10/19/2021
Today from Hiiraan Online:  _
Wararka Maanta- Sabti, Aug 7 , 2021
Guddiga doorashada garabka guddoomiye Cabdi Xaashi oo goordhaw doortay guddoomiye iyo ku xigeenkiisa
 

Sabti, Agoosto, 7, 2021 (HOL) - Waxaa goordhaw guddoomiye iyo guddoomiye ku xigeen iska dhex doortay guddiga doorashooyinka gobolada Waqooyi garabka guddoomiye Cabdi Xaashi, xili maanta guddiga doorashooyinka garab Raysal wasaare ku xigeenka dalka Mahdi Guuleed ay doorteen guddoon cusub.

Guddiga doorashooyinka garabka guddoomiye Cabdi Xaashi ayaa guddoomiye waxay u doorteen Suleyman Ceydiid Cismaan, waxaana guddoomiye ku xigeenka ay u doorteen Cabdishakuur Abiib Hayir.

Doorashadaan ayaa noqoneysa midii labaad oo maanta ka dhacda magaalada Muqdisho waxayna kusoo beegmeysa xili doorashadii garabka Mahadi Guuleed maanta ay qabsadeen uu taageeray Raysal wasaaraha Soomaaliya Maxamed Xuseen Rooble.

Labada guddoon ee maanta markale ay kala doorteen xubnaha guddiga doorashooyinka gobolada Waqooyi ee kala taabacsan guddoomiye Cabdi Xaashi iyo Raysal wasaare ku xigeenka Mahdi Guuleed ayaa noqoneysa mid sii adkeyneysa khilaafka ka taagan doorashada kuraasta gobolada Waqooyi ee Somaliland.

Jamaal Cali Cabdi, Hiiraan Online
[email protected]












Click here
8/7/2021 3:28 PM EST
Sabti, Agoosto, 7, 2021 (HOL) - Madaxweynaha Soomaaliya Maxamed Cabdullaahi Farmaajo, ayaa wareegto caawa kasoo baxday xafiiskiisa waxaa hay’adaha Dowladda looga joojiyay in ay galaan heshiis ama is af-garad kasta oo taabanaya siyaasadda, dhaqaalaha iyo amniga dalka.

8/7/2021 11:51 AM EST
Sabti, Agoosto, 7, 2021 (HOL) - Cabdirisaaq Khaliif Axmed oo dhawaan loo doortay guddoomiyaha golaha wakiilada Somaliland ee dhawaan la doortay iyo ku xigeenadiisa Siciid Mirre Faarax iyo Cali Xaamud Jibriil, ayaa maanta si rasmi ah ula wareegay xilka shirguddoonka golaha wakiilada.

8/7/2021 8:29 AM EST
Sabti, Agoosto, 7, 2021 (HOL) - Raysal wasaaraha Xukuumadda Soomaaliya Maxamed Xuseen Rooble ayaa si deg deg ah ugu hambalyeey xubnaha is doortay ee guddiga doorashada gobolada Waqooyi ee garabka Mahdi Guuleed.

8/7/2021 7:39 AM EST
Sabti, Agoosto, 7, 2021 (HOL) - Khadar Xariir Axmed ayaa loo doortay guddoomiyaha guddiga doorashada wakiillada gobolada waqooyi (Somaliland) u matalaya labada aqal ee barlamaanka Soomaaliya.

8/7/2021 2:34 AM EST
Sabti, Agoosto, 7, 2021 (HOL) - Dowladda Soomaaliya ayaa si rasmi ah u diiday talooyinka Midowga Afrika ee ku aaddan in la dhimo ciiddamada nabad-ilaalinta ee AMISOM, iyadoo ku tilmaamtay warbixinta talo-soo jeedinta mid xaqiiqda ka fog.

8/7/2021 2:02 AM EST
Sabti, Agoosto, 7, 2021 (HOL) - Wasaaradda arrimaha dibedda Maraykanka ayaa ku dhawaaqday inay Liiska argagixisadda caalamka ku dartay labo xubnood oo ka tirsan kooxda Alshabaab.

8/7/2021 1:44 AM EST
Sabti, Agoosto, 7, 2021 (HOL) - Guddoomiyaha xisbiga UCID Faysal Cali Waraabe, ayaa waali iyo layaab ku sifeeyay doorashooyinka dowlada Somaaliya gadhwadeenka ka tahay ee dadka reer Somaliland loogu qabanayo magaalada Muqdisho.