9/28/2021
Today from Hiiraan Online:  _
Wararka Maanta- Isniin, July 26, 2021
Dowladda Soomaaliya oo sheegtay in 13 dagaalame iyo horjoogahoodii ay ku dileen gobolka Sh/hoose
 

Isniin, Luulyo, 26, 2021 (HOL) - Ciidamada Xooga dalka ayaa howlgalo qorsheysan ka sameeyay deegaano hoos yimaada degmada Awdhiigle ee gobolka sh/hoose.

Howgalka ciidamada ka sameeyeen deegaanada hoos yimaada Awdhiigle ayaa la sheegay iney jawaab u aheyd weerar madaafiic ah oo Al-shabaab ku garaaceen xaafado ka tirsan degmada Awdhiigle, kaasoo khasaare dhimasho iyo dhaawacba leh kasoo gaareen dad shacab ah.

Saraakiil ka tirsan Xoogga dalka oo la hadlay warbaahinta Qaranka ayaa sheegay in howlgalada ay ka sameeyeen nawaaxiga degmada Awdhiigle iney ku dileen 13 ka mid ah dagaalyahanada Shabaab iyo sarkaalkoodii hogaaminaayay oo ahaa kuwii madaafiicda kusoo gaaray degmada Awdhiigle.

Sarakiisha ayaa sidoo kale sheegay in howgalka wali uu socdo kuna sii raad joogaan xubnaha kale ee ka tirsan Al-shabaab ee wali ku sugan deegaanada hoos yimaada Awdhiigle.

Deegaano iyo degmooyin ka tirsan gobolka Sh/hoose waxaa inta badan ka dhaca weeraro kala duwan oo dhexmara ciidamada dowladda Soomaaliya iyo kuwa Al-shabaab.

Jamaal Cali Cabdi, Hiiraan Online
[email protected]














Click here
7/26/2021 2:16 PM EST
Isniin, Luulyo, 26, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble iyo wafdi uu hoggaaminaayo ayaa ka duulay magaalada Muqdisho, iyagoo kusii jeeda magaalada London ee dalka Ingiriiska.

7/26/2021 8:47 AM EST
Isniin, Luulyo, 26, 2021 (HOL) - Ramla Cali oo ah gabadha Soomaaliya ku mataleysay cayaaraha feerka Olombikada ee Tokyo ayaa looga adkaaday dhibco kadib markii ay is wajaheen gabar kale oo ka socotay dalka Romania.

7/26/2021 6:48 AM EST
Isniin, Luulyo, 26, 2021 (HOL) - Warar dheeraad ah ayaa kasoo baxaya qarax miino oo geystay khasaare isugu jiro dhimasho iyo dhaawac oo ka dhacay inta u dhaxeeyaa deegaanada Beergidiid iyo Coomaad oo u dhaxeeya magaaloyinka Baledweyne iyo Maxaas.

7/26/2021 5:40 AM EST
Isniin, Luulyo, 26, 2021 (HOL) - Ramla Cali oo ah gabar Soomaaliyeed ayaa maanta galinka dambe ciyaareysa tartanka Feerka Olimbikada ee ka socda wadanka Japan, kaasoo ay Soomaaliya ku mataleyso qeybgalkeeda.

7/26/2021 1:47 AM EST
Isniin, Luulyo, 26, 2021 (HOL) - Ciidanka Xoogga Dalka Soomaaliya ayaa sheegay in ay gacanta ku dhigeen Horjogihii Al-Shabaab u qaabilsanaa howlgalinta gobolka Shabellaha Hoose.

7/26/2021 1:42 AM EST
Isniin, Luulyo, 26, 2021 (HOL) - Xafiiska Qaramada Midoobay ee Soomaaliya ayaa war qoraal ah oo kasoo baxay waxaa lagu soo dhaweeyay guddii uu shalay u magacaabay Raysal wasaaraha Soomaaliya ilaalinta qoondada dumarka ee 30% inta lagu guda jiro doorashooyinka dalka.

7/26/2021 1:38 AM EST
Isniin, Luulyo, 26, 2021 (HOL) - Raysal wasaaraha Xukuumadda Soomaaliya Maxamed Xuseen Rooble ayaa kulan kula qaatay madaxada Wadatashiga Qaran ee dalka.