12/7/2021
Today from Hiiraan Online:  _
Wararka Maanta- Jimco, Nov 19, 2021
Magaalada Berbera oo ku guulaysatay abaalmarin qaali ah
 

Jimco, November, 19, 2021 (HOL) - Dowlada Hoose ee degmada Berbera ee Somaliland, ayaa ku guulaysatay abaalmarinta Child friendly Cities and Local governments Inspire Award, oo ay hay'adda caruurta ee UNICEF siiso magaalooyinka ku haboon in caruurtu si qurux badan ugu noolaan karaan.

Magaalada Berbera oo abaalmarinta kaga guulaysatay magaalooyinkii la tar tamayay oo ku kala yaala Afrika iyo Aasiya, ayay UNICEF ku sheegtay in ay ku mutaysatay taageero xoogan oo ay dowlada hoose ee Berbera siiso waxbarashada, waxaana 38% kor u kacay ardayda dugsiyada is qorta intii u dhaxaysay sannadihii 2014 ilaa 2020.

Waxa ay hay'addu sheegtay in dowlada hoose ee Berbera ay taageerto ilaa 10,000 oo arday oo 46% ay hablo yihiin, kuwaasi oo wax ka barta 47 dugsi. Taageerada ay dowlada hoose waxbarashada siiyay ayaa waxa kamid ah balaadhinta dugsiyada, dib u dayactirka, mushaarka macalimiinta oo ay bixiso, qalabaynta dugsiyada, bixinta kharashka koronto iyo biyo joogto ah.

Hay'ada ayaa, sidoo kale sheegtay in dowlada hoose ee Berbera ay gacan wayn ka gaysatay yagleelida nidaam caafimaad oo tayo leh.

"Guulaha ugu waa wayni waxa weeyaan in dhaqaalaha ugu dhaw ee degmada iyadoon  meel kale looga doonayn in isla degmadii lagaga shaqeeyo, guulaha ugu waa wayn ee aanu taaban karno waxaa kamid ah in waxbarashadii iyo caafimaad kiiba heleen adeegyo iyo dhaqaale aanay awal degmada ka heli jirin" wax sida yidhi duqa Berbera, Cabdishakuur Muxumed Xasan (Ciddin).

Dowladda Hoose ee Degmada Berbera ayaa aad lagu amaana, wax ka qabashada kaabayaasha dhaqaalaha, dib u dhiska waddooyinka iyo horumarinta waxbarashada iyo caafimaadka degmada.

Abdilahi Abdirahman Mohamed, Hiiraan Online
[email protected]












Click here
11/19/2021 2:51 PM EST
Jimco, November, 19, 2021 (HOL) - Musharaxa madaxweynaha ee xisbiga mucaaradka Somaliland ee Waddani Cabdiraxmaan Maxamed Cabdillaahi Cirro, ayaa sheegay in uu kalsooni buuxda ku qabo in madaxweyne Muuse Biixi doorashada madaxtooyada wakhtigeeda ku qaban doono.

11/19/2021 2:42 PM EST
Jimco, November 19, 2021 (HOL) - Madaxweynaha dowlad degaanka Soomaalida Mustafe cagjar, oo habeenkii xalay ahaa jawaabo ka bixinayay su'aalo ay dadku ku waydiinayeen madasha clubhouse, ayaa ka hadlay arrimo u badan xaaladda guud ee dowlad degaanka Soomaalida Itoobiya.

11/19/2021 1:54 PM EST
Jimco, November 19, 2021 (HOL) - Guddiga doorashada heer dowlad goboleed ee koonfur Galbeed ayaa ku dhawaaqay qabashada doorashada 11- kursi oo ah Golaha Shacabka, iyagoo usoo gudbiyay guddiga hirgelinta doorashooyinka heer Federaal.

11/19/2021 7:01 AM EST
Jimco, November 19, 2021 (HOL) - Markab laga leeyahay dalka Shiinaha oo lagu qabtay isagoo kalluumaysi sharci darro ah ka waday xeebaha Galmudug, ayaa lasii daayay, iyadoo aan sharciga la horgeynin.

11/19/2021 5:39 AM EST
Jimco, November 19, 2021 (HOL) - Dowladda Soomaaliya ayaa guul ku tilmaamtay in dalalka xubnaha ka ah golaha amaanka ay ku taageereen mowqifkeeda ku aadan diidmada qorshaha midowga Afrika uu ku doonayo in loo beddelo howlgalka AMISOM.

11/19/2021 1:12 AM EST
Jimco, November, 19, 2021 (HOL) - Qoraal lagu daabacay boga wasaarada arrimaha dibadda Somaliland, ayay xukuumada Somaliland aad ugaga mahad naqday Taiwan xidhiidhka saxiibtinimada iyo taageerada ku dhisan ee ay la leedahay Somaliland.

11/19/2021 12:56 AM EST
Jimco, November 19, 2021 (HOL) - UK ayaa ka hor timid qorshaha lagu doonayo in howlgalka Amisom loogu badalo mid wadajir ah oo ay ku midaysan yihiin Qaramada Midoobay iyo Midowga Afrika, sida uu dhawaan soo jeediyay Golaha Nabadda ee Midowga Afrika.

11/19/2021 12:50 AM EST
Jimco, November 19, 2021 (HOL) - Ugu yaraan 10 qof oo ahaa Tahriibayaal Soomaali ah oo ku dhibaataysanaa xabsiyada Libya ayaa ugu dambeyntii dib ugu soo laabtay Soomaaliya gaar ahaan magaalada Muqdisho.

11/19/2021 12:45 AM EST
Jimco, November 19, 2021 (HOL) - Hay’adda caalamiga ah ee ka warranta xasaradaha aduunka ee magaceeda loo soo gaabiyo ICG, ayaa ka digtay hubanti la’aanta mustaqbalka ciidamada AMISOM, xilli uu hawlgalka uu ku eg yahay 31-ka December 2021.

11/19/2021 12:36 AM EST
Jimco, November 19, 2021 (HOL) - Golaha ammaanka ayaa dhowaan magacaabaya guddi madax bannaan oo soo qiimeeya waxa ay dowladda Soomaaliya ka qabatay hubka sharci darrada ah, si looga fikiro in laga qaaddo cunaqabataynta hubka ee saaran.