10/26/2021
Today from Hiiraan Online:  _
Wararka Maanta- Isniin, Aug 30, 2021
Ururrada siyaasada Puntland oo sheegay in aanay haysan dhaqaale ay doorashada ku galaan
 

Isniin, Agoosto, 30, 2021 (HOL) - Doorashooyinka Puntland ee nidaamka xisbiyada badan ayaa qatar ku jira qabsoomidooda kaddib markii ururrada siyaasada ay dalbadeen in doorashada dib loo dhigo, iyagoo ku sababeeyay in aanay haysan dhaqaalihii ay doorashada ku gali lahayeen.

Sida qorshuhu yahay bisha tobnaad, waxaa saddex degmo oo katirsan Puntland lagu waday in ay ka dhacaan doorashooyin tijaabo oo ah kuwa dowladdaha hoose ah, oo ay ururrada siyaasadu ku tartamayaan.

Balse, maalintii shalay ayaa ururrada siyaasadu waxay soo saareen bayaan ay ku caddeynayaan in aanay doorashada gelin karin illaa ay helaan dhaqaalihii ay doorashada ay ku geli lahaayeen oo qeyb kamid ah uu ballanqaaday maamulka Puntland.

Ururrada siyaasadu waxay sidoo kale cudur daar uga dhigeen in ay iskusoo beegmeen doorashooyinka federalka iyo kuwa Puntland, sidaas darteed aanay isku hal mar qabsoomi karin.

Dhinaca kale, dallada bulshada rayidka ah ee Puntland ayaa si adag uga hortimid dalabka ururrada siyaasada ee ah in doorashada dib loo dhigo, waxayna sheegen in dalabkaasi uu dhaawac weyn ku keeni karo dadaalka geeddi-socodka dimuqraadiyadda Puntland.

Dallada waxay sheegtay in aanay jirin sabab u qalmi karta in doorashada dib loo dhigo oo ay ururrada soo bandhigeen, waxayna ka digeen in axsaabta siyaasadu horseed ka noqdeen in la waayo himiladii 23 sano loogu jiray in Puntland laga saaro nidaamka qabaliga.

Madaxtooyada Puntland oo u ballanqaaday ururrada siyaasada in midkiiba bil walba siin doonto lacag $10,000 oo ka caawinaysa ololaha doorashada, ayay ururrada sheegeen in wixii ka dambeeyay bishii ugu horreysay mooyee aysan mar kale lacagtaas soo gaarin.


Abdiweli M. Sheikh, Hiiraan Online












Click here
8/30/2021 12:52 PM EST
Isniin, Agoosto, 30, 2021 (HOL) - Wasiirka Warfaafinta Soomaaliya Cismaan Dubbe ayaa hakiyey ijaarka iyo dib u hawl-gelinta maqaaxida Tiyaatarka isaga oo fulinaya amarka kasoo baxay raysal wasaaraha Soomaaliya Maxamed Xuseen Rooble.

8/30/2021 12:49 PM EST
Isniin, Agoosto, 30, 2021 (HOL) - Raysal wasaaraha Xukuumadda Soomaaliya Maxamed Xuseen Rooble ayaa maanta kulan la qaatay Golaha Midowga Musharaxiinta madaxweynaha Soomaaliya.

8/30/2021 9:52 AM EST
Isniin, Agoosto, 30, 2021 (HOL) - Qaali Maxamuud Guhaad oo ah hooyada dhashay Ikraan Tahliil Faarax oo horay uga tirsanaan jirtay hay'adda Nabadsugida qaranka Soomaaliyeed ayaa markale si dareen leh uga hadashay maqnaashaha gabadheeda.

8/30/2021 9:39 AM EST
Isniin, Agoosto, 30, 2021 (HOL) - Maxkamadda sare ee ciidamada qalabka sida Soomaaliya ayaa maanta oo Isniin ah ku dhawaaqday inay 10 sano oo xabsi ah ku xukuntay sarkaal katirsan kooxda Daacish.

8/30/2021 9:06 AM EST
Isniin, Agoosto, 30, 2021 (HOL) - Guddiga doorashooyinka Puntland (TPEC), ayaa maanta ka hor yimid dalab ka yimid ururada siyaasada Puntlad, kuwaas oo doonaya in dib loo dhigo doorashooyinka dowladdaha hoose ee nidaamka xisbiyada Puntland.

8/30/2021 3:27 AM EST
Isniin, Agoosto, 30, 2021 (HOL) - Madaxweyne ku xigeenka Somaliland Cabdiraxman Cabdillaahi Ismaacil (Saylici), ayaa dhagax dhigay beer lagu tayayn doono dhirta iyo dabeecada, oo laga hirgalinayo deegaanka Geed-deeble ee duleedka waqooyi ee magaalada Hargaysa.

8/30/2021 3:16 AM EST
Isniin, Agoosto, 30, 2021 (HOL) - Madaxweynaha maamul goboleedka Hrshabeelle Cali Guudlaawe oo shalay dib ugu laabtay magaalada Jowhar ee xarunta gobolka Sh/dhexe ayaa sheegay in dhawaan si rasmi ah maamulkiisa u bilaabi doonaan doorashada xubnaha ku matalaya Hirshabeelle Baarlamaanka Aqalka sare ee Soomaaliya.

8/30/2021 2:53 AM EST
Isniin, Agoosto, 30, 2021 (HOL) - Wasiirka Wasaaradda amniga maamul goboleedka Galmudug Axmed Macalin Fiqi ayaa sheegay in maamulada Galmudug iyo Puntland ay isla meel dhigeen iskaashiga sidii loo soo afjari lahaa dagaalamayaasha Al-shabaab ee ku sugan deegaano ka tirsan Koofurta maamulka Galmudug.

8/30/2021 1:59 AM EST
Isniin, Agoosto, 30, 2021 (HOL) - Safaaradda Indonesia ee Nairobi ayaa ku guuleysatay inay dib u soo celiso 12 shaqaale oo u dhashay dalkeeda, kuwaas oo muddo ka badan siddeed bilood ku xayirnaa markab kalluumeysi oo lagu magacaabo Liao Dong Yu oo ku sugnaa xeebaha Puntland.