1/20/2021
Today from Hiiraan Online:  _
Wararka Maanta- Arbaco, Jan 13, 2021
Itoobiya oo digniin u dirtay dowladda Sudan


 

Arbaco, Janaayo, 13, 2021 (HOL) - Iyadoo uu sii xoogeysanayo khilaafka u dhaxeeya labada dal Itoobiya iyo Sudan ayeey dolwadda  Itoobiya waxaa ay fariin digniin ah u dirtay dhigeeda dalka Sudan oo saacadihii ugu danbeeyay ciidamo soo dhoobtay dhulka ay isku hayaan  Itoobiya.

Xiisada labada dal ayaa salka ku heysa muranka ka taaggan dhulka beeraha Qaniga ku ah ee Al-Fashqa oo midba uu sheeganayo lahaashihiisa, waxaana ay xiisada arintan ku la xiriirta soo jiitameysay muddo ka badan 10 sano.

Afhayeenka Wasaaradda arrimaha dibadda ee Itoobiya, Dina Mufti oo  warbaahinta u sheegay in dhinaca Sudan ay doonayaan in ay xaalada uga sii darraan ama sii huriyaan.

Afhayeenka Arrimaha dibada ee dalka  Itoobiya Dina Mufti ayaa u sheegay saxaafada subaxnimadii maanta in Sudan ay u muuqato colaad ka hurineysa xadka “Itoobiya dagaal ma bilaabeysaa waxaan leenahay aan ka shaqeyno diblomaasiyadda“Ilaa intee ayeey Itoobiya sii wadi doontaa xalinta qaddiyadda iyadoo adeegsanaysa diblomaasiyad Ma jiraan wax aan xad lahayn. Wax walba waxaa ay leeyihiin xad, ”ayuu u sheegay Afhayeenka mar uu warbaahinta kula hadlayay magaalada caasimada ah ee Addis Ababa.

Ugu danbeyntii Dina Mufti  ayaa intaa raaciyay in dhankooda rajeynayaan in wax walba lagu dhameeyo hab diblomaasiyadeed, balse rajada taa laga qabo ay tahay mid aad u yar madaama waqtigu uu isa sii gurayo.

Cabdiraxmaan Diini, Hiiraan Online
[email protected]    














Click here
1/13/2021 2:05 PM EST
Arbaco, Janaayo, 13, 2021 (HOL) - Qof ayaa dhintay mid kalena waa dhaawacmay kadib markii dabley hubaysan ay rasaas ku fureen jidka u dhexeeya Laascaanood iyo Buuhoodle duleedka tuulada Yeyle fiidnimadii caawa.

1/13/2021 12:25 PM EST
Arbaco, Janaayo, 13, 2021 (HOL) - Deegaanka Xirsi Lugeey oo ah deegaan hoostaga degmada Balanbale ee gobolka Galgaduud oo maanta lagu dilay dad shacab ah kadib markii maleeshiyaad hubeysan aay weerar ku qaadeen dadka shacabka ee lagu laayay deegaanka Xirsi Lugeey.

1/13/2021 12:01 PM EST
Arbaco, Janaayo, 13, 2021 (HOL) -Ciidamada Difaaca Qaranka Itoobiya ayaa galabnimadii Arbacada shaaciyay geerida Wasiirkii hore ee arimaha dibada Itoobiya, Seyoum Mesfin intii uu socday dagaal ka dhacay waqooyiga gobolka Tigray ee dalkaasi.

1/13/2021 10:30 AM EST
Talaado, Janaayo, 13 2021 (HOL) - Madaxweyne ku xigeenka maamulka Galmudug Cali Daahir Ciid ayaa ka tacsiyeeyay weerar maanta ay koox maleyshiyo ah ku laayeen dad shacab ah oo ku noolaa Tuulada Xirsi Lugeey ee Duleedka Dagmada Balanbale.

1/13/2021 9:58 AM EST
Arbaco, Janaayo, 13, 2021 (HOL)- Wasiirka Wasaarradda Cadaallada Xukuumadda Soomaaliya Cabduqaadir Maxamed Jaamac oo warbaahinta la hadlay ayaa u digay dadka cadaallada u doonta Maxkamada Al-shabaab ee ka dhisan deegaannada ka baxsan dhulka ay dowladdu maamusho.

1/13/2021 7:55 AM EST
Talaado, Janaayo, 13 2021 (HOL) - Safiirkii ugu horeeyay ee Mareykan ee Soomaaliya Stephen M. Schwartz (2016-17) tan iyo 1991 kadib, ayaa ugu baaqay madaxweynaha cusub ee dalka Maraykanka, Joe Biden inuu ka noqdo go’aanka ciidamada Maraykanka uga baxayaan Soomaaliya uuna dejiyo siyaasad iyo istiraatiijiyad u gaar ah Soomaaliya.

1/13/2021 5:16 AM EST
Talaado, Janaayo, 13 2021 (HOL) - Qoraal ka soo baxay xafiiska Ra'iisal Wasaaraha Xukuumadda Soomaaliya Maxamed Xusseen Rooble ayaa u magacaabay Wasiiru-dowlaha Xafiiskiisa Cabdixakiin Xassan Ashkir howlaha doorashada.

1/13/2021 4:17 AM EST
Talaado, Janaayo, 13 2021 (HOL) - Ilhan Cumar oo ah xubin ka tirsan Kongareeska Mareykanka ayaa si kulul ugu eedeysay madaxweynaha Mareykanka Donald Trump in uu ka danbeeyay weerarkii lagu soo qaaday xarunta Capitol Hill

1/13/2021 12:56 AM EST
Arbaco, Janaayo, 13, 2021 (HOL) - Inta la xaqiijinayo ilaa 7 Askari oo Kenyaaan ah oo ka tirsan howlgalka midowga Africa AMISOM ayaa lagu dilay Qarax miino kaddib markii la bartilmaameedsaday gaari ay la socdeen Talaadadii shalay.

1/13/2021 12:30 AM EST
Arbaco, Janaayo, 13, 2021 (HOL) - Madaxweyne ku-xigeenka Dowlad Gobolleedka Galmudug Cali Daahir Ciid ayaa sheegay in dhankooda ay u diyaargaroobeen qabashada doorashada, kaddib markii uu booqday xarun loo diyaariyay in lagu qabto doorashada xubnaha Aqalka Sare.