10/23/2021
Today from Hiiraan Online:  _
Wararka Maanta- Sabti, Aug 7 , 2021
Guddiga doorashada wakiiladda gobolada waqooyi ee Somaliland oo doortay shir gudoon

Sabti, Agoosto, 7, 2021 (HOL) - Khadar Xariir Axmed ayaa loo doortay guddoomiyaha guddiga doorashada wakiillada gobolada waqooyi ee Somaliland u matalaya labada aqal ee barlamaanka Soomaaliya.

Musharax Maxamed Cabdilaahi oo xilkaan kula tartamayay ayaa tanaasulay, waxaana khadar Xuseen Xariir uu helay 7 cod. Natiijada Doorashada Waxaa ku dhawaaqay gudoomiyaha Guddiga hirgelinta doorashooyinka Maxamed Xasan Ciro.

Doorashada waxaa ka qeyb qaatay todobo xubnood oo katirsan guddigan, waxaan ka maqnaa afar xubnood oo ka socday garabka guddoomiye Cabdi Xaashi, kuwaas oo xalay sii sheegay in aysan kaga qeyb gali doonin doorashada maanta.

Khadar Xariir Axmed ayaa horey u ahaa guddoomiyihii guddiga doorashada garabka raysal wasaare ku xigeenka Mahdi Guuleed, ka hor inta uusan raysal wasaaruhu laalin doorashadii lagu doortay.

Dhinaca kale, Nagiib Xuseen Samaale ayaa loo doortay gudoomiye ku xigeenka guddiga doorashada, kadib markii 6 cod kaga guulaystay Amal Mustafe Muuse oo heshay hal cod.

Golaha Siyaasadda Somaliland ayaa horay ugu gacan sayray doorashadan. War-saxaafadeed ay soo saareen waxay ku sheegeen inaanu jirin heshiis laga gaaray khilaafyadii taagnaa, waxayna ku eedeeyeen ra'iisul wasaaraha in uusan la iman wax hindise xal ah.

Guddoomiye Cabdi Xaashi iyo siyaasiyiin ku mowqifka ah ayaa lagu wadaa in ay mar dhow soo saaraan war-saxaafadeed ay kaga hadlayaan doorashada maanta ka dhacday xerada Afisyoone iyo sababta ay u diideen baaqyadii loo jeediyay.

Abdiweli M. Sheikh, Hiiraan Online












Click here
8/7/2021 3:28 PM EST
Sabti, Agoosto, 7, 2021 (HOL) - Madaxweynaha Soomaaliya Maxamed Cabdullaahi Farmaajo, ayaa wareegto caawa kasoo baxday xafiiskiisa waxaa hay’adaha Dowladda looga joojiyay in ay galaan heshiis ama is af-garad kasta oo taabanaya siyaasadda, dhaqaalaha iyo amniga dalka.

8/7/2021 12:23 PM EST
Sabti, Agoosto, 7, 2021 (HOL) - Waxaa goordhaw guddoomiye iyo guddoomiye ku xigeen iska dhex doortay guddiga doorashooyinka gobolada Waqooyi garabka guddoomiye Cabdi Xaashi, xili maanta guddiga doorashooyinka garab Raysal wasaare ku xigeenka dalka Mahdi Guuleed ay doorteen guddoon cusub.

8/7/2021 11:51 AM EST
Sabti, Agoosto, 7, 2021 (HOL) - Cabdirisaaq Khaliif Axmed oo dhawaan loo doortay guddoomiyaha golaha wakiilada Somaliland ee dhawaan la doortay iyo ku xigeenadiisa Siciid Mirre Faarax iyo Cali Xaamud Jibriil, ayaa maanta si rasmi ah ula wareegay xilka shirguddoonka golaha wakiilada.

8/7/2021 8:29 AM EST
Sabti, Agoosto, 7, 2021 (HOL) - Raysal wasaaraha Xukuumadda Soomaaliya Maxamed Xuseen Rooble ayaa si deg deg ah ugu hambalyeey xubnaha is doortay ee guddiga doorashada gobolada Waqooyi ee garabka Mahdi Guuleed.

8/7/2021 2:34 AM EST
Sabti, Agoosto, 7, 2021 (HOL) - Dowladda Soomaaliya ayaa si rasmi ah u diiday talooyinka Midowga Afrika ee ku aaddan in la dhimo ciiddamada nabad-ilaalinta ee AMISOM, iyadoo ku tilmaamtay warbixinta talo-soo jeedinta mid xaqiiqda ka fog.

8/7/2021 2:02 AM EST
Sabti, Agoosto, 7, 2021 (HOL) - Wasaaradda arrimaha dibedda Maraykanka ayaa ku dhawaaqday inay Liiska argagixisadda caalamka ku dartay labo xubnood oo ka tirsan kooxda Alshabaab.

8/7/2021 1:44 AM EST
Sabti, Agoosto, 7, 2021 (HOL) - Guddoomiyaha xisbiga UCID Faysal Cali Waraabe, ayaa waali iyo layaab ku sifeeyay doorashooyinka dowlada Somaaliya gadhwadeenka ka tahay ee dadka reer Somaliland loogu qabanayo magaalada Muqdisho.