10/18/2021
Today from Hiiraan Online:  _
Wararka Maanta- Khamiis, Aug 5 , 2021
Madaxweynaha Koonfur Galbeed oo digniin culus u diray Musharaxiinta kasoo jeeda Koonfur Galbeed
 

Khamiis, Agoosto, 5, 2021 (HOL) - Madaxweynaha maamulka Koonfur Galbeed Soomaaliya Cabdicasiis Xasan Maxamed Laftagareen ayaa si kulul uga hadlay Musharaxiin uu sheegay iney is hubeynayaan.

Madaxweyne Laftagareen oo ka hadlaayay munaasabad lagu dhiiragalinaayay ciidanada Qalabka sida oo ka dhacday magaalada Baydhabo ayaa sheegay in wali ay hortaalo shaqo badan oo la xariirta xaqiijinta amaanka.

"Qof walba oo reer Koonfur Galbeed ah waxaan kusoo dhaweyneynaa gacmo furan, kan wax dooranaya iyo kan la dooranayo amnigooda anaga ayaa ballan qaadnay, cid walba oo qalqal galinaysa iyo al-Shabaab waa isugu kaaya mid waana ka qabaneynaa," ayuu yiri madaxweyne Laftagareen.

Madaxweynaha Koofur Galbeed ayaa sidoo kale sheegay in cid walba oo isku dayda iney qalqal galiso amaanka ay ula dagaalami doonaan sida Al-shabaab oo kale.

"Mudooyinkaan dambe waxaa soo siyaaday wax la yiraahdo cagojugleyn. Farriin baa laguu keenayaa, waxaa laguu sheegayaa in ninkii hebel ahaa uu soo gatay hub (2 PKM, 3 PKM), wuxuuna yiri, haddii kursigeyga hadal la geliyo tii dheered baa dhaceysa" ayuu yiri madaxweynaha Koonfur Galbeed Laftagareen.

Hadalka madaxweynaha Koonfur Galbeed ayaa imaanaya xili Koofur Galbeed ay ka bilawdeen howlaha doorashooyinka, ay ku sugan yihiin Musharaxiin badan oo doonaya iney kasoo dhex muuqdaan saaxada siyaasadda Soomaaliya sida Xildhibaanada Aqalka Sare iyo Aqalka Hoose ee Baarlamaanka Soomaaliya.



Jamaal Cali Cabdi, Hiiraan Online
[email protected]












Click here
8/5/2021 10:53 AM EST
Khamiis, Agoosto, 5, 2021 (HOL) - Ra’iisul Wasaaraha Soomaaliya Maxamed Xuseen Rooble, oo maanta shir guddoominayay shirka golaha wasiiradda Soomaaliya, ayaa ka warbixiyay kulan uu la yeeshay Madasha Qaran oo ay isku afgarteen in ay ku soo afjaraan arrimaha doorashada aqalka sare asbuuca soo socda.

8/5/2021 10:49 AM EST
Khamiis, Agoosto, 5, 2021 (HOL) - Maxkamada gobolka Maroodijeex, ayaa xukun min 9 sano oo xadhiga ah ku riday 4 eedaysane oo ay ku caddaatey in ay Somaliland soo galiyeen 670 litir oo Khamri ah, sidoo kale gaadhigii ay wateen ayaa lagu riday ganaax 20% qiimihiisa ah.

8/5/2021 9:50 AM EST
Khamiis, Agoosto, 5, 2021 (HOL) - Madaxweynaha Galmudug Axmed Cabdi Kaariye (Qoorqoor), oo magaalada Dhuusomareeb kula kulmay ku xigeenka wakiilka QM ee Soomaaliya, Anita Kiki Gbeho, ayaa codsaday in gargaar la gaarsiiyo dadka ku nool deegaannadii laga xoreeyay Alshabaab.

8/5/2021 3:33 AM EST
Khamiis, Agoosto, 5, 2021 (HOL) - Ra’iisul wasaare ku -xigeenka Soomaaliya Mahdi Maxamed Guuleed ayaa shaaciyay in ay Soomaaliya Qaramada Midoobay u gudbisay qorshaheeda tabarrucaadka Qaran ee waafaqsan heshiiskii Paris ee isbedelka cimilada.

8/5/2021 3:01 AM EST
Khamiis, Agoosto, 5, 2021 (HOL) - Guddoomiyaha barlamaanka Galmudug Dr Maxamed Nuur Gacal, ayaa wax kama jiraan ku tilmaamay cabsida ku aadan in ay jiraan kuraas gaar ah oo loo xiray musharraxiin.

8/5/2021 2:54 AM EST
Khamiis, Agoosto, 5, 2021 (HOL) - Dagaalamayaasha Al-shabaab ayaa fagaaro ku yaala degmada Ceelbuur ee gobolka Galgaduud waxay Shalay galinkii dambe ku dileen nin ay sheegeen inuu aflagaadeeyay Nabi Maxamed Naxariis iyo Nabadgalyo dushiisa ha ahaate.