Arbaco, Janaayo, 13, 2021 (HOL) -Ciidamada Difaaca Qaranka Itoobiya ayaa galabnimadii Arbacada shaaciyay geerida Wasiirkii hore ee arimaha dibada Itoobiya, Seyoum Mesfin intii uu socday dagaal ka dhacay waqooyiga gobolka Tigray ee dalkaasi.
Brigadier General Tesfaye Ayalew, oo ah madaxa waaxda howl galka ee ENDF ayaa sheegay in Seyoum Mesfin lala dilay Asmelash Woldeselassie, oo horay u ahaan jiray baarlamaankii Ethiopia iyo Abay Tsehaye, Wasiirkii hore ee arimaha federaalka itoobiya intii uu socday dagaalkii arbacadii.
Ayalew wuxuu sheegay in shan saraakiil kale oo kale oo rayid ah iyo saraakiil ciidan lagu qabtay howlgalka militariga, sida ay ku warantay wakaalada wararka dowladda ee Itoobiya.
Dowladda federaalka ee Itoobiya ayaa tan iyo 4tii Nofeembar waxay waday hawlgallo milateri oo ay ka waday gobolka Waqooyiga ugu badan ee gobolka Tigreega ee lagaga soo horjeeday Jabhadda Xoreynta Dadka ee Tigreega (TPLF), oo horay u maamuli jirtay gobolka, kaddib markii sida muuqata ay kooxda TPLF weerartay Taliska Woqooyi ee ENDF.
Cabdiraxmaan Diini, Hiiraan Online
[email protected]
