1/18/2022
Today from Hiiraan Online:  _
Wararka Maanta- Khamiis, Dec 2 , 2021
Caruur Walaalo aheyd oo ku geeriyooday dagaal Xalay ka dhacay magaalada Baledweyne
 

Khamiis, December, 2, 2021 (HOL) - Warar dheeraad ah ayaa kasoo baxaya weerar xalay saqdii dhaxe dagaalamayaasha Al-shabaab ay ku qaadeen Saldhigyada Ciidamada Jabuuti iyo kuwa dowladda Soomaaliya ee ku yaala xaafada howlwadaag ee magaalada Baledweyne ee xarunta gobolka Hiiraan.

Weerarka Al-shabaab kusoo qaadeen magaalada Baledweyne ayaa ahaa mid waqti kooban socday, kaasoo la isku adeegsaday hubka noocyadiisa kala duwan, waxaana inta la xaqiijiyay weerarka xalay ka dhacay ku geeriyooday sadax caruur oo walaalo ahaa oo gurigooda uu kusoo dhacay Hoobiye, waxaana sidoo kale dhaawac ah laba kale oo caruur ah.

Lama oga khasaaraha rasmiga ah ee kala gaaray dhinacyada dagaalamay ee Al-shabaab iyo ciidamada dowladda, mana jirto wax war ah oo kasoo baxay laba dhinac oo la xiriira dagaalka xalay ka dhacay Baledweyne iyo khasaaraha ka dhashay.

Weerarka xalay dagaalamayaasha Al-shabaab kusoo qaadeen magaalada Baledweyne ayaa imaanaya xili shalay ciidamada dowladda iyo kuwa AMISOM ay sheegeen iney howlgalo amaanka lagu xaqiijinayo ka sameeyeen ilaa 10 tuulo oo ka mid ah kuwa hoos yimaada Baledweyne, waxaana weerarkan uu u muuqda mid jawaab u ah howlagalkaasi iyo in ciidamada Shabaab dhankooda is muujinayaan ineysan wali ka fogeen magaalada Baledweyne.

Jamaal Cali Cabdi, Hiiraan Online
[email protected]












Click here
12/2/2021 8:07 AM EST
Khamiis, December, 2, 2021 (HOL) - Guddiga amniga gobolka Bari ayaa shir jaraa’id oo ay ku qabteen magaalada Boosaaso waxay ku shaaciyeen inuu billaabanayo howlgal ka dhan ah waxay ugu yeereen cadowga Puntland.

12/2/2021 6:38 AM EST
Khamiis, December, 2, 2021 (HOL) - Guddiga xallinta khilaafaadka doorashada Soomaaliya ayaa ka codsaday midowga musharraxiinta caddeymo muujinaya in guddigu uu ka hor istaagay inuu ka qabto dacwad ama go’aano guddigu gaaray oo loo maray sifo baalmarsan habraaca doorashada.

12/2/2021 6:22 AM EST
Khamiis, December, 2, 2021 (HOL) - Ugu yaraan 4 Dhallinyaro ah ayaa ku geeriyooday miino kula qaraxday deegaanka Buula Xaaji ee Galbeedka Magaalada Kismaayo.

12/2/2021 3:48 AM EST
Khamiis, December, 2, 2021 (HOL) - Madaxweynaha Ruushka Vladimir Putin ayaa u rajeeyay Soomaaliya in ay guulo ay ka gaarto dagaalka ay kula jirto kooxaha hubeysan ee ka dagaalama dalka dhaca Geeska Afrika.

12/2/2021 12:39 AM EST
Khamiis, December, 2, 2021 (HOL) - Taliska hay'adda Nabadsugida iyo Sirdoonka Qaranka Soomaaliya ayaa shaacisay in howlgal qorsheysan oo Xalay ka dhacay magaalada Muqdisho ay ku dileen Saraakiil ka tirsan dagaalyahanada Al-shabaab.

12/2/2021 12:16 AM EST
Khamiis, December, 2, 2021 (HOL) - Qoraal kasoo baxay wasaarada arrimaha dibada Somaliland, ayay xukuumada Somaliland ugu hambalyaysay Jamhuuriyada Barbados oo loo aqoonsaday dal cusub oo caalamka kamid ah.