1/18/2022
Today from Hiiraan Online:  _
Wararka Maanta- Khamiis, Dec 2 , 2021
Puntland oo sheegtay in ay la dagaalamayso shakhsiyaad dowladda federalku kusoo maalgalisay kicinta xiisadaha Bosaso ka jira
 

Khamiis, December, 2, 2021 (HOL) - Guddiga amniga gobolka Bari ayaa shir jaraa’id oo ay ku qabteen magaalada Boosaaso waxay ku shaaciyeen inuu billaabanayo howlgal ka dhan ah waxay ugu yeereen cadowga Puntland.

Guddoomiyaha gobolka Bari, Cabsimad Yuusuf Axmed (Abwaan) ayaa wuxuu sheegay in ay la socdaan shakhsiyaad xiriir dhow dowladda federalka, kuwaas oo uu ku eedeeyay in ay dab ku shidayaan xiisada ka jirta magaalada Boosaaso.

Cabdisamad Abwaan oo dhinaca kale ah senorada cusub ee aqalka sare, ayaa sheegay ciidamada amnigu in ay tallaabo ka qaadi doonaan cid walba oo lagusoo maalgaliyay in ay ‘qalqal’ galin ka abuurto magaalada Boosaaso.

“Waad ogtihiinoo ayaamihii ugu dambeeyay in dadka guryaha lagu garaacayay oo lagu lahaa, soo barakaca. Waad ogtihiin in meel walba wax lagusoo qorayay oo lalahaa Boosaaso waa gubanaysaa,’ ayuu yiri guddoomiyaha gobolka Bari.

Guddiga amniga gobolka Bari ayaa sheegay in xaaladda ka taagan hay’adda PSF ay si dhaqso leh usoo gabagaboobi doonto, iyagoo sheegay  in aanay jirin cabsi hadda laga qabo in magaalada Boosaas uu ka dhaco dagaal.

Si kastaba ha ahaatee, hadalka guddiga amniga wuxuu imaanayaa, iyadoo aanay weli jirin wax guul ah oo laga gaaray inuu xilka wareejiyo agaasimihii laga qaaday xilka hay’adda PSF.

Abdiweli M. Sheikh, Hiiraan Online












Click here
12/2/2021 6:38 AM EST
Khamiis, December, 2, 2021 (HOL) - Guddiga xallinta khilaafaadka doorashada Soomaaliya ayaa ka codsaday midowga musharraxiinta caddeymo muujinaya in guddigu uu ka hor istaagay inuu ka qabto dacwad ama go’aano guddigu gaaray oo loo maray sifo baalmarsan habraaca doorashada.

12/2/2021 6:22 AM EST
Khamiis, December, 2, 2021 (HOL) - Ugu yaraan 4 Dhallinyaro ah ayaa ku geeriyooday miino kula qaraxday deegaanka Buula Xaaji ee Galbeedka Magaalada Kismaayo.

12/2/2021 3:48 AM EST
Khamiis, December, 2, 2021 (HOL) - Madaxweynaha Ruushka Vladimir Putin ayaa u rajeeyay Soomaaliya in ay guulo ay ka gaarto dagaalka ay kula jirto kooxaha hubeysan ee ka dagaalama dalka dhaca Geeska Afrika.

12/2/2021 12:39 AM EST
Khamiis, December, 2, 2021 (HOL) - Taliska hay'adda Nabadsugida iyo Sirdoonka Qaranka Soomaaliya ayaa shaacisay in howlgal qorsheysan oo Xalay ka dhacay magaalada Muqdisho ay ku dileen Saraakiil ka tirsan dagaalyahanada Al-shabaab.

12/2/2021 12:21 AM EST
Khamiis, December, 2, 2021 (HOL) - Warar dheeraad ah ayaa kasoo baxaya weerar xalay saqdii dhaxe dagaalamayaasha Al-shabaab ay ku qaadeen Saldhigyada Ciidamada Jabuuti iyo kuwa dowladda Soomaaliya ee ku yaala xaafada howlwadaag ee magaalada Baledweyne ee xarunta gobolka Hiiraan.

12/2/2021 12:16 AM EST
Khamiis, December, 2, 2021 (HOL) - Qoraal kasoo baxay wasaarada arrimaha dibada Somaliland, ayay xukuumada Somaliland ugu hambalyaysay Jamhuuriyada Barbados oo loo aqoonsaday dal cusub oo caalamka kamid ah.