10/19/2021
Today from Hiiraan Online:  _
Wararka Maanta- Axad, Aug 8 , 2021
Xukuumada Somaliland oo ka falcelisay waraysi uu bixiyay guddoomiyaha golaha wakiilada
 

Axad, Agoosto, 8, 2021 (HOL) - Wasiirka gaashaandhiga Somaliland Cabdiqani Maxamuud Caateeye, ayaa beeniyay jawaabo uu bixiyay guddoomiyaha golaha wakiilada Somaliland Cabdirisaaq Khaliif Axmed xili uu waraysi siinayay muuqbaahiyaha Universal.

Wasiir Caateeye ayaa sheegay in loolanka doorashada shirguddoonkii golaha wakiilada ay qolo waliba dhankeeda ka waday isla markaana aanu jirin culays la sheego oo xukuumadu saartay mucaaradka, isagoo ka jawaabaya eedaynta guddoomiye Khaliif ee ahayd in xukuumadu ay awood badan isticmaashay taasina ay keentay in loolanka doorashada shirguddoonku adkaado.

“Waxa la waydiiyay maxa sababay loolankii adkaa ee doorashada golaha, su’aashaa oo uu guddoomiye Cabdirisaaq kaga jawaabay in xukuumada Somaliland ay rabtay dheelintir la’aan saddexda dhadhaar ee dowlada ah, taana waxaanu kaga jawaabaynaa.. waxa qasab ahayd in doorashada shirguddoonka lagu tartamo taasi oo isbahaysiga UCID iyo Kulmiye ugu tartameen si milgo  iyo maamuusleh, manuu jirin adayg fara badan oo la sheego” ayuu yidhi wasiir Caateeye.

“Muu jirin adayg aan kahayn in ragii musharixiinta ahaa mid waliba iskugu geeyay tab iyo xeelad wixii uu hayay siduu uga mid noqon lahaa shirguddoonka golaha wakiilada, guddoomiye Khaliif na aanu u yaraysan ee geed dheer iyo geed gaabanba u fuulay siduu u noqon laha guddoomiyaha golaha wakiilada” ayuu hadalkiisa ku daray wasiir Caateeye.

Wasiirka ayaa sidookale beeniyay in golihii hore ee wakiiladu uu noqday wada muxaafid oo uu howlaha xukuumada fulin jiray  sida uu ku andacooday guddoomiye Khaliif intii lagu guda jiray waraysiga uu Universal siiyay.

“Intii guddoomiye Baashe xilka hayay waxa uu goluhu gaashaanka u daruuray xeerar badan waxaana tusaale inoogu filan, kaabistii iyo wax kabadalkii xeerka booliska, kaabistii iyo wax kabadalkii xeerka duulista iyo hawada, kaabistii iyo wax kabadalkii xeerka tamarta kuwaaso ka yimid fulinta sharci dajintuna kusoo celisay” ayuu yidhi wasiir Caateeye.

Wasiirka ayaa sidookale waxba kama jiraan ku tilmaamay in aqoonyahanka iyo wax garadka gobolka Sool ay Somaliland ka maqanyihiin isagoo soo qaatay  tusaalayaal dad madax dhaqameed iyo wax garad ah oo Somaliland ku sugan.

Wasiirka gaashaandhiga Somaliland Cabdiqani Maxamuud Caateeye oo ku hadlaya afka xukuumada Somaliland, ayaa beeniyay jawaabo uu bixiyay guddoomiyaha golaha wakiilada Somaliland Cabdirisaaq Khaliif Axmed, oo aha in xukuumadu ay awood u isticmaashay doorashadii shirguddoonka, in golihii hore ee wakiiladu muxaafid aha iyo in waxgaradka kasoojeeda gobolka Sool ay Somaliland ka maqanyihiin.

Abdilahi Abdi Rahman, Hiiraan Online
[email protected]












Click here
8/8/2021 4:11 PM EST
Axad, Agoosto, 8, 2021 (HOL) - Puntland ayaa ku boggaadisay Ra'iisul Wasaare Rooble, hogaaminta dalka ee muddada kala guurka ah, hirgelinta doorashada iyo xoojinta xiriirka diblomaasiyadeed ee Soomaaliya la leedahay adduunka.

8/8/2021 3:26 PM EST
Axad, Agoosto, 8, 2021 (HOL) - Dhalinyar gadoodsan ayaa maanta xiray jidka dhex mara magaalada Bambaas ee degaanka Soomaalida, dhalinyartan ayaa ka cadhaysnaa alaab kootarabaan ah oo ay qabteen ciidanka fadaraalku, kuwaas oo ay lahaayeen dad shacab ah.

8/8/2021 11:04 AM EST
Axad, Agoosto, 8, 2021 (HOL) - Raysal Wasaaraha Soomaaliya, Maxamed Xuseen Rooble oo warsaxaafadeed soo saaray ayaa faray dhamaan hay’addaha dawladda in ay si caadi ah u gutaan Waajibaadkooda shaqo si waafaqsan Dastuurka KMG ah.

8/8/2021 9:36 AM EST
Axad, Agoosto, 8, 2021 (HOL) - Madaxweynaha dowlad deegaanka Soomaalida, Mustafe Muxummed Cumar, ayaa tababar usoo xiray ciiddamo maleyshiyo ah oo ka kooban dhammaan gobollada, maamul-magaalooyinka iyo degmooyinka Deegaanka.

8/8/2021 8:52 AM EST
Axad, Agoosto, 8, 2021 (HOL) - Dowladda federalka Soomaaliya ayaa dowladda Faransiiska uga mahad celisay deeq ku saabsan tallaalka Astra/Zeneca oo maanta lagasoo dajiyay magaalada Muqdisho.

8/8/2021 7:29 AM EST
Axad, Agoosto, 8, 2021 (HOL) - Riisul Wasaaraha Soomaaliya Maxamed Xuseen Rooble ayaa xafiiskiisa ku qaabilay Wasiirka Arimaha Dibedda ee dalka Kenya Raychelle Omamo oo maanta soo gaartay Muqdisho.

8/8/2021 5:10 AM EST
Axad, Agoosto, 8, 2021 (HOL) - Wasiirka arrimaha dibedda Kenya Raychelle Omamo ayaa maanta oo axad ah gaartay magaalada Muqdisho ee caasimadda Soomaaliya, taasoo ah safarkeedii ugu horreeyay ee ay ku timaado Soomaaliya.

8/8/2021 4:36 AM EST
Axad, Agoosto, 8, 2021 (HOL) - Waxaa goordhaw magaalada Muqdisho soo gaaray wafdi ay hoggaamineyso wasiirka arrimaha Dibadda dalka Kenya Raychelle Omamo oo si weyn loogu soo dhaweeyay Muqdisho.

8/8/2021 12:52 AM EST
Axad, Agoosto, 8, 2021 (HOL) - Warar dheeraad ah ayaa kasoo baxaya dagaal geystay khasaare isugu jira dhimasho iyo dhaawac oo dhexmaray ciidamada dowladda Soomaaliya iyo kuwa Al-shabaab.