10/18/2021
Today from Hiiraan Online:  _
Wararka Maanta- Isniin, Aug 9 , 2021
Soomaaliya iyo Kenya oo ku heshiiyay in la hagaajiyo xiriirkii xumaaday ee labada dal

Isniin, Agoosto, 9, 2021 (HOL) - Dowladdaha Soomaaliya iyo Kenya ayaa ku heshiiyay in la wanaajiyo xiriirka diblumaasiyadeed ee xumaaday kadib kulan ay ku yeesheen magaalada Muqdisho ee caasimadda Soomaaliya, mas’uuliyiinta labada dal.

Wafdiga Kenya oo ay hoggaaminayso Wasiirka Arrimaha Dibadda Raychelle Omamo ayaa wadahadallo la yeeshay Ra’iisul Wasaaraha Soomaaliya Maxamed Xuseen Rooble.

Sida lagu sheegay war -saxaafadeed ka soo baxay xafiiska ra’iisul wasaaraha, dowladdaha deriska ah waxay ku heshiiyeen inay xoojiyaan xiriirkooda gaar ahaan dhinacyada diblomaasiyadda, ganacsiga iyo amniga.

Qoraalka ayaa sidoo kale lagu daray in madaxweynaha Kenya Uhuru Kenyatta uu casuumaad u fidiyay ra’iisul wasaaraha Soomaaliya si uu u soo booqdo Nairobi.

Dowladda Soomaaliya ayaa hoosta ka xariiqday in muranka badda ee u dhexeeya labada dal ay go’aamin doonto Maxkamadda Caalamiga ah ee Caddaaladda ee  ICJ, in kasta oo Kenya ay dhowr jeer ka codsatay in xal laga gaaro maxkamadda.

Soomaaliya ayaa xiriirkii diblomaasiyadeed u jartay Kenya bishii December ee sannadkii hore sababo la xiriira sheegashada faragelinta siyaasadeed ee Kenya ay ku haysay arrimaha Soomaaliya, eedeyntaas waxaa beenisay xukuumada Nairobi.

Kenya ayaa ka mid ah waddamada gacan ka geystay howlgalka nabad ilaalinta Midowga Afrika ee Soomaaliya si ay ula dagaallamaan kooxda Al-shabaab.

Abdiweli M. Sheikh, Hiiraan Online












Click here
8/9/2021 11:34 AM EST
Isniin, Agoosto, 9, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble ayaa kulan kala qaatay hoygiisa madaxweynayaashii hore ee dalka Xasan Sheekh Maxamuud iyo Sheekh Shariif Sheekh Axmed.

8/9/2021 9:57 AM EST
Sabti, Agoosto, 7, 2021 (HOL) - Wasaarada caafimaadka Somaliland ayaa gudoontay shixnadii 3aad ee tallaalka Covid-19 ah oo ka kooban 30'000 oo tallaal ah, taasi oo ay ku deeqay dowladda Faransiiska iyada oo soo dhex maraysa Sanduuqa Caalamiga ah ee COVAX sida wasaaradu sheegtay.

8/9/2021 8:08 AM EST
Isniin, Agoosto, 9, 2021 (HOL) - Dagaalamayaasha Al-shabaab ayaa fagaare ku yaala deegaanka Kabsuuma ee gobolka Jubbada hoose ku toogtay sadax ruux oo ay sheegeen iney ka mid ahayeen askar ka tirsan ciidamada dowladda iyo kuwa Jubbaland.

8/9/2021 8:02 AM EST
Isniin, Agoosto, 9, 2021 (HOL) - Wasiirka arrimaha dibadda ee Kenya Raychelle Omamo oo uu weheliyo dhiggeeda Soomaaliya Maxamed Cabdirisaaq Maxamuud ayaa maanta dib u furtay safaaradda Kenya ee Muqdisho ka dib markii la xiray siddeed bilood ka hor sababo la xiriira xiriirka diblomaasiyadeed oo xumaaday.

8/9/2021 3:01 AM EST
Isniin, Agoosto, 9, 2021 (HOL) - Midowga Musharaxiinta madaxweynaha Soomaaliya ayaa kulan ay ku yeesheen aalada fogaan araga waxay kaga hadleen xaaladahii ugu dambeeyay ee dalka gaar ahaan khilaafka soo kala dhexgalay madaxweyne Maxamed Cabdullaahi Farmaajo iyo Raysal wasaare Maxamed Xuseen Rooble.

8/9/2021 2:49 AM EST
Isniin, Agoosto, 9, 2021 (HOL) - Wasiir ku xigeenkii wasaaradda hawlaha guud iyo gaadiidka maamulka Puntland, Asad Xuseen Xaashi ayaa saakay magaalada Garowe ugu geeriyooday cudurka Covid19, sida ay HOL u sheegeen masuuliyiin katirsan Puntland.

8/9/2021 1:23 AM EST
Isniin, Agoosto, 9, 2021 (HOL) - Wasiirka Wasaaradda Amniga maamul goboleedka Galmudug Axmed Macalin Fiqi ayaa sheegay iney ku howlan yihiin sidii shacabka reer Galmudug ay u heli lahayeen ku noolaashaha xoriyad buuxda.