5/16/2021
Today from Hiiraan Online:  _
Wararka Maanta- Talaado, May 4 , 2021
Taliska Booliiska Soomaaliya oo soo saaray awaamiir la xiriirta howlaha shaqo ee ciidanka


 

Talaado, May, 04, 2021 (HOL) -- Taliska ciidanka Booliiska Soomaaliyeed ayaa soo saaray awaamiir la xiriirta howlaha ciidanka Booliiska, kaddib eedeymo maalmihii ugu danbeeyay loo jeedinayay.

Taliyaha ciidanka Booliiska Soomaaliyeed Gen Cabdi Maxamed Xasan Xijaar  ayaa faray dhamaan ciidanka booliiska Soomaaliyeed in ay ku ekaadaan howlahooda shaqo, o ah xaqiijinta amniga muwaadiniinta iyo hantidooda, islamarkaana ula dhaqmaan dhamaanba muwaadiniinta Soomaaliyeed cadaallad.

Amarkan ayaa soo baxaya iyadoo dhowr jeer lagu eedeeyay ciidanka Booliiska in ay la safteen dhinacyo gaar ah kuna dhax milmeen siyaasadda, gaar ahaan siyaasiyiinta mucaaradka ayaa ku eedeeyay ciidamada in la siyaasadeeyay weerarro kala duwanna ku qaadeen guryaha mas'uuliyiin Soomaaliyeed iyo xarumo gaar loo leeyahay.

Taliyuhu ma uusan sheegin sababta keentay amarkan cusub, sidoo kalana kama uusan hadlin eedeymaha loo jeediyay, laakiin waxaa uu ciidamada faray in ay ku ekaadaan howlahooda shaqo in gudasha waajibka ka saaran sugida amniga.

Madaxweynaha Soomaaliya Maxamed Cabdullaahi Farmaajo ayaa dhawaan sheegay in maamulka iyo Amniga guud ee doorashada dalka ku wareejiyay Ra'iisal Wasaaraha Xukuumadda Soomaaliya Maxamed Xusseen Rooble

Cabdiraxmaan Diini, Hiiraan Online
[email protected]  












Click here
5/4/2021 10:54 AM EST
Talaado, May, 4, 2021 (HOL) - Dowlada Ingiriiska, ayaa 17 milyan oo dollar ku maal galinaysa mashruuca Hargaysa pypass road, oo ah wado 22.5 KM ah, taasi oo la doonayo in baabuurta waaweyn ee xamuulka magaalada Hargaysa lagaga leexiyo.

5/4/2021 10:24 AM EST
Talaado, May, 04, 2021 (HOL) - Ra’iisul Wasaaraha Xukuumadda Federaalka Soomaaliya Maxamed Xuseen Rooble ayaa Cabdiwahaab Ugaas Xuseen Ugaas Khaliif u magacaabay Wasiirka Wasaaradda Shaqada iyo Arrimaha Bulshada ee Xukuumadda Federaalka Soomaaliya.

5/4/2021 10:00 AM EST
Talaado, May, 4, 2021 (HOL)- Madaxweynaha Somaliland Muuse Biixi Cabdi, oo ka hadalay xadhiga musharixiinta, ayaa sheegay in musharax kasta oo lagu helo danbi la xidhayo mucaarad iyo muxaafad ba.

5/4/2021 9:53 AM EST
Talaado, May, 04, 2021 (HOL) - Iyadoo labadii cisho ee la soo dhaafayba magaalada Muqdisho ay ku sugnaayeen wafdi heer sare oo ka socda dowladda Qatar, ayaa dhinaca kale waxaa wada hadal khadka talleefoonka ah yeeshay madaxweynaha muddo xileedkiisu dhamaaday Maxamed Cabdullaahi Farmaajo iyo amiirka dalka Qatar Sheekh Tamiim Bin Xamad Al-Thani

5/4/2021 8:08 AM EST
Talaado, May, 04, 2021 (HOL) - Ra'iisal Wasaaraha Wasaaraha Xukuumadda Soomaaliya Maxamed Xusseen Rooble ayaa ku dhawaaqay guddiga xalinta khilaafaadka iyo xiisada magaalada Muqdisho, kuwaa oo isugu jira Wasiirro iyo xildhibaanno ka tirsan Baarlamaanka Soomaaliya

5/4/2021 7:35 AM EST
Talaado, May, 04, 2021 (HOL) - Ciidamada taabacsan mucaaradka ee kasoo horjeestay mudo kordhinta ayaa ku sheegay bayaan ay soo saareen in aysan ka bixi doonin goobihii ay farriisinka ka sameysteen kadib qalalaasihii dhawaan ka dhacay magaalada Muqdisho.

5/4/2021 2:55 AM EST
Talaado, May, 04, 2021 (HOL) - Masuuliyiinta xisbiga mucaaradka ah ee Waddani, oo kulan la qaatay safiirka Ingriiska ee Soomaaliya amb. Kate Foster, ayaa kala hadlay doorashooyinka Somaliland iyo xadhiga musharixiinta mucaaradka.

5/4/2021 2:15 AM EST
Talaado, May, 04, 2021 (HOL) - Madaxweynaha muddo xileedkiisu dhamaaday Maxamed Cabdullaahi Farmaajo ayaa xalay xarunta madaxtooyada Soomaaliya kula kulmay wakiillo ka kala socday warbaahinta Soomaaliyeed.