10/26/2021
Today from Hiiraan Online:  _
Wararka Maanta- Axad, Aug 29, 2021
Soomaali tahriibayaal ah oo ka tagay Turkey oo ku go'doonsan xuduuda Belarus iyo Lithuania
 

Axad, Agoosto, 29, 2021 (HOL) - 40 qof oo Soomaali ah oo tahriibayaal ah ayaa lagusoo waramayaa in ay muddo Toddobo cishe ah ku xaniban yihiin inta u dhaxeysa dalalka Belarus iyo Lithuania, iyagoo loo diiday in ay safarkooda sii wataan.

Soomaalidan oo markii hore ka tagay dalka Turkiga, ayaa doonayay inay tahriib ku galaan dalalka kale ee Yurub.

Ciidamada ilaalada xuduuda ee dalka Belarus ayaa ka jeex jeexay dhammaan dukumintiyadii ay ku safrayeen.

Qaar kamid ah oo warbaahinta la hadlay, ayaa sheegay safarka in ay qeyb ka yihiin carruur iyo dad waayeel ah islamarkaana ay wajaheen dhibaatooyin is biirsaday una baahan yihiin caawimaad.

Waxay sheegeen in labo gabdhood oo kamid ahaa ay geeriyoodeen kaddib markii iyagoo ka cararaya ciidamada Belarus ay ku dhaceen webi.

“Toddobo maalin waxaan joognaa meel aan qorrax ka jirin oo baraf iyo roob uu ka da’ayo. Meel aan u gudubno ma hayno. Ciidamada Belarus waxay nagu dhaheen haddaad noosoo gaashaan, waan idin dilaynaa,” ayuu yiri Xasan Cabdi oo kamid ah Soomaalida ku go’doonsan xuduuda labada dal.

Soomaali farabadan ayaa sanadihii dambe kusii qul qulayay qaar kamid ah dalalka Yurub, waxaana qaarkood ay la kulmaan dhibaatooyin ay kamid yihiin dil iyo dhibaatooyin kala duwan.

Abdiweli M. Sheikh, Hiiraan Online












Click here
8/29/2021 10:56 AM EST
Axad, Agoosto, 29, 2021 (HOL) - Wasaarada Horumarinta Caafimaadka Somaliland, ayaa sheegtay in 5 qof ay gudaha Somaliland ugu dhinteen caabuqa Covid-19 oo mar kale soo laba kacleeyay.

8/29/2021 8:30 AM EST
Axad, Agoosto, 29, 2021 (HOL) - Dagaal ka bilaabmay duleedka birta dheer ayaa wararka laga helayaa ay sheegayaan in qasaare badani halkaa uu ka dhashay, oo dhimasho, dhaawac iyo dad la qafaasheyba ay ka dheceen.

8/29/2021 8:17 AM EST
Axad, Agoosto, 29, 2021 (HOL) - Puntland ayaa maanta hub iyo gaadiid dagaal ku wareejisay maamulka Galmudug oo dagaal xooggan kula jira ururka Alshabab, dagaalkaas oo ka socda deegaannada koonfurta Mudug.

8/29/2021 7:24 AM EST
Axad, Agoosto, 29, 2021 (HOL) - Taliyahii hore ee hay'adda Nabadsugida iyo Sirdoonka Qaranka Soomaaliya Cabdullaahi Maxamed Cali Sanbaloolshe ayaa si faahfaahsan uga hadlay baajinta xiisadii magaalada Baledweyne ka taagneyd iyo heshiis hordhac ah oo laga gaaray arintaasi.

8/29/2021 3:05 AM EST
Axad, Agoosto, 29, 2021 (HOL) - Taliyaha ciidanka Booliska Soomaaliya, Cabdi Xasan Maxamed (Xijaar) ayaa dalka Turkiga tababar ugu soo xiray 49-gabdhood oo ka tirsan Ciidanka Booliska gaarka ah ee Haramacad oo tababar loogu qaaday dalka Turkiga.

8/29/2021 2:18 AM EST
Axad, Agoosto, 29, 2021 (HOL) - Xukuumada Somaliland ayaa warar aan rasmi ahayn ku tilmaantay wararka sheegaya, in Somaliland ay qaabilayso qoxooti reer Afghanistan ah sida ay baahisay wakaalada wararka ee AFP.

8/29/2021 1:49 AM EST
Axad, Agoosto, 29, 2021 (HOL) - Warar dheeraad ah ayaa kasoo baxaya dagaal dhexmaray ciidamada Koofur Galbeed iyo kuwa Al-shabaab oo ka dhacay degmada Qansaxdheere ee gobolka Baay.