9/16/2021
Today from Hiiraan Online:  _
Wararka Maanta- Talaado, July 27, 2021
Xisbiga Waddani oo sheegay in mashiinkii shaybaadhka ee isbitaalka Ceerigaabo Garowe la geeyay
 

Talaado, Luulyo, 27, 2021 (HOL) - Xogeeyaha arrimaha bulshada ee xisbiga mucaaradka ah ee Waddani Maxammed Sadiiq Dhame, oo warbaahinta la hadlay ayaa sheegay in mashiinkii baadhista dhiigaga ee uu laha isbitaalka Ceerigaabo la xaday isla markaana loo iib geeyay Garowe.

Xogeeyaha ayaa ku andacooday in mashiinka la xaday, isla markaana ay wasaarada caafimaadku qarinayso cida mashiinka xaday ee u iib gaysay magaalada Garowe ee caasimada dowlad-goboleedka Puntiland.

"Isbitaalkii guud ee magaalada Ceerigaabo ee caasimada gobolka Sanaag waxa laga xaday mashiinkii baadhista dhiigaga, ee CPC Complete Blood Count oo qiimo ahaan taagna $20k, oo aha shaybaadhka kaliya ee uu leeyahay isbitaalka magaalada Ceerigaabo" ayuu yidhi.

"Sidaanu xog ku helay waxa loo iib geeyay magaalada Garowe, oo dadkii qaatay ay u iib geeyeen, dad ayaa ku eedaysan oo lagu tuhunsanyahay inkasta oo ilaa hada wasaaradu anay si cad u sheegin oo ay qarinayso, oo aan la sheegi karin" ayuu hadalkiisa sii raaciyay.

Dhame ayaa wasaarada caafimaadka ku eedeeyay in ay ka indha qarsanayso cida ku eedaysan xadida mashiinka .

"Waxa aad iyo aad nasiib daro u ah oo umadan iyo qarankan midna qabanin, in mashiinkii shaybaadhka, ee umada ka dhexeeyay ee isbitaalku lahaa inta la xaday lagu tasarufay isla markaana la iib geeyay, wasaaradii caafimaadkuna ay ka indha qarsanayso" ayuu yidhi.

Xukuumada Somaliland ayaan ilaa hada ka hadal mashiinka uu xisbiga Waddani sheegay in laga xaday isbitaalka Ceerigaabo isla markaana loo iib geeyay magaalada Garowe ee caasimada dowlad-goboleedka Puntiland.

Abdilahi Abdi Rahman, Hiiraan Online
[email protected]














Click here
7/27/2021 9:34 AM EST
Talaado, Luulyo, 27, 2021 (HOL) - Ra’iisul Wasaaraha xukuumada Soomaaliya, Maxamed Xuseen Rooble, ayaa ku boggaadiyay Madaxweynaha Jubbaland Axmed Maxamed Islaam soo gudbinta Liiska qaar kamid ah musharaxiinta u tartamaya golaha aqalka Sare.

7/27/2021 8:08 AM EST
Talaado, Luulyo, 27, 2021 (HOL) - Madaxweynaha maamulka Jubbaland Axmed Maxamed Islaam, Axmed Madoobe ayaa maanta si rasmi ah usoo gudbiyay liiska xubnaha Musharaxiinta ee ku tartamaya Kuraasta Aqalka Sare ee Baarlamaanka Soomaaliya qeyb ka mid ah.

7/27/2021 5:13 AM EST
Talaado, Luulyo, 27, 2021 (HOL) - Madaxweynaha Puntland Siciid Cabdulaahi Deni ayaa deeq waxbarasho u ballanqaaday Yacquub Mursal Yuusuf oo ahaa ardaygii ugu sareeyay imtixaankii shahaadiga ee fasalka afaraad ee dugsiyada sare Puntland.

7/27/2021 5:03 AM EST
Talaado, Luulyo, 27, 2021 (HOL) - Midowga Yurub (EU) iyo la-hawlgalayaashooda ayaa kala bar dhimay miisaaniyadda ciidamada Kenya ee ku sugan Soomaaliya, ka dib markii askarta Kenya ay si qarsoodi ah uga baxeen howlgalka AMISOM.

7/27/2021 2:18 AM EST
Talaado, Luulyo, 27, 2021 (HOL) - Wararka naga soo gaaraya deegaanka Dhagxanya Cadde oo ka tirsan deegaanada hoos yimaada degmada Galdogob ee gobolka Mudug ayaa sheegaya in halkaasi Xalay lagu dilay dad shacab ah.

7/27/2021 1:50 AM EST
Talaado, Luulyo, 27, 2021 (HOL) - Madaxweynaha maamul goboleedka Jubbaland Axmed Maxamed Islaam, Axmed Madoobe ayaa madaxtooyada Kismaayo kulan kula qaatay madaxda guddiga hirgelinta doorashoyinka heer Fedaraal iyo heer dowlad goboleed ee Jubbaland.

7/27/2021 1:04 AM EST
Talaado, Luulyo, 27, 2021 (HOL) - Taliyaha Booliiska Somaliland Maxammed Aadan Saqadhi (Dabagale), ayaa sheegay in Khamri iyo Xashiishad aan tiro lahayn Somaliland si sharci daro ah lagu soo galiyo, isla markaana booliisku fashiliyay tabo layaable oo dadka ka ganacsada maandooriyuhu isticmaalaan.