10/19/2021
Today from Hiiraan Online:  _
Wararka Maanta- Khamiis, Aug 5 , 2021
Guddoomiyaha barlamaanka Galmudug oo beeniyay in dad gaar ah loo xiray kuraasta labada aqalka ee barlamaanka
 

Khamiis, Agoosto, 5, 2021 (HOL) - Guddoomiyaha barlamaanka Galmudug Dr Maxamed Nuur Gacal, ayaa wax kama jiraan ku tilmaamay cabsida ku aadan in ay jiraan kuraas gaar ah oo loo xiray musharraxiin.

Guddoomiyaha barlamaanka ayaa sheegay muwaadiniinta Galmudug in ay si xor ah ugu tartami karaan kuraasta labada aqalka ee barlamaanka, wuxuuna sheegay in aysan jirin cid awood u leh oo ka hor istaagi karta arrintaas.

Hadalka Guddoomiyaha barlamaanka Galmudug ayaa yimid xilli madaxweynaha Galmudug laga sugayo inuu soo gudbiyo liiska magacyada musharraxiinta aqalka sare oo ay siyaasiyiin badan oo saamayn ku leh Galmudug isha ku hayaan.

Guddiga amniga doorashada Galmudug ayaa shalay soo saaray awaamiir lagu mamnuucayo in hub lasoo galiyo Galmudug, taasoo ka dambeysay kadib markii siyaasiyiin u sharraxan barlamaanka ay hub iyo ciiddan la galeen Dhuusomareeb.

Cabsi weyn ayaa laga qabaa in khalalaase siyaasadeed aay ka dhashaan doorashooyinka Galmudug, iyadoo Galmudug ay kasoo jeedaan siyaasiyiinta badan oo katirsan mucaaradka dowladda.

Siyaasiyiinta mucaaradka ayaa qaarkood ku eedeeyay in madaxweyne Qoorqoor uu wado qorshe ku aadan in siyaasiyiinta mucaaradka laga reebo tartanka aqalka sare.

Abdiweli M. Sheikh, Hiiraan Online












Click here
8/5/2021 4:42 PM EST
Khamiis, Agoosto, 5, 2021 (HOL) - Madaxweynaha maamulka Koonfur Galbeed Soomaaliya Cabdicasiis Xasan Maxamed Laftagareen ayaa si kulul uga hadlay Musharaxiin uu sheegay iney is hubeynayaan.

8/5/2021 10:53 AM EST
Khamiis, Agoosto, 5, 2021 (HOL) - Ra’iisul Wasaaraha Soomaaliya Maxamed Xuseen Rooble, oo maanta shir guddoominayay shirka golaha wasiiradda Soomaaliya, ayaa ka warbixiyay kulan uu la yeeshay Madasha Qaran oo ay isku afgarteen in ay ku soo afjaraan arrimaha doorashada aqalka sare asbuuca soo socda.

8/5/2021 10:49 AM EST
Khamiis, Agoosto, 5, 2021 (HOL) - Maxkamada gobolka Maroodijeex, ayaa xukun min 9 sano oo xadhiga ah ku riday 4 eedaysane oo ay ku caddaatey in ay Somaliland soo galiyeen 670 litir oo Khamri ah, sidoo kale gaadhigii ay wateen ayaa lagu riday ganaax 20% qiimihiisa ah.

8/5/2021 9:50 AM EST
Khamiis, Agoosto, 5, 2021 (HOL) - Madaxweynaha Galmudug Axmed Cabdi Kaariye (Qoorqoor), oo magaalada Dhuusomareeb kula kulmay ku xigeenka wakiilka QM ee Soomaaliya, Anita Kiki Gbeho, ayaa codsaday in gargaar la gaarsiiyo dadka ku nool deegaannadii laga xoreeyay Alshabaab.

8/5/2021 3:33 AM EST
Khamiis, Agoosto, 5, 2021 (HOL) - Ra’iisul wasaare ku -xigeenka Soomaaliya Mahdi Maxamed Guuleed ayaa shaaciyay in ay Soomaaliya Qaramada Midoobay u gudbisay qorshaheeda tabarrucaadka Qaran ee waafaqsan heshiiskii Paris ee isbedelka cimilada.

8/5/2021 2:54 AM EST
Khamiis, Agoosto, 5, 2021 (HOL) - Dagaalamayaasha Al-shabaab ayaa fagaaro ku yaala degmada Ceelbuur ee gobolka Galgaduud waxay Shalay galinkii dambe ku dileen nin ay sheegeen inuu aflagaadeeyay Nabi Maxamed Naxariis iyo Nabadgalyo dushiisa ha ahaate.