10/18/2021
Today from Hiiraan Online:  _
Wararka Maanta- Arbaco, Aug 25, 2021
Somaliland oo xabsiga kasii daysay rag muddo dheer u xidhnaa argagixiso-nimo
 

Arbaco, Agoosto, 25, 2021 (HOL) - Xukuumada Somaliland ayaa xabsiga kasii daysay 5 nin oo falal argagixiso ugu xidhnaa Xabsiga Dhexe ee Hargaysa, kuwaasi oo qaarkood muddo 20 sano ku dhaw xabsiga ku jireen.

Raga lasiidaayay ayaa waxa kamid ah Cabdiraxman Indha-cadde, Daa'uud Salax Iidle, Jaamac Kuutiye iyo Cabdiraxman Diyo oo lagu helay in ay ka danbeeyeen dilal khaarajin ah, oo sanadkii 2003 lagu dilay gabadh Talyaani ah oo kalkaliso caafimaad ka ahayd Isbitaalka Boorama, iyo macalimiin ajinabi ahaa oo wax ka dhigi jiray dugsiga Sos ee magaalada Sheekh.

"Aad baan ugu mahad celinayaa dadkii soodayn tayda ka qayb qaatay, waxan xidhnaa 17 sano, cafis madaxweyne ayaan kusoo baxay, saddex nin oo saxibaday ka mid ah ayaa xoriyadooda helay" Cabdiraxman Indha-cadde ayaa sida Somali Cable u sheegay.

Waxa kale oo lasii daayay Cabdillaahi Maxamuud Yusuf oo muddo 3 sano iyo 7 bilood ah xabsiga ugu jiray danbiyo la xidhiidha in uu ku lug leeyahay ururka Daacish, ee ka dagaalama gobolo adduunka kamid oo Soomaaliya ku jirto. Yusuf ayaa madaxweynaha uga mahad celiyay soo dayntiisa.

"Marka hore Alle ayaa mahada iskaleh, waxa kaloon u mahad celinayaa madaxweynaha Somaliland Muuse Biixi Cabdi, aad iyo aad ayaad u mahadsantahay ayaan ku leeyahay mudane madaxweyne, raganimo ayaad na tustay ayaanu ku leenahay, Soomaalina tusaale ayaad u noqonaysa " ayuu Cabdillaahi Maxamuud Yuusuf ayaa sida Somali Cable u sheegay.

4 kamid ah raga maanta lasii daayay ayaa xabsiga la dhigay wakhtigii madaxweyne Daahir Riyaale Kaahin halka ninka 5aad na la xidhay sanadkii 2017.

Abdilahi Abdirahman Mohamed, Hiiraan Online
[email protected]













Click here
8/25/2021 2:59 PM EST
Arbaco, Agoosto, 25, 2021 (HOL) - Beesha caalamka ayaa war-saxafaadeed ay soo saartay waxay madasha wadatashiga ugu baaqeen baaqday in ay wax ka qabtaan walaaca laga keenay hanaanka doorashada Aqalka sare si loo taageero hanaan doorasho oo lagu kalsoonaan karo .

8/25/2021 2:10 PM EST
Arbaco, Agoosto, 25, 2021 (HOL) - Shan qof oo ay ku jiraan saddex askari oo boolis ah, hal qof oo rayid ah ayaa ku geeriyooday toogasho maalinimadii shalay ka dhacday meel u dhow Safaaradda Faransiiska ee aadka loo ilaaliyo ammaankeeda ee magaalada Daru-salaam. (Tanzania)

8/25/2021 1:51 PM EST
Arbaco, Agoosto, 25, 2021 (HOL) - Guddoomiyaha xisbiga UCID Faysal Cali Waraabe, ayaa duulaan horumarka Somaliland ka dhan ah ku til maamay eedaha loo jeedinayo dugsiyada Shabakada Abaarso, ee ah in macalimiinta Shabakada Abaarso ay diinta Masiixiga faafiyaan.

8/25/2021 1:17 PM EST
Arbaco, Agoosto, 25, 2021 (HOL) - Kooxda Alshabab ayaa soo bandhigtay hub iyo gaadiid dagaal oo sheegeen in ay ku furteen dagaalkii shalay waaberigii ay kusoo qaadeen magaalada Camaara ee koonfurta Mudug.

8/25/2021 6:58 AM EST
Arbaco, Agoosto, 25, 2021 (HOL) - Maraykanka ayaa sheegay isagoo kaashanaya Dowladda Federaalka Soomaaliya, inuu qaaday weerar duqayn ah oo is-difaac ah ka dhan ah dagaalamayaasha al-Shabaab, kuwaas oo shalay weerar kusoo qaaday deegaanka Camaara

8/25/2021 6:23 AM EST
Arbaco, Agoosto, 25, 2021 (HOL) - Xildhibaannada Golaha Wakiilada Somaliland, ayaa cod gacan taag ah ku ansixiyey xeer-hoosaadka golaha oo wax ka badal iyo kaabis lagu sameeyay, kadib markii qabyo badani kasoo baxday xeer-hoosaadkii golihii hore ku shaqayn jirey.

8/25/2021 6:10 AM EST
Arbaco, Agoosto, 25, 2021 (HOL) - Dowladda Soomaaliya iyo Midowga Afrika ayaa ku heshiiyay qaab -dhismeed dib loogu shaqeynayo waajibaadka iyo hawlgallada AMISOM wixii ka dambeeya dhammaadka sannadkan 2021.

8/25/2021 5:09 AM EST
Arbaco, Agoosto, 25, 2021 (HOL) - Hanti dhowrka guud ee Punland ayaa shaqo joojin ku sameeyay masuuliyiin loo haysto in ay ku kaceen musuq maasuq iyo wax isdaba marin, sida lagu sheegay qoraal rasmi ah oo soo baxay xalay.

8/25/2021 4:01 AM EST
Arbaco, Agoosto, 25, 2021 (HOL) - Wararka ka imaanaya deegaanka Camaara ee gobolka Mudug ayaa sheegaya in saaka ay xaalada deegaanka tahay mid degan, kadib dagaalo qaraar oo ay barbar socdeen qaraxyo oo shalay halkaasi ku qaadeen Al-shabaab.