Arbaco, Feberaayo, 03, 2021 (HOL) -Guddoomiyaha aqalka sare, Cabdi Xaashi Cabdullaahi iyo siyaasiyiinta kasoo jeeda gobolada waqooyi ee Soomaaliya ayaa sheegay in loo diiday in ay matalaad ku yeeshaan shirka wadatashiga ee magaalada Dhuusamareeb.
“Waxaa nasiib darro ah oo aan ka xumahay in shirkan lagu qaanayo Dhuusomareeb oo ay ka qeyb galayaan dowladda federalka iyo dowlad goboleedyada aan lagu casuumin aqalka sare, taas waxay caddaynaysaa in madaxweynuhu aaminsanayn nidaamka federalka iyo Somaliland".
Cabdi Xaashi ayaa sheegay muddadii uu xilka hayay madaxweyne Farmaajo inuu inkiray waajibaadka uu dastuurku siiyay aqalka sare oo ah matala dowlad goboleedyada islamarkaana aan laga qeyb galin xallinta khilaafaadka soo kala dhexgala dowladda federalka iyo dowlad goboleedyada.
Madaxweynaha Galmudug Axmed Qoorqoor ayaa ku wargaliyay guddoomiyaha aqalka sare inuusan ku jirin liiska ergada ka qeyb galaysa shirka dhuusomareeb.