10/26/2021
Today from Hiiraan Online:  _
Wararka Maanta- Isniin, Aug 30, 2021
Qaali Maxamuud Guhaad "Danta waxay igu qasbi doontaa inaan qoriga qaato"
 

Isniin, Agoosto, 30, 2021 (HOL) - Qaali Maxamuud Guhaad oo ah hooyada dhashay Ikraan Tahliil Faarax oo horay uga tirsanaan jirtay hay'adda Nabadsugida qaranka Soomaaliyeed ayaa markale si dareen leh uga hadashay maqnaashaha gabadheeda.

Maamo Qaali ayaa sheegtay in loogu awood sheeganaayo shaarka dowladda madaxda dowladdana ay iska dhaga tireen codsigeeda ku aadana wax ka qabashasda gabadheeda oo nolol iyo geeri midna lagu haynin muddo dheer.

"Shirkadda Isgaarsiinta Hormuud waxay inoo diiday iney nasiiso nambarkii ugu dambeeyay ee soo wacay taleefanka gabadheyda, waxana meeshaas ka cad in Power abuse naloo sheeganayo oo waxba laga qabaneyn dhibaatada nahaysato"ayay tiri Qaali Maxamuud.

waxay sidoo kale sheegtay hooyada dhashay Ikraan in madaxda ugu sareysa dalka ay u dirtay fariimo ay kaga codsaneyso wax ka qabashada dhibaatada ka haysata gabadheeda maqan waxayna sheegtay iney fariimaha ay u dirtay ay arkaan balse aysan kasoo jawaab celinin.

"Madaxweynaha iyo Rasyal wasaaraha waxaa ku ceeb ah iney ka aamusan yihiin kiiska gabadheyda muddo laba bilood ah, madaxweynaha waqtigiisa dhamaaday hadana waxa uu rabaa xil marka sidee lagu doortaa hadii uusan wax ka qabanen gabadha yar ee magaaladdii uu ka talinaayay ku afduuban" ayay tiri Maamo Qaali.

Ugu dambeyntii hooyo Qaali Maxamuud Guhaad ayaa sheegtay hadii arintu sidaan sii ahaato iney iyada qudheeda qaadan doonto qoriga ayna gabadheeda cidna usii xirnaan doonin.



Jamaal Cali Cabdi, Hiiraan Online
[email protected]












Click here
8/30/2021 12:52 PM EST
Isniin, Agoosto, 30, 2021 (HOL) - Wasiirka Warfaafinta Soomaaliya Cismaan Dubbe ayaa hakiyey ijaarka iyo dib u hawl-gelinta maqaaxida Tiyaatarka isaga oo fulinaya amarka kasoo baxay raysal wasaaraha Soomaaliya Maxamed Xuseen Rooble.

8/30/2021 12:49 PM EST
Isniin, Agoosto, 30, 2021 (HOL) - Raysal wasaaraha Xukuumadda Soomaaliya Maxamed Xuseen Rooble ayaa maanta kulan la qaatay Golaha Midowga Musharaxiinta madaxweynaha Soomaaliya.

8/30/2021 9:39 AM EST
Isniin, Agoosto, 30, 2021 (HOL) - Maxkamadda sare ee ciidamada qalabka sida Soomaaliya ayaa maanta oo Isniin ah ku dhawaaqday inay 10 sano oo xabsi ah ku xukuntay sarkaal katirsan kooxda Daacish.

8/30/2021 9:06 AM EST
Isniin, Agoosto, 30, 2021 (HOL) - Guddiga doorashooyinka Puntland (TPEC), ayaa maanta ka hor yimid dalab ka yimid ururada siyaasada Puntlad, kuwaas oo doonaya in dib loo dhigo doorashooyinka dowladdaha hoose ee nidaamka xisbiyada Puntland.

8/30/2021 3:27 AM EST
Isniin, Agoosto, 30, 2021 (HOL) - Madaxweyne ku xigeenka Somaliland Cabdiraxman Cabdillaahi Ismaacil (Saylici), ayaa dhagax dhigay beer lagu tayayn doono dhirta iyo dabeecada, oo laga hirgalinayo deegaanka Geed-deeble ee duleedka waqooyi ee magaalada Hargaysa.

8/30/2021 3:16 AM EST
Isniin, Agoosto, 30, 2021 (HOL) - Madaxweynaha maamul goboleedka Hrshabeelle Cali Guudlaawe oo shalay dib ugu laabtay magaalada Jowhar ee xarunta gobolka Sh/dhexe ayaa sheegay in dhawaan si rasmi ah maamulkiisa u bilaabi doonaan doorashada xubnaha ku matalaya Hirshabeelle Baarlamaanka Aqalka sare ee Soomaaliya.

8/30/2021 2:53 AM EST
Isniin, Agoosto, 30, 2021 (HOL) - Wasiirka Wasaaradda amniga maamul goboleedka Galmudug Axmed Macalin Fiqi ayaa sheegay in maamulada Galmudug iyo Puntland ay isla meel dhigeen iskaashiga sidii loo soo afjari lahaa dagaalamayaasha Al-shabaab ee ku sugan deegaano ka tirsan Koofurta maamulka Galmudug.

8/30/2021 1:59 AM EST
Isniin, Agoosto, 30, 2021 (HOL) - Safaaradda Indonesia ee Nairobi ayaa ku guuleysatay inay dib u soo celiso 12 shaqaale oo u dhashay dalkeeda, kuwaas oo muddo ka badan siddeed bilood ku xayirnaa markab kalluumeysi oo lagu magacaabo Liao Dong Yu oo ku sugnaa xeebaha Puntland.

8/30/2021 1:35 AM EST
Isniin, Agoosto, 30, 2021 (HOL) - Doorashooyinka Puntland ee nidaamka xisbiyada badan ayaa qatar ku jira qabsoomidooda kaddib markii ururrada siyaasada ay dalbadeen in doorashada dib loo dhigo, iyagoo ku sababeeyay in aanay haysan dhaqaalihii ay doorashada ku gali lahayeen.