1/18/2022
Today from Hiiraan Online:  _
Wararka Maanta- Arbaco, Dec 1 , 2021
Hargaysa: Gabadh dalbatay in loo ogolaado in ay qaawani ku socon karto oo la xidhay
 

Arbaco, December, 1, 2021 (HOL) - Booliiska Somaliland ayaa magaalada Hargaysa ku xidhay gabadh xukuumada Somaliland ka dalbatay in ay samayso xeer ogolaanaya in dumarku ay suuqa qaawani ku dhex mari karaan.

Gabadha oo Facebook kusoo gasha magaca Buulo Qareen Hayaama, ayaa xili ay dood TV ka qayb galaysay dalbatay in la sameeyo xeer u ogolaanaya in ay qaawani suuqa ku mari karto "Nigis iyo kiishali hadan Hargaysa ku maro waa in aan helaa xeer ilaalinaya nabad galyadayda iyo xasiloonidayda".

Hadaba, wasiirka diina iyo awqaafta Somaliland Cabdirisaaq Xuseen Cali Albaani, ayaa warbaahinta u xaqiijiyay in booliisku ay xabsiga u taxaabeen gabadha isla markaana ay baadhis socoto isagoo ka digay ficilada anshaxa baal marsan.

"Arrinta laamaha amniga ayaa ka howlgalay, qofku marka uu sameeyo wax anshaxa aan waafaqsanayn waxa la rabaa in cidii u xilsaarnayd ay ka howlgasho waana laga howlgalay, lamaaha amniguna gacanta ayay ku dhigeen, baadhitaana way wadaan" ayuu yidhi wasiir Albaani.

Dooda TVga ee ay Hayaama ka codsatay xeerka fasaxaya qaawanida, ayaa timid kadib markii todobaadkii hore suuqa magaalada Hargaysa lagu qabtay gabadh shaadh iyo surwaal xidhan.

Abdilahi Geel-maal, Hiiraan Online
[email protected]












Click here
12/1/2021 1:39 PM EST
Arbaco, December, 1, 2021 (HOL) - UmulKhayr Rooble Cilmi oo wasiirka diinta iyo awqaafta Somaliland sheegay in booliisku xidheen kadib markii, ay xukuumada ka codsatay sharci ilaalinaya dumarka aan xijaaban, ayaa sheegtay in aan la xidhin, cidna dacwaynin.

12/1/2021 9:30 AM EST
Arbaco, December, 1, 2021 (HOL) - Ciidamada dowladda Soomaaliya iyo Kuwa dalalka Jabuuti iyo Itobiya ee qeybta ka ah Ciidanka AMISOM ee ku sugan magaalada Baledweyne ayaa howlgalo ka sameeyay deegaano dhowr ah oo hoos taga magaalada Baledweyne ee Xarunta Gobolka Hiiraan.

12/1/2021 7:52 AM EST
Arbaco, December, 1, 2021 (HOL) - Sida ay baahisay Warbaahinta dowladda Itoobiya, dagaallo adag oo ay dawladdu kula jirtay kooxda TPLF, ayaa waxay dowladdu sheegtay inay la wareegtay magaalooyin waawayn oo istiraatiji ah.

12/1/2021 7:45 AM EST
Arbaco, December, 1, 2021 (HOL) - Madaxweynaha Somaliland Muuse Biixi Cabdi, oo madaxtooyada ku qaabilay safiirrada cusub ee Midawga Yurub iyo Sweden Soomaaliya u qaabilsan, Amb. Tiina Intelmann iyo Amb. Per Lindgarde, ayaa ka wada hadlay arrimaha doorashooyinka iyo horumarinta.

12/1/2021 6:53 AM EST
Arbaco, December, 1, 2021 (HOL) - Wareegto kasoo baxday Xafiiska Taliyaha ciidanka Booliiska Soomaaliyeed Jenaraal Cabdi Xasan Maxamed Xijaar ayaa xilka qaadis waxaa lagu sameeyay Taliyahii ciidanka Booliiska degmada Baledweyne, islamarkaan lagu magacaabay Taliye Cusub.

12/1/2021 5:18 AM EST
Arbaco, December, 1, 2021 (HOL) - Haweeney looga shakisan yahay inay xiriir la leedahay kooxda Al-Shabaab ayaa fiidnimadii Talaadadii lagu xiray deegaanka Tinderet, ee gobolka Nandi.

12/1/2021 2:52 AM EST
Arbaco, December, 1, 2021 (HOL) - Guddiga doorashada Soomaaliya ayaa sheegay in ay baaritaanno ku sameynayaan habka loo maray doorashada kursiga golaha shacabka ee tirsiigu yahay 103, oo la ogyahay inuu dacwad kasoo gudbiyay guddoomiyihii hore ee barlamaanka Soomaaliya Prof. Jawaari.

12/1/2021 2:32 AM EST
Arbaco, December, 1, 2021 (HOL) - Madaxweynaha dowlad goboleedka Puntland Siciid Cabdullaahi Deni ayaa sheegay in maamulkiisa ay ka go’an tahay inuu gacanta kusoo celiyo hay’addaha u xiran shaqsiyaadka gaarka ah.

12/1/2021 12:24 AM EST
Arbaco, December, 1, 2021 (HOL) - Wasiirka arrimaha dibada Somaliland D.R Ciise Kayd Maxamuud oo waraysi siiyay BBC Somali, ayaa sheegay in xukuumada Somaliland ay dhex ka tahay arrimaha Itoobiya.