10/19/2021
Today from Hiiraan Online:  _
Wararka Maanta- Sabti, Aug 7 , 2021
Dowladda Soomaaliya oo diiday qorshe midowga Afrika uu ku dhimayo ciiddamada AMISOM
 

Sabti, Agoosto, 7, 2021 (HOL) - Dowladda Soomaaliya ayaa si rasmi ah u diiday talooyinka Midowga Afrika ee ku aaddan in la dhimo ciiddamada nabad-ilaalinta ee AMISOM, iyadoo ku tilmaamtay warbixinta talo-soo jeedinta mid xaqiiqda ka fog.

Wasiirka arrimaha dibadda Soomaaliya, Maxamed Cabdirisaaq Maxamuud ayaa sheegay khubarada sameeyay talo-soojeedinta in aysan la tashan dowladda, isagoo sheegay in dowladdu ay Midowga Afrika ku wargelisay mowqifkeeda toddobaadkii hore.

"Warbixinta iyo xulashooyinka ma aha ikhtiyaarro wanaagsan xilligan." “Khubarada sameeyay qiimeynta si ku filan uma la tashan dowladda federaalka ah ee Soomaaliya,”ayuu yiri wasiirku.

Wasiirka ayaa sheegay in dowladdiisu ay doonayso in ciidamada midowga Afrika ay qaataan kaalmo taageero ah, iyadoo mas’uuliyadda amniga si habboon loogu wareejinayo ciidamada Soomaaliya. Wuxuu ka codsaday AMISOM inay siiso ciidammo guurguura oo ka barbar dagaallama ciidamada Soomaaliya.

Hawlgalka Midowga Afrika ee Soomaaliya AMISOM, ayaa Soomaaliya wuxuu siinayay ciiddamo nabad-ilaalin ah tan iyo bishii Maarso 2007. Ciiddamadaas oo ka kala socda waddamada Uganda, Burundi, Kenya, Ethiopia iyo Djibouti, ayaa tiradooda waxaa lagu sheegay 19,400 oo askari.

Saraakiisha Midowga Afrika (AU), oo ka walaacsan maalgelinta, ayaa isku dayay inay hoos u dhigaan oo ay dib u qaabeeyaan xaaladda ciiddamada nabad ilaalinta, kaddib markii uu yaraaday taageerada dhaqaale ee ay ka helaan caalamka.

Abdiweli M. Sheikh, Hiiraan Online












Click here
8/7/2021 3:28 PM EST
Sabti, Agoosto, 7, 2021 (HOL) - Madaxweynaha Soomaaliya Maxamed Cabdullaahi Farmaajo, ayaa wareegto caawa kasoo baxday xafiiskiisa waxaa hay’adaha Dowladda looga joojiyay in ay galaan heshiis ama is af-garad kasta oo taabanaya siyaasadda, dhaqaalaha iyo amniga dalka.

8/7/2021 12:23 PM EST
Sabti, Agoosto, 7, 2021 (HOL) - Waxaa goordhaw guddoomiye iyo guddoomiye ku xigeen iska dhex doortay guddiga doorashooyinka gobolada Waqooyi garabka guddoomiye Cabdi Xaashi, xili maanta guddiga doorashooyinka garab Raysal wasaare ku xigeenka dalka Mahdi Guuleed ay doorteen guddoon cusub.

8/7/2021 11:51 AM EST
Sabti, Agoosto, 7, 2021 (HOL) - Cabdirisaaq Khaliif Axmed oo dhawaan loo doortay guddoomiyaha golaha wakiilada Somaliland ee dhawaan la doortay iyo ku xigeenadiisa Siciid Mirre Faarax iyo Cali Xaamud Jibriil, ayaa maanta si rasmi ah ula wareegay xilka shirguddoonka golaha wakiilada.

8/7/2021 8:29 AM EST
Sabti, Agoosto, 7, 2021 (HOL) - Raysal wasaaraha Xukuumadda Soomaaliya Maxamed Xuseen Rooble ayaa si deg deg ah ugu hambalyeey xubnaha is doortay ee guddiga doorashada gobolada Waqooyi ee garabka Mahdi Guuleed.

8/7/2021 7:39 AM EST
Sabti, Agoosto, 7, 2021 (HOL) - Khadar Xariir Axmed ayaa loo doortay guddoomiyaha guddiga doorashada wakiillada gobolada waqooyi (Somaliland) u matalaya labada aqal ee barlamaanka Soomaaliya.

8/7/2021 2:02 AM EST
Sabti, Agoosto, 7, 2021 (HOL) - Wasaaradda arrimaha dibedda Maraykanka ayaa ku dhawaaqday inay Liiska argagixisadda caalamka ku dartay labo xubnood oo ka tirsan kooxda Alshabaab.

8/7/2021 1:44 AM EST
Sabti, Agoosto, 7, 2021 (HOL) - Guddoomiyaha xisbiga UCID Faysal Cali Waraabe, ayaa waali iyo layaab ku sifeeyay doorashooyinka dowlada Somaaliya gadhwadeenka ka tahay ee dadka reer Somaliland loogu qabanayo magaalada Muqdisho.