3/4/2021
Today from Hiiraan Online:  _
Wararka Maanta- Sabti, Feb 20, 2021
Ganacsade Xaaji Daa'uud oo ku geeriyooday magaalada Muqdisho


 

Sabti, Feberaayo, 20, 2021 (HOL) -Waxaa  caawa ku geeriyooday isbitaalka Martiini ee magaalada Muqdisho alle ha u naxariistee  Xaaji Daa'uud Cilmi Cariif. Xaajiga ayaa u geeriyooday cudurka COVID-19.

Alle ha u naxariistee Xaaji Daa'uud ayaa ahaa milkiilihii Hotel Lafweyn iyo Hotelka Ambassador oo labaduba ka mid ah hoteellada ugu waaweyn magaalada Muqdisho.

Dhinaca kale marxuumku wuxuu ahaa Sheekh Weyn oo caalim ah islamarkaana qeyb weyn ka qaatay fidinta diinta Islaamka iyo waliba dhismaha goobaha cibaadada sida maasaajida iyo madrasadaha lagu barto Diinta Islaamka.

Marka laga soo tago in uu ahaa Ganacsade Alle ha u naxariisteen Xaaji Daa'uud waxaa uu badnaa ka qeybgalka howlaha kheyriga. sida in uu gacanta ku hayay Ardey u badneyd daalibul-cilmi iyo hergalinta goobo laga raacdo waxbarashada Diinta.

marxmuumka ayaa ku dhashay degmada Jalalaqsi ee gobolka Hiiraan sanadku markii ahaa 1942. waxaa uu ifka uga taggay labo Xaas iyo 80 ruux oo ka kooban wax uu dhalay iyo waxay sii dhaleen.

Alle ha u naxariistee Xaaji Daa'uud waxaa geeridiisa ka tacsiiyay dad badan oo garanayay ganacsadaha kuwaa oo alle uga baryay in uu Jannadii ka wareebiyo.

Cabdiraxmaan Diini, Hiiraan Online
[email protected]   















Click here
2/20/2021 2:15 PM EST
Sabti, Febraayo, 20, 2021 (HOL)- Guddoomiyaha xisbiga mucaarad ka ah ee UCID Faysal Cali Waraabe, ayaa u duceeyay dadkii ku waxyeelobay mudaharadkii shalay ka dhacay magaalada Muqdisho, sidookale wuxu dadka reer Muqdisho ugu baaqay in ay iska xoreeyaan madaxwayne Farmaajo, waa sida uu hadalka u dhigaye.

2/20/2021 11:54 AM EST
Sabti, Feberaayo, 20, 2021 (HOL) - Wasaaradda caafimaadka Soomaaliya ayaa shaacisay in 48 saac ee lasoo dhaafay cudurka Covid-19 laga helay 257 qof, halka ay sidoo kale u geeriyoodeen 15 qof oo ku jiray isbitaalka Martiini.

2/20/2021 10:15 AM EST
Sabti, Febraayo, 20, 2021 (HOL)- Maalinta dhalinyarada Somaliland ee UFO, oo ah maalintii ay dhalinyaro ciyaal iskuul iyo aqoonyahan ahaa, ay dhagax kula dagalameen taangiyadii dawladii milatariga ahayd ee Siyaad Barre 20/ Febraayo 1982, ayaa laga xusay magalada Hargaysa.

2/20/2021 8:36 AM EST
Sabti, Feberaayo, 20, 2021 (HOL) -Shaqaale caafimaad ayaa xaqiijiyay in ugu yaraan shan askari lagu dilay iska horimaadyadii maalintii shalay ka dhacay magaalada Muqdisho ku dhawaad 10 ruux oo rayid ahna ku dhaawacmeen.

2/20/2021 7:41 AM EST
Sabti, Feberaayo, 20, 2021 (HOL) - Wasiirka Gaadiidka iyo Duulista hawada Soomaaliya, Maxamed Salaad Oomaar ayaa sheegay in xaaladda garoonka diyaaradaha Muqdisho ay tahay mid wanaagsan duulimaadyaduna sidii caadiga ahayd ugasoo dagayaan.

2/20/2021 7:31 AM EST
Sabti, Feberaayo, 20, 2021 (HOL) - Maxkamada Gobolka Banaadir ayaa ku heshay shirkada Favori LLC ee maamusha Garoonka Diyaaradaha Muqdisho, ku tumasho xuquuq shaqaale, kadib markii sharci yaqaanada Xiriirka Ururada Shaqaalaha Soomaaliyeed ee (FESTU) ay kusoo eedeeyeen ku xadgudbida xuquuqda mid kamid ah shaqaalaha xoogsatada ah ee shirkadda u shaqeeya.

2/20/2021 4:34 AM EST
Sabti, Feberaayo, 20, 2021 (HOL) -Jubbaland ayaa sheegtay in ay qiimeyn ku sameyn doonto xaalada amaan ee magaalada Muqdisho ka hor ka qeybgalka shirka uu dhawaan ku baaqay madaxweynaha dowladda Soomaaliya Maxamed Cabdullaahi Farmaajo.

2/20/2021 1:44 AM EST
Sabti, Feberaayo, 20, 2021 (HOL) -War Qoraal ah oo ka soo baxay Midowga Musharixiinta Mucaaradka ayeey ku sheegeen in aysan joojin doonin dibadbaxyada ka dhanka dowladda uu hoggaamiyo Madaxweyne Maxamed Cabdullaahi Farmaajo.

2/20/2021 12:23 AM EST
Sabti, Feberaayo, 20, 2021 (HOL) -Urur gobolleedka IGAD ayaa cambaareeyay iska horimaadyadii maalintii shalay ka dhacay magaalada Muqdisho kaddib markii ay dowladdu is hortaagtay mudaaharaad ay qorsheynayeen in ay dhigaan midowga mushariixintu.