10/18/2021
Today from Hiiraan Online:  _
Wararka Maanta- Khamiis, Aug 5 , 2021
Maxkamada gobolka Maroodijeex oo xukun ku riday dad Khamri lagu qabtay
 

Khamiis, Agoosto, 5, 2021 (HOL) - Maxkamada gobolka Maroodijeex, ayaa xukun min 9 sano oo xadhiga ah ku riday 4 eedaysane oo ay ku caddaatey in ay Somaliland soo galiyeen 670 litir oo Khamri ah, sidoo kale gaadhigii ay wateen ayaa lagu riday ganaax 20% qiimihiisa ah.

"Xafiiska xeer ilaalinta gobolka Maroodijeex waxa uu maanta maxkamada horkeenay 4 eedaysane kuwaasi oo lagu soo qabtay 670 litir oo Khamri ah, maxkamadu way dhagaysatay waxaana ku caddaatay in ay danbiyada galeen, maxkamadu waxay ku xukuntay midkiiba 9 sano oo xadhig ciqaabeed ah" sarkaal xeer ilaalinta ka tirsan ayaa sida yidhi.

Xukunka lagu riday eedaysanayaashan ayaa noqonayaa kii ugu dheera ee sanadahan lagu rido dad lagu qabtay maandooriye, dhinacale kale ciidamada booliiska Somaliland ayaa dagaal adag kula jira ganacsiga maandooriyaha, waxayna marar kala duwan soo bandhigeen maandooriyaha noocdyadiisa kala duwan oo ay gacanta ku dhigeen.



Abdilahi Abdi Rahman, Hiiraan Online












Click here
8/5/2021 4:42 PM EST
Khamiis, Agoosto, 5, 2021 (HOL) - Madaxweynaha maamulka Koonfur Galbeed Soomaaliya Cabdicasiis Xasan Maxamed Laftagareen ayaa si kulul uga hadlay Musharaxiin uu sheegay iney is hubeynayaan.

8/5/2021 10:53 AM EST
Khamiis, Agoosto, 5, 2021 (HOL) - Ra’iisul Wasaaraha Soomaaliya Maxamed Xuseen Rooble, oo maanta shir guddoominayay shirka golaha wasiiradda Soomaaliya, ayaa ka warbixiyay kulan uu la yeeshay Madasha Qaran oo ay isku afgarteen in ay ku soo afjaraan arrimaha doorashada aqalka sare asbuuca soo socda.

8/5/2021 9:50 AM EST
Khamiis, Agoosto, 5, 2021 (HOL) - Madaxweynaha Galmudug Axmed Cabdi Kaariye (Qoorqoor), oo magaalada Dhuusomareeb kula kulmay ku xigeenka wakiilka QM ee Soomaaliya, Anita Kiki Gbeho, ayaa codsaday in gargaar la gaarsiiyo dadka ku nool deegaannadii laga xoreeyay Alshabaab.

8/5/2021 3:33 AM EST
Khamiis, Agoosto, 5, 2021 (HOL) - Ra’iisul wasaare ku -xigeenka Soomaaliya Mahdi Maxamed Guuleed ayaa shaaciyay in ay Soomaaliya Qaramada Midoobay u gudbisay qorshaheeda tabarrucaadka Qaran ee waafaqsan heshiiskii Paris ee isbedelka cimilada.

8/5/2021 3:01 AM EST
Khamiis, Agoosto, 5, 2021 (HOL) - Guddoomiyaha barlamaanka Galmudug Dr Maxamed Nuur Gacal, ayaa wax kama jiraan ku tilmaamay cabsida ku aadan in ay jiraan kuraas gaar ah oo loo xiray musharraxiin.

8/5/2021 2:54 AM EST
Khamiis, Agoosto, 5, 2021 (HOL) - Dagaalamayaasha Al-shabaab ayaa fagaaro ku yaala degmada Ceelbuur ee gobolka Galgaduud waxay Shalay galinkii dambe ku dileen nin ay sheegeen inuu aflagaadeeyay Nabi Maxamed Naxariis iyo Nabadgalyo dushiisa ha ahaate.