10/18/2021
Today from Hiiraan Online:  _
Wararka Maanta- Sabti, Aug 28, 2021
Somaliland : Ciidamo u daatay guriga Cabdimaalik Muuse Coldoon
 

Sabti, Agoosto, 28, 2021 (HOL) - Ciidamo ka tirsan Booliiska Somaliland ee magaalada Burco, ayaa saaka subixi u daatay guriga Cabdimaalik Muuse Coldoon, ee magaalada Burco, waxayna guriga ku sameeyeen baadhis.

"Saaka salaadi subax anaga oo ku jirna ayay ciidamo RRU iyo booliis iskugu jiraa korka nooga soo daateen, albaabka ayay si khasab ah noogu soo jabiyeen, ciyaalkii bay kala tuur tuureen, guriga oo dhan ayay baadheen, gurigii oodhan ayay rogeen" sida waxa warbaahinta u sheegtay Kowsar Abokor Axmed oo ka tirsan qoyska Coldoon.

"Guriga waxa joognay aniga, xaaska Cabdimaalik iyo labada ciyaala, marka maxay tahay sababta waxan oodhan loo samaynayo ee argagixisada loo galinayo ciyaalka?, anaga oo salaadi ku jirna ayaa guriga dhakada nalooga soo daatay halmar uun baanu aragnay iyada oo askartii guriga dhex yaacayso" ayay Kowsar hadalkeeda ku dartay.

Coldoon, ayaa Ciidamada Booliiska Somaliland, ka xidheen xafiiskiisa shaqada ee magaalada Burco, 19 bishan, isla markaana Maxkamada Gobolka Maroodijeex, ayaa todobaad xabsi kusii hayn ah u jartay Isniintii lasoo dhaafay.

Coldoon ayaa loo badinayaa in loo xidhay qoraalo uu ku sheegay in dhaqamo aan diinta Islaanka waafaq sanayn lagu faafiyo ardayda wax ka barata dugsiyada Shabakada Abaarso. Waalidiinta ardayda Abaarso ayaa dhankooda sheegay in ay maxakamad la tiigsanayaan Coldoon, hase yeeshee wali xukuumada Somaliland may caddayn eedaha rasmiga ah ee loo haysto.

Abdilahi Abdirahman Mohamed , Hiiraan Online.
[email protected]












Click here
8/28/2021 12:37 PM EST
Sabti, Agoosto, 28, 2021 (HOL) - Mudo 48 saacadood ah oo kulamo wadatashi ah oo xal loogu raadinayay xiisad ka taagneyd magaalada Baledweyne mudo todobaad ah ayaa galinkii dambe ee maanta heshiis hordhac ah laga gaaray.

8/28/2021 10:37 AM EST
Sabti, Agoosto, 28, 2021 (HOL) - Ciidanka Booliiska Somaliland, ayaa ku guulaystay in ay gacanta ku dhigaan khamri tiradiisu dhantahay 805 litir, ciidanka ayaa sidookale gacanta ku dhigay qayb kamid ah dadkii siday iyo baabuurtoodi.

8/28/2021 3:43 AM EST
Sabti, Agoosto, 28, 2021 (HOL) - Somaliland ayaa si ku meel gaadha ciideeda u dajinaysa tiro qoxooti reer Afghanistan ah, oo dowlada Maraykanku kasoo daad guraysay dalka Afghanistan kadib markii kooxda Taliban la wareegtay dalka.

8/28/2021 3:37 AM EST
Sabti, Agoosto, 28, 2021 (HOL) - Maraykanka ayaa duqeyn xagga cirka ah ku dilay madaxii Daacish ee qorsheeyay weerarkii ismiidaaminta ahaa ee khamiistii ka dhacay meel ku dhow garoonka diyaaradaha ee magaalada Kabul ee caasimadda Afghanistan.

8/28/2021 3:29 AM EST
Sabti, Agoosto, 28, 2021 (HOL) - Taliyayaasha militariga ee Howlgalka Midowga Afrika ee Soomaaliya (AMISOM) ayaa isku raacay in la dardargeliyo dhaqangelinta howlgallada wadajirka ah ee ay la leeyihiin Ciidanka Xoogga Dalka Soomaaliyeed (SNA), si kor loogu qaado amniga doorashada iyo u diyaar garowga howlgalka AMISOM ee 2021.

8/28/2021 2:43 AM EST
Sabti, Agoosto, 28, 2021 (HOL) - Uganda ayaa sheegtay Jimcihii inay fashiliyeen weerar ismiidaamin ah oo lala beegsan lahaa aas qaran oo loo sameeynayay taliye sare oo katirsanaan jiray AMISOM oo hogaaminayay weerarkii Al-Shabaab looga saaray Muqdisho sannadkii 2011.

8/28/2021 2:17 AM EST
Sabti, Agoosto, 28, 2021 (HOL) - Puntland iyo dowlad deegaanka Soomaalida Itoobiya ayaa shir ay yeesheen waxay heshiis kaga gaareen arrimaha amniga iyo ganacsiga, sida lagu sheegay war murtiyeed kasoo baxay shirkaas oo ka dhacay degmada Galdogob ee gobolka Mudug.

8/28/2021 1:17 AM EST
Sabti, Agoosto, 28, 2021 (HOL) - Ciyaar adag oo ka tirsan horyaalka Ingiriiska ee Premier League-ga ayaa maanta oo Sabti ah waxay ku dhex mari doontaa garoonka Anfield, kooxaha Liverpool iyo Chelsea oo labadii kulan ay horay u soo ciyaareen soo wada badiyay.