10/18/2021
Today from Hiiraan Online:  _
Wararka Maanta- Talaado, Aug 24, 2021
Dowladda Degaanka Soomaalida oo awaamir hor leh kasoo saartay dhanka sugidda amniga degaanka
 

Talaado, Agoosto, 24, 2021 (HOL) - Kulan uu hoggaaminayay Madaxwayne Mustafe cagjar islamarkaana ay kasoo qayb galeen laamaha amniga ee degaanka ayaa waxaa uu ka qabsoomay magaalada Jigjiga.

Kulankan oo ahaa mid lagaga hadlayay xaaladda ammaanka ee degaanka, ayaa waxaa la isla qaatay qodobo muhiim u ahaa sii xoojinta ammaanka ee degaanka Soomaalida.

Haddaba qodobada lago'aamiyay ee lagu sii xoojinayo nabadgalyada degaanka ayaa waxaa ka mid ahaa, sidii loosii xoojin lahaa sugidda amniga ee dhanka xuduudaha degaanka gaar ahaan ladagaalanka kooxda Al Shabaab. In laga tallaabo qaado dadyowga lala xiriirinayo inay taageerada umuujinayaan kooxda ay dawladdu u aqoonsatay Argagaxisada ee TPLF.

Waxa kaloo kamid ahaa qodobada maanta la go'aamiyay in laga hortago isku dhacyada qabaa'ilka iyo waliba sidii looga hortagi lahaa hubka aan sharciga ahayn.

Qodobadan maanta la go'aamiyay ayaa kusoo hagaagaya iyadoo Madaxweynuhu uu horey uga dhawaajiyay in ladardargalinayo hawlaha lagu sii xoojinayo nabadgalyada degaanka, isla markaana uu sheegay in gacan adag lagu qaban doono dadka taageerada u muujiya kooxda ay dawladdu u aqoonsatay Argagaxisada ee TPLF.

Abdilahi Jawhar, Hiiraan Online
[email protected]












Click here
8/24/2021 1:05 PM EST
Talaado, Agoosto, 24, 2021 (HOL) - Raysal wasaaraha Xukuumada Feradaalka Soomaaliya Maxamed Xuseen Rooble ayaa markii ugu horeysay si cad u sheegay inuu xalin doono tabashada shacabka reer Hiiraan ka qabaan maamulka Hirshabeelle.

8/24/2021 8:38 AM EST
Talaado, Agoosto, 24, 2021 (HOL) - Ra’iisul Wasaaraha Soomaaliya Maxamed Xuseen Rooble oo guddoomiyey kulan u dhexeeyey Golaha Wadatashiga Qaran ee Doorashooyinka iyo wakiilada Beesha Caalamka u jooga Soomaaliya ayaa looga hadlay dar-dargelinta geeddi-socodka doorashooyinka iyo dadajinta dhaqaalaha farsamo ee saaxiibada caalamka kaga aadan Hannaanka doorashooyinka.

8/24/2021 7:18 AM EST
Talaado, Agoosto, 24, 2021 (HOL) - Guddoomiyaha aqalka sare, Cabdi Xaashi Cabdullaahi iyo garabkiisa siyaasadeed ayaa kasoo horjeestay qaabka golaha wdatashiga Qaran u wajaheen doorashada Kuraasta labada Aqal ee Somaliland.

8/24/2021 4:55 AM EST
Talaado, Agoosto, 24, 2021 (HOL) - Ururada bulshada rayidka Soomaaliyeed ayaa walaac xoogan ka muujiyay habraacii dooraashada golaha shacabka ee dhawaan ay soo saareen golaha wadatashiga qaran.

8/24/2021 3:55 AM EST
Talaado, Agoosto, 24, 2021 (HOL) - Madaxweynayaasha dowlad Goboleedyada ayaa oggolaaday in laga wada hadlo qodobbada ay cabshada iyo diidmada ay Midowga Musharrixiinta ka keeneen habraacii doorashada Golaha Shacabka.

8/24/2021 2:41 AM EST
Talaado, Agoosto, 24, 2021 (HOL) - Wararka ka imaanaya deegaanka Camaara ee gobolka Mudug ayaa sheegaya in waabarigii hore ee saakay weerar qarax ku bilaawday ay ku qaadeen dagaalamayaasha Al-shabaab Saldhiga ciidamada dowladda iyo kuwa Galmudug.

8/24/2021 1:13 AM EST
Talaado, Agoosto, 24, 2021 (HOL) - Wasiirka waxbarashada Somaliland Axmed Maxammed Diiriye (Toorno), ayaa waxba kama jiraan ku tilmamay eedaha loo jeedinayo, macalimiinta Shabakada Abaarso, waxaanu sheegay in caddayn laga rabo cidii tidhi diin kale ayaa lagu dhigaa dugsiyada Abaarso.