1/18/2022
Today from Hiiraan Online:  _
Wararka Maanta- Khamiis, Dec 2 , 2021
NISA oo shaacisay in howlgal qorsheysan lagu dilay 12 Sarkaal oo ka mid ahaa Al-shabaab
 

Khamiis, December, 2, 2021 (HOL) - Taliska hay'adda Nabadsugida iyo Sirdoonka Qaranka Soomaaliya ayaa shaacisay in howlgal qorsheysan oo Xalay ka dhacay magaalada Muqdisho ay ku dileen Saraakiil ka tirsan dagaalyahanada Al-shabaab.

War qoraal ah oo lagu daabacay barta Twitter-ka ee hay'adda NISA ayaa lagu sheegay in howlgal qorsheysan oo ay ka fuliyeen ciidanka NISA, gudaha magaalada Muqdisho iney ku bartilmaameedsadeen 15 Sarkaal oo ka tirsan Al-shabaab, islamar ahaantaana ay dileen 12 ka mid ah 15-ka sarkaal, kuwaas oo ay NISA sheegtay in Shabaab u qaabilsanayeen qalqal gelinta amaanka magaalada Muqdisho.

“Howlgal gaar ah ayaa caawa lagu beegsaday 15 sargaal oo Al-shabaab u qaabilsanaa qalqal gelinta Amniga Caasimadda Muqdisho, Waxaana ku dhintay 12 kamid ah Al-shabaab. Waa waajib qaran  ilaalinta amniga iyo badbaada umadda Soomaaliyeed” ayaa lagu yiri qoraalka kasoo baxay hay'adda NISA.

Si kastaba ha ahaatee Taliska hay’adda  NISA ma shaacin goobta uu ka dhacay howlgalka ay sheegatay inay ku dileen 12 Sarkaal oo ka mid ahaa dagaalyahanada Al-shabaab, islamarkaana maysan sheegin hay'adda inay baxsadeen sadexda Sarkaal kale iyo in la qabtay.

Majirto wax war ah oo kasoo baxay dhanka dagaalamayaasha Al-shabaab oo ku aadan warka kasoo baxay hay'adda Nisa ay ku sheegatay iney howlgal qorsheysan ku dileen 12 ka mid ah saraakiisha Shabaab u qaabilsaneyd qalqal gelinta amaanka magaalada Muqdisho.

Jamaal Cali Cabdi, Hiiraan Online
[email protected]












Click here
12/2/2021 8:07 AM EST
Khamiis, December, 2, 2021 (HOL) - Guddiga amniga gobolka Bari ayaa shir jaraa’id oo ay ku qabteen magaalada Boosaaso waxay ku shaaciyeen inuu billaabanayo howlgal ka dhan ah waxay ugu yeereen cadowga Puntland.

12/2/2021 6:38 AM EST
Khamiis, December, 2, 2021 (HOL) - Guddiga xallinta khilaafaadka doorashada Soomaaliya ayaa ka codsaday midowga musharraxiinta caddeymo muujinaya in guddigu uu ka hor istaagay inuu ka qabto dacwad ama go’aano guddigu gaaray oo loo maray sifo baalmarsan habraaca doorashada.

12/2/2021 6:22 AM EST
Khamiis, December, 2, 2021 (HOL) - Ugu yaraan 4 Dhallinyaro ah ayaa ku geeriyooday miino kula qaraxday deegaanka Buula Xaaji ee Galbeedka Magaalada Kismaayo.

12/2/2021 3:48 AM EST
Khamiis, December, 2, 2021 (HOL) - Madaxweynaha Ruushka Vladimir Putin ayaa u rajeeyay Soomaaliya in ay guulo ay ka gaarto dagaalka ay kula jirto kooxaha hubeysan ee ka dagaalama dalka dhaca Geeska Afrika.

12/2/2021 12:21 AM EST
Khamiis, December, 2, 2021 (HOL) - Warar dheeraad ah ayaa kasoo baxaya weerar xalay saqdii dhaxe dagaalamayaasha Al-shabaab ay ku qaadeen Saldhigyada Ciidamada Jabuuti iyo kuwa dowladda Soomaaliya ee ku yaala xaafada howlwadaag ee magaalada Baledweyne ee xarunta gobolka Hiiraan.

12/2/2021 12:16 AM EST
Khamiis, December, 2, 2021 (HOL) - Qoraal kasoo baxay wasaarada arrimaha dibada Somaliland, ayay xukuumada Somaliland ugu hambalyaysay Jamhuuriyada Barbados oo loo aqoonsaday dal cusub oo caalamka kamid ah.