10/18/2021
Today from Hiiraan Online:  _
Wararka Maanta- Isniin, Aug 9 , 2021
Golaha Midowga Musharaxiinta oo ka hadlay khilaafka soo kala dhexgalay Farmaajo iyo Rooble
 

Isniin, Agoosto, 9, 2021 (HOL) - Midowga Musharaxiinta madaxweynaha Soomaaliya ayaa kulan ay ku yeesheen aalada fogaan araga waxay kaga hadleen xaaladahii ugu dambeeyay ee dalka gaar ahaan khilaafka soo kala dhexgalay madaxweyne Maxamed Cabdullaahi Farmaajo iyo Raysal wasaare Maxamed Xuseen Rooble.

Kulanka Midowga Musharaxiinta ayaa la sheegay in lagu lafaguray khilaafka cusub ee soo kala dhexgalay labada masuul ee dalka ugu sareysa iyo saameynta ka dhalan karta, maadama lagu gudajiro waqti xasaasi ah oo dalka wajahayo doorashooyin.

Ridwaan Xirsi oo ka mid ah Golaha Musharaxiinta ayaa sheegay in Midowga ay taageereen go'aankii Raysal wasaare Rooble ee ahaa dardar galinta howlaha doorashooyinka dalka iyo heshiisyada hay'addaha dowladda galayaan gudaha iyo dibadaba.

kulanka Midowga Musharixiinta ayaa sidoo kale waxaa la sheegay iney uga hor yimaadeen doorashadii guddiga garabka Raysal wasaare kuxigeenka Mahdi Guuleed ay isku doorteen magaalada Muqdisho.

Kulanka golaha Musharaxiinta madaxweynaha ayaa imaanaya xili habeen ka hor Madaxweyne Farmaajo uu soo saaray qoraal uu hay’adaha dowladda kaga joojinayo inay heshiisyo galaan, hayeeshee shalay gelinkii dambe Xafiiska Raysal wasaaraha Soomaaliya ayaa kasoo horjeestay qoraalka kasoo baxay madaxweynaha, laguna sheegay in Xukuumadda ay awood u leedahay iney gasho heshiisyo kasto oo aan dalka waxba u dhimeyn.

Jamaal Cali Cabdi, Hiiraan Online
[email protected]












Click here
8/9/2021 11:34 AM EST
Isniin, Agoosto, 9, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble ayaa kulan kala qaatay hoygiisa madaxweynayaashii hore ee dalka Xasan Sheekh Maxamuud iyo Sheekh Shariif Sheekh Axmed.

8/9/2021 9:57 AM EST
Sabti, Agoosto, 7, 2021 (HOL) - Wasaarada caafimaadka Somaliland ayaa gudoontay shixnadii 3aad ee tallaalka Covid-19 ah oo ka kooban 30'000 oo tallaal ah, taasi oo ay ku deeqay dowladda Faransiiska iyada oo soo dhex maraysa Sanduuqa Caalamiga ah ee COVAX sida wasaaradu sheegtay.

8/9/2021 8:08 AM EST
Isniin, Agoosto, 9, 2021 (HOL) - Dagaalamayaasha Al-shabaab ayaa fagaare ku yaala deegaanka Kabsuuma ee gobolka Jubbada hoose ku toogtay sadax ruux oo ay sheegeen iney ka mid ahayeen askar ka tirsan ciidamada dowladda iyo kuwa Jubbaland.

8/9/2021 8:02 AM EST
Isniin, Agoosto, 9, 2021 (HOL) - Wasiirka arrimaha dibadda ee Kenya Raychelle Omamo oo uu weheliyo dhiggeeda Soomaaliya Maxamed Cabdirisaaq Maxamuud ayaa maanta dib u furtay safaaradda Kenya ee Muqdisho ka dib markii la xiray siddeed bilood ka hor sababo la xiriira xiriirka diblomaasiyadeed oo xumaaday.

8/9/2021 2:56 AM EST
Isniin, Agoosto, 9, 2021 (HOL) - Dowladdaha Soomaaliya iyo Kenya ayaa ku heshiiyay in la wanaajiyo xiriirka diblumaasiyadeed ee xumaaday kadib kulan ay ku yeesheen magaalada Muqdisho ee caasimadda Soomaaliya, mas’uuliyiinta labada dal.

8/9/2021 2:49 AM EST
Isniin, Agoosto, 9, 2021 (HOL) - Wasiir ku xigeenkii wasaaradda hawlaha guud iyo gaadiidka maamulka Puntland, Asad Xuseen Xaashi ayaa saakay magaalada Garowe ugu geeriyooday cudurka Covid19, sida ay HOL u sheegeen masuuliyiin katirsan Puntland.

8/9/2021 1:23 AM EST
Isniin, Agoosto, 9, 2021 (HOL) - Wasiirka Wasaaradda Amniga maamul goboleedka Galmudug Axmed Macalin Fiqi ayaa sheegay iney ku howlan yihiin sidii shacabka reer Galmudug ay u heli lahayeen ku noolaashaha xoriyad buuxda.