9/16/2021
Today from Hiiraan Online:  _
Wararka Maanta- Axad, July 25, 2021
Maraykanka oo difaacay duqeymihii uu fuliyay Soomaaliya todobaadkii hore
 

Axad, Luulyo, 25, 2021 (HOL) - Xoghayaha gaashaandhigga Mareykanka Lloyd Austin ayaa sheegay in duqeymaha mareykanka ee lagu bartilmaameedsanayo Al-Shabaab ay xoojinayaan weerarada ka dhanka ah kooxda argagixisada ee xiriirka la leh Al-Qaacida.

Hadalkaan ayaa u muuqday mid wasaaradda gaashaadhigga Maraykanka kaga jawaabayso qoraal kasoo baxay xildhibaan Ilhan Omar oo su'aallo ka keentay duqeymihii ugu dambeeyay ee Galmudug.

"Dhawaan waxa dhacay waxa weeye ciidamada aan iskaashiga leenahay ayaa kordhiyay howlgalladooda, waxayna dib u riixayeen Al-Shabaab," ayuu Austin u sheegay wariyeyaasha isaga la safraya ee ku sugan saldhigga ciiddamada cirka ee Alaska.

Taliska Mareykanka ee Afrika ayaa Al-Shabaab ku bartilmaameedsaday labo duqeyn oo dhacday 20-kii July iyo 23-kii July, ka dib muddo ku dhow lix bilood oo hakad uu soo galay markii uu talada la wareegay Madaxweyne Joe Biden.

Milatariga Soomaaliya ayaa loollan adag oo dhanka dhulka ah la galay Al-Shabaabkii ku sugnaa maamulka Galmudug, halkaas oo lagu bartilmaameedsaday labada duqeyn oo diyaaradaha Mareykanka ay fuliyeen.

Milatariga Mareykanka ayaa fuliyay 63 weerar oo cirka ah oo ka dhan ah Al-shabaab sanadkii 2019 iyo 53 duqeyn ah oo sanadkii hore ah.

Saraakiisha Mareykanka ayaa sharraxaad ka bixiyay gaabiska ku yimid duqeymaha iyagoo u cuskanaya dib u eegis maamulka Biden uu ku sameeyay siyaasadda duulimaadka militariga.

Dowladda Soomaaliya ayaa aad uga walaacsanayd duqeymo la’aanta taasoo kooxda Alshabaab u ogolaatay inay ka soo baxaan dhuumashada.

Abdiweli M. Sheikh, Hiiraan Online














Click here
7/25/2021 1:01 PM EST
Axad, Luulyo, 25, 2021 (HOL) - Xildhihaan Abiibakar Siciid Cali Gaboobe oo xisbiga Kulmiye uga soo baxay gobolka Awdal, ayaa sheegay in xisbiyada isbahaysiga mucaaradka Somaliland ay u sheegeen in ay siin doonaan $100k hadii uu taageero xubnaha mucaaradku u sharaxeen doorashada shirgudoonka wakiilada.

7/25/2021 9:05 AM EST
Axad, Luulyo, 25, 2021 (HOL) - Shacabka ku dhaqan magaalada Diridhabe ayaa subaxnimadii hore ee maanta isugu soo baxay banaanbax ay ku taageerayeen Ciidamada Qaranka Isla markaana ay kaga soo horjeedeen kooxda TPLF.

7/25/2021 7:48 AM EST
Axad, Luulyo, 25, 2021 (HOL) - Ra'iisul Wasaaraha xukuumada Soomaaliya, Maxamed Xuseen Rooble ayaa magacaabay guddi ka kooban 13 xubnood oo qaabilsan u ololeynta iyo xaqiijinta qoondada haweenka ugu yaraan 30% ee labada aqal ee BFS.

7/25/2021 6:44 AM EST
Axad, Luulyo, 25, 2021 (HOL) - Taliyaha ciidamada Booliiska Soomaaliya Jenaraal Cabdi Xasan Maxamed Xijaar ayaa magacaabay Afhayeenka cusub ee ciidamada Booliiska Soomaaliya.

7/25/2021 5:27 AM EST
Axad, Luulyo, 25, 2021 (HOL) - Warar dheeraad ah ayaa kasoo baxaya tiro hoobiyeyaal ah oo Xalay lagu garaacay degmada Awdhiigle ee gobolka Sh/hoose.

7/25/2021 5:00 AM EST
Axad, Luulyo, 25, 2021 (HOL) - Guddoomiyaha Baarlamaanka maamulka Koofur Galbeed Soomaaliya Cali Saciid Faqi ayaa maanta magacaabay xubnaha Xildhibaanada golaha Wakiilada qabashada doorashada Aqalka Sare.

7/25/2021 2:34 AM EST
Axad, Luulyo, 25, 2021 (HOL) - Guddiga xallinta khilaafaadka doorashooyinka, ayaa soo saaray sharuudaha cabashooyinka aqalka sare, xilli maanta lagu wado in la shaaciyo guddiyada doorashooyinka iyo musharraxiinta aqalka sare.

7/25/2021 2:02 AM EST
Axad, Luulyo, 25, 2021 (HOL) - Taliska ciiddanka booliiska Soomaaliya, ayaa xalay magaalada Muqdisho kusoo bandhigay maleyshiyaadkii ka dambeeyay is-rasaasayn shalay subax ka dhacday Ex-kantarool Afgooye, halkaas oo ay ka dhalatay dhimashada afar qof oo shacab ahaa.