1/18/2022
Today from Hiiraan Online:  _
Wararka Maanta- Arbaco, Dec 1 , 2021
Madaxweyne Biixi oo qaabilay safiirada cusub ee Midowga Yurub iyo Sweden
 

Arbaco, December, 1, 2021 (HOL) - Madaxweynaha Somaliland Muuse Biixi Cabdi, oo madaxtooyada ku qaabilay safiirrada cusub ee Midawga Yurub iyo Sweden Soomaaliya u qaabilsan, Amb. Tiina Intelmann iyo  Amb. Per Lindgarde, ayaa ka wada hadlay arrimaha doorashooyinka iyo horumarinta.

"Kulanka, ayaa lagaga wada hadlay xoojinta xidhiidhka ka dhexeeya midawga Yurub iyo dalka Sweden,  dardar gelinta mashaariicda horumarineed, hadday tahay kuwii socday iyo hadday tahay kuwa cusub ee sannadaha soo socda qorshaysan" ayaa lagu yidhi war-murtiyeed kulanka kasoo baxday.

Sidookale, waxa lagu sheegay in kulanka lagaga wada hadlay arrimaha doorashooyinka soo socda ee Somaliland ka dhici doona sannadka danbe ee 2022, iyo xaalada uu Geeska Afrika hada ku suganyahay.

Warbixinta ayaa sidoo kale xustay in safiiradu shacabka iyo xukuumada ku bogaadiyeen himiladooda "Wufuudda, ayaa dhinacooda waxa ay madaxweynaha iyo shacbiga Somaliland ku bogaadiyeen horumarka iyo hiigsiga ka socda kana muuqda Somaliland ee ah inay noqdaan kuwo ka gun gaadha himilooyinkooda fog iyo kuwa dhawba".

Socdaalkan ayaa ah koodi ugu horeeyay ee safiirada cusubi ay Somaliland ku yimaadeen tan iyo markii lasoo magacaabay.

Abdilahi Geel-maal, Hiiraan Online
[email protected]












Click here
12/1/2021 1:39 PM EST
Arbaco, December, 1, 2021 (HOL) - UmulKhayr Rooble Cilmi oo wasiirka diinta iyo awqaafta Somaliland sheegay in booliisku xidheen kadib markii, ay xukuumada ka codsatay sharci ilaalinaya dumarka aan xijaaban, ayaa sheegtay in aan la xidhin, cidna dacwaynin.

12/1/2021 9:30 AM EST
Arbaco, December, 1, 2021 (HOL) - Ciidamada dowladda Soomaaliya iyo Kuwa dalalka Jabuuti iyo Itobiya ee qeybta ka ah Ciidanka AMISOM ee ku sugan magaalada Baledweyne ayaa howlgalo ka sameeyay deegaano dhowr ah oo hoos taga magaalada Baledweyne ee Xarunta Gobolka Hiiraan.

12/1/2021 8:00 AM EST
Arbaco, December, 1, 2021 (HOL) - Booliiska Somaliland ayaa magaalada Hargaysa ku xidhay gabadh xukuumada Somaliland ka dalbatay in ay samayso xeer ogolaanaya in dumarku ay suuqa qaawani ku dhex mari karaan.

12/1/2021 7:52 AM EST
Arbaco, December, 1, 2021 (HOL) - Sida ay baahisay Warbaahinta dowladda Itoobiya, dagaallo adag oo ay dawladdu kula jirtay kooxda TPLF, ayaa waxay dowladdu sheegtay inay la wareegtay magaalooyin waawayn oo istiraatiji ah.

12/1/2021 6:53 AM EST
Arbaco, December, 1, 2021 (HOL) - Wareegto kasoo baxday Xafiiska Taliyaha ciidanka Booliiska Soomaaliyeed Jenaraal Cabdi Xasan Maxamed Xijaar ayaa xilka qaadis waxaa lagu sameeyay Taliyahii ciidanka Booliiska degmada Baledweyne, islamarkaan lagu magacaabay Taliye Cusub.

12/1/2021 5:18 AM EST
Arbaco, December, 1, 2021 (HOL) - Haweeney looga shakisan yahay inay xiriir la leedahay kooxda Al-Shabaab ayaa fiidnimadii Talaadadii lagu xiray deegaanka Tinderet, ee gobolka Nandi.

12/1/2021 2:52 AM EST
Arbaco, December, 1, 2021 (HOL) - Guddiga doorashada Soomaaliya ayaa sheegay in ay baaritaanno ku sameynayaan habka loo maray doorashada kursiga golaha shacabka ee tirsiigu yahay 103, oo la ogyahay inuu dacwad kasoo gudbiyay guddoomiyihii hore ee barlamaanka Soomaaliya Prof. Jawaari.

12/1/2021 2:32 AM EST
Arbaco, December, 1, 2021 (HOL) - Madaxweynaha dowlad goboleedka Puntland Siciid Cabdullaahi Deni ayaa sheegay in maamulkiisa ay ka go’an tahay inuu gacanta kusoo celiyo hay’addaha u xiran shaqsiyaadka gaarka ah.

12/1/2021 12:24 AM EST
Arbaco, December, 1, 2021 (HOL) - Wasiirka arrimaha dibada Somaliland D.R Ciise Kayd Maxamuud oo waraysi siiyay BBC Somali, ayaa sheegay in xukuumada Somaliland ay dhex ka tahay arrimaha Itoobiya.