10/21/2021
Today from Hiiraan Online:  _
Wararka Maanta- Khamiis, Aug 26, 2021
Alshabaab oo sheegay in ay dib ula wareegeen deegaannada Bacaadweyne iyo Camaara
 

Khamiis, Agoosto, 26, 2021 (HOL) - Kooxda Alshabaab ayaa dib ula wareegtay deegaannada Bacaadweyne, Camaara iyo Qeycad ee koonfurta gobolka Mudug, sida lagu sheegay warar lagu faafiyay baraha internetka ee faafiya wararka Alshabaab.

Alshabab waxay sheegeeen ciiddamadii halkaas ku sugnaa in ay isaga baxeen, kadib weerarkii labo maalin ka hor ay ku qaadeen magaalada Camaara, halkaas oo ay ku qabsadeen gaadiid dagaal iyo hub tiro badan.

illaa iyo hadda wax war ah kama soo bixin maamulka Galmudug oo ku saabsan dib ugurashada ay sameeyeen ciidamadooda iyadoo la ogaa in maalmihii lasoo dhaafay uu guulo ka sheeganayeen dagaalladii ka socday koonfurta Mudug.

“Deegaannada Bacaadweyne, Camaara, Qeycad iyo Shabeelloow ayaa dib looga suray calanka Towxiidka kadib markii ay halkaas isaga firxadeen maleeshiyaadka Mareykanku tababaray ee Bangaraafta loo yaqaan iyo ciidamada maamulka Galmudug" ayaa lagu yiri qoraal lagu daabacay mid kamid ah website-yada afka dheer ee lagu faafiyo wararka Alshabaab.

Ma jiraan warar ka madax bannaan Alshabaab oo xaqiijinaya in ciidamada Galmudug iyo kuwa xoogga isaga baxeen Camaara iyo Bacaadweyne, inkastoo xogo la helayo ay ku waramayaan in ciidamada xooggooda gaareen degmada Wisil.

Abdiweli M. Sheikh, Hiiraan Online












Click here
8/26/2021 8:46 AM EST
Khamiis, Agoosto, 26, 2021 (HOL) - Munaasibad loo qabtay difcadii 14aad ee ka qalinjebiya jaamacad Nugaal ayaa ka dhacday xarunteeda magaalada Laascaanood ee gobolka Sool.

8/26/2021 8:32 AM EST
Khamiis, Agoosto, 26, 2021 (HOL) - Warbixin laga soo saaray shirkii 78aad ee golah wasiirada Somaliland, oo uu shirguddoominayay madaxweynaha Somaliland, ayaa lagu sheegay in xukuumada Somaliland ay 20% kordhinayso mushaarka ciidamada.

8/26/2021 8:24 AM EST
Khamiis, Agoosto, 26, 2021 (HOL) - Wararka haatan ka imaanaya magaalada Baledweyne ee xarunta gobolka Hiiraan ayaa sheegaya in halkaasi xiisad dagaal oo u dhaxeysa ciidamada Badbaado Hiiraan iyo kuwa Hirshabeelle ay ka taagan tahay xarunta maamulka gobolka Hiiraan yo xerada lamagalaay.

8/26/2021 8:16 AM EST
Khamiis, Agoosto, 26, 2021 (HOL) - Tan iyo intii degaanka uu ka hanaqaaday isbaddalku, waxaa degaanka dib ugu soo noqonayay qurba joogtii degaanka u dhalatay iyo dadkii iyaguna degaanka u dhashay ee ka baxay dalka wakhtigii ay xukuumaddii hore jirtay.

8/26/2021 5:36 AM EST
Khamiis, Agoosto, 26, 2021 (HOL) - Dowlad goboleedka Soomaaliyeed ee Jubbaland ayaa soo saartay amaro lagu mamnuucaayo in hubka lagu dhex qaato magaalada Kismaayo ee xarunta kumeel gaarka u ah maamulka Jubbaland.

8/26/2021 5:33 AM EST
Khamiis, Agoosto, 26, 2021 (HOL) - Faahfaahino dheeraad ah ayaa kasoo baxaya dagaalo culus oo ka dhacay deegaanada Hosingoow iyo Kudhaa ee gobolka Jubbada Hoose oo u dhaxeeyay ciidamada Kenya iyo kuwa Al-shabaab.

8/26/2021 4:08 AM EST
Khamiis, Agoosto, 26, 2021 (HOL) - Dowladda Kenya ayaa shaacisay in ay horraanta bisha soo socota Soomaaliya usoo dirayso 1,846 askari oo ku biiraya ciidamada AMISOM ee nabad ilaalinta u jooga Soomaaliya.