Wararka Maanta: Talaado, Jan 26, 2021-Godey oo maanta laga dhagax dhigay garoon diyaaradeed oo heer caalami ah

Godey oo maanta laga dhagax dhigay garoon diyaaradeed oo heer caalami ah

Talaado, Janaayo, 26, 2021 (HOL) - Waxaa maanta magaalada Godey laga dhagax dhigay Garoonka diyaaradaha oo loogu magac daray Ugaas Miraad Layli.

Xafladda lagu dhagax dhigayay garoonkan ayaa waxaa kasoo qayb galay madaxda degaanka Soomaalida oo u horeeyo Madaxwayne Mustafe cagjar, Maareeyaha guud ee Shirkadda Garoonada Itoobiya iyo masuuliyiin kale.

Dadwaynaha ku dhaqan Gobolka Shabelle gaar ahaan magaalada Godey ayaa soo dhaweeyay garoonkan maanta laga dhagax dhigay Godey.

Magaalada Godey oo caasimad u ah Gobolka Shabelle ayaa ah magaalo wayn oo leh dhammaan waxyaabaha aasaaska u ah nolosha, waana caasimadda labaad ee degaanka Soomaalida.

Abdilahi Jawhar
Hiiraan Online
Jigjiga