maxkamaddaha ayaa la sugayaa go’aanka ugu dambeeya, haddii lagu qanci waayana process loo marayo ayaa jira, raysal wasaaruhuna wax shaqo haba yaaraatee kuma lahan” ayuu yiri mr Biikilo.

Cismaan Cilmi Guuleed wuxuu sheegay hay’addaha caddaalada iyo xeer ilaalinta in laga sugayo in ay  kiiska Ikraan Tahliil mariyaan caddaalada, wuxuuna sheegay in galka kiiskaas uu weli furan yahay, isla markaana ay dowladdu raadinayso macluumaad  ku saabsan kiiska.



Abdiweli M. Sheikh, Hiiraan Online












Click here
11/23/2021 12:27 PM EST
Talaado, November, 23, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble ayaa ku dhawaaqay in dalka uu galay Xaalad deg deg ah oo bani'aadanimo oo ka dhalatay abaaraha baahsan ee dalka kusii faafaya.

11/23/2021 8:18 AM EST
Talaado, November, 23, 2021 (HOL) - Doorashada shan kursi oo katirsan kuraasta xildhibaannada gobolada waqooyi ee Somaliland, ayaa lagusoo gabagabeeyay magaalada Muqdisho, iyadoo kuraasta qaarkood ay kusoo laabteen xildhibaanno horey u joogay golaha shacabka.

11/23/2021 3:56 AM EST
Talaado, November, 23, 2021 (HOL) - Iyadoo goordhaw si rasmi ah uga bilaabatay doorashada 5 ka mid ah kuraasta Aqalka Hoose ee Baarlamaanka Soomaaliya xarunta Ciidanka Booliiska Soomaaliyeed ee Jenaraal Kaahiye ayaa waxaa la doortay laba ka mid ah kuraasta doorashadooda maanta ka dhaceysa Muqdisho.

11/23/2021 3:18 AM EST
Talaado, November, 23, 2021 (HOL) - Wasiirka Wasaaradda Warfaafinta Xukuumadda Fedaraalka Soomaaliya Cismaan Abuukar Dubbe ayaa ka jawaab celiyay eedeeyn kulul oo kasoo yeertay hoggaamiyaha Xisbiga Wadajir ahna Musharax Madaxweyne Cabdiraxmaan Cabdishakuur.

11/23/2021 1:47 AM EST
Talaado, November, 23, 2021 (HOL) - Shirkadda la talinta Asal Consulting, oo kaashaneysa Rugta Ganacsiga iyo Warshadaha Soomaaliyeed iyo Ururka Shaqaalaha adduunka, ayaa waxay si rasmi ah u daah fureen Goobaal Online, oo ah adeeg loogu tala galay ganacsiyada ay leeyihiin Haweenka Soomaaliyeed oo doonaya in ay kobciyaan ganacsigooda.

11/23/2021 1:16 AM EST
Talaado, November, 23, 2021 (HOL) - Guddiga hirgelinta doorashooyinka heer Federaal ayaa soo saaray go’aan loogu mamnuucayo guud ahaan musharixiinta ku tartamaya kuraasta golaha shacabka in ay qariyaan wajiyadooda, marka ay socoto cod bixinta doorashada.

11/23/2021 12:51 AM EST
Talaado, November, 23, 2021 (HOL) - Guddiga doorashooyinka ayaa maanta qabanaya doorashada Lix kursi oo ka mid ah kuraasta golaha shacabka ee gobolada waqooyi sida uu sheegay afhayeenka guddiga doorashooyinka heer federaal Ambassador Axmed Adan Dagaal (Safiina).

11/23/2021 12:25 AM EST
Talaado, November, 23, 2021 (HOL) - Ra'iisal Wasaaraha Itoobiya Abiyi Axmed Cali, oo kulan la yeeshay guddida fulinta ee xisbiga talada haya ee Barwaaqo, ayaa ku dhawaaqay in uu tagi doono jiidda hore ee dagaalka, isla markaana uu hoggaamin doono Ciidamada difaaca Itoobiya, laga bilaabo maanta oo Talaada ah.